گلگت بلتستان ءَ دیمروئی ءُ وشھالی ءِ سفر ھچ وڑیں جاوراں بند نہ بیت، انجینئر امیر مقام، خواجہ سعد رفیق اسکردو ءَ لس مچی ءَ گوں تران

سکردو،اسلام آباد۔1جون  (اے پی پی): کشمیر ءِ کارانی وفاقی وزیر گلگت بلتستان ءُ سافرون ءِ انجینئر امیر مقام ءَ گشتگ کہ مسلم لیگ (ن) ءِ سروکی ءَ گلگت بلتستان ءَ دیمروئی ءُ وشحالی ءِ ہما سفر کہ بندات کتگ آ ہچ وڑیں جاوراں بند نہ بیت۔ استیں حکومت مزن وزیر محمد شہباز شریف ءِ سروکی ءَ گلگت بلتستان ءِ دیمروئی ءِ واستہ بازیں منصوبگ آنی سر ءَ کار کنگ ءَ انت۔ اے ھیالانی درشانی آئی ءَ اسکردو ءَ لس مچی ءَ گوں تران کنان ءَ کت۔ پاکستان مسلم لیگ اسکردو ءِ تنظیم ءِ چیر دستی ءَ حلقہ نمبر 2 اسکردو ءَ مزنیں لس مچی ءِ برجم دارگ بوت کہ ایشی ءِ تہا پارٹی کارکن، دمگی بزرگ ءُ الس ءَ مزنیں کساسے ءَ بہر زرت۔ وفاقی وزیر انجینئر امیر مقام، مسلم لیگ ءِ سینئر رہشون خواجہ سعد رفیق، حلقہ نمبر یک اسکردو ءِ امید وار ءُ حلقہ نمبر 2 ءِ امید وار جنرل سیکرٹری گلگت بلتستان اکبر طابان، حلقہ نمبر دو ءِ امید وار امتیاز حیدر کاجو، مسلم لیگ ءِ جارکش حاجت حیدر کاجو بلتستانی، ضلع اسکردو مسلم لیگ ن ءِ صدر حاجی شفیق ءُ ایندگر رہشوناں ھاسیں رنگ ءَ بہر زرتگ ءُ مچی ءَ گشتانک داتگ۔ وفاقی وزیر انجینئر امیر مقام ءَ وتی گشتانک ءِ تہ ءَ گوشت کہ مسلم لیگ ن ءِ سروک ءُ پیسریگیں مزن وزیر میان محمد نواز شریف ءِ دور ءَ گلگت بلتستان ءَ بے دروریں دیمروئی کار کنگ بوتگ۔ آئی ءَ گوشت کہ دمگ ءَ سڑک آنی نیٹ ورک ایر کنگ بوت، بلتستان یونیورسٹی جوڑ کنگ بوت، وھدیکہ قراقرم یونیورسٹی ءِ ھنزہ، دیامر ءُ غیزر کیمپس ھم مسلم لیگ ن سروکی ءِ دیمروئی ءِ وژن ءِ آسر انت۔ آئی ءَ گوشت کہ استیں حکومت مزن وزیر محمد شہباز شریف ءِ سروکی ءَ گلگت بلتستان ءِ دیمروئی ءِ واستہ بازیں منصوبگ آنی سر ءَ کار کنگ ءَ انت۔ شمسی توانائی ءِ منصوبگ، ڈنمار اسکول، وانگ ءُ زانگ ءِ اسکالرشپ، لیپ ٹاپ ءِ اسکیم ءُ ہاؤسنگ اسکیم حکومت ءِ ھاسیں گامگیج انت کہ آ ورنا ءُ الس ءِ وشحالی ءِ ھاترا انت۔ آئی ءَ گیش گوشت کہ گوستگیں سیلاب ءِ آفت آنی وھد ءَ مزن وزیر شہباز شریف ءَ گلگت بلتستان ءِ سیلاب ءِ آماچیں مردم آنی واستہ 4ارب کلدار ءِ ھاسیں کمک ءُ بحالی پیکج ءِ منظوری داتگ ایشی ءِ چیر دستی ءَ آماچیں ھاندان آنی کمک ءُ تاوان بوتگیں بنیاتی ڈھانچہ ءِ بحالی ءِ واستہ عملی گامگیج چست کنگ بوتگ۔ گلگت بلتستان ءَ مسلم لیگ (ن) ءِ سروکی ءَ دیمروئی ءُ وشھالی ءِ ھما سفر کہ بندات کتگ ایشی ءَ را ھچ وڑیں جاوراں اوشتگ ءِ موہ دیگ نہ بیت۔ آئی ءَ اے گپ ءِ سر ءَ زور پر دات کہ اے مئے پارٹی ءِ مھکمیں جزم اِنت کہ اے دیمروئی، راجی وشھالی ءُ وشھالی ءِ سفر ءَ را گیش دیم ءَ برگ ءُ دمگ ءِ اُلس ءَ را جوانیں وانگ ءُ زانگ، جان سلامتی، روزگار، سیل ءُ سواد ءُ نوکیں بنیاتی آسراتی پجاری کنگ بہ بیت۔ آئی ءَ گوشت کہ این ایف سی ءِ ایوارڈ گلگت بلتستان ءِ ھک انت ءُ اے گپ ءِ ذکر گوستگیں روچاں منی سروک میان محمد نواز شریف ءَ کتگ کہ این ایف سی گلگت بلتستان ءُ آزات کشمیر ءِ الس ءِ ھک انت۔ نوں اے حق ءِ دئیگ مئے پارٹی ءِ شعار انت۔ انجینئر امیر مقام ءَ گشتگ مزن وزیر شہباز شریف ءُ فیلڈ مارشل سید عاصم منیر ءِ سروکی ءَ خطہ ءَ امن ءِ برجم دارگ ءَ پاکستان ءَ مزنیں کردے پیلو کتگ ۔ آئی ءَ گوشت کہ گوستگیں وھد ءَ امریکہ ءُ ایران ءِ نیام ءَ کش ءُ چیل ءِ وھد ءَ پاکستان ءَ عقلمندیں سفارتکاری ءِ درشان کنان ءَ امن بحالی ءِ کوشست آنی تہ ءَ جوانیں کرد پیلو کتگ۔ وفاقی وزیر ءَ گوشت کہ پاکستان ءَ مدام امن ءِ لوٹ بوتگ، البت ملک ءِ دفاع ءُ وت واجہی ءِ رکھینگ ءِ واستہ ھمک رنگ ءِ صلاحیت است انت۔ آئی ئَ گوشت کہ پاکستان ئَ چہ وت ئَ چہ بازیں رند ئَ مزنیں دژمن ئَ را پُلگ ئَ چہ وتی مھکمی، جزم ءُ راجی یکوئی ئِ سوب ئِ سوب داتگ۔ انجینئر امیر مقام ءَ پاکستان ءِ سلاہ بندیں اُرد ءَ را شگر ءُ منت گپت ءُ گوشت کہ ملک ءِ سیمسر آنی رکھینگ، راجی ایمنی ءِ رکھینگ ءُ امن ءِ برجائی ءِ واستہ پاک فوج ءَ بے دروریں قربانی داتگ۔ آئی ءَ پیسریگیں مزن وزیر نواز شریف ءَ را ھم شگر ءُ منت گپت ءُ گوشت کہ 28 مئی 1998 ءَ ایٹمی تراک کنگ ءِ پیسلہ پاکستان ءِ دفاعی راجدپتر ءِ زرین باب اِنت، ایشی ءَ ملک ءِ دفاع ناقابل شکست جوڑ کتگ۔ انجینئر امیر مقام ءَ گوشت کہ گلگت بلتستان پاکستان ءِ یک جوانیں ءُ بے دروریں سیل ءُ سواد ءِ دمگ اِنت، ایشی ءِ تہ ءَ سیل ءُ سواد ءِ بے دروریں موہ است اَنت۔ آئی ءَ گوشت کہ گلگت بلتستان نہ ایوک ءَ وتی طبیعی زیبائی، بُرزیں کوہ ءُ دلکشیں درچک آنی سبب ءَ بے درور اِنت بلکینگ ءَ ادا ءِ مردم وتی مثالی مہمان داری، مخلصی، مھر ءُ وشیں دود ءُ ربیدگ ءِ سبب ءَ ھم سرجمیں دگنیا ءَ زانگ بنت۔ آئی ءَ گوشت کہ گلگت بلتستان ءِ جوانیں دود ءُ ربیدگ اے دمگ ءِ پجار اَنت ءُ حکومت سیل ءُ سواد ءُ بنیاتی ڈھانچگ ءِ دیمروئی ءِ سر ءَ ھاسیں دلگوشی دیگ ءَ اِنت تانکہ اے لیکہ آناں جھان ءِ تک ءَ پدر کنگ بہ بنت تانکہ دمگی معیشت ءَ را گیش مھکم کنگ بہ بیت۔ اے موہ ءِ سر ءَ خواجہ سعد رفیق ءُ اے دگہ گشتانک دیوکاں گشتگ کہ مسلم لیگ ن ءَ ہر وھد ءَ سرکاری کار ءِ سیاست دیما برتگ ءُ آیوکیں وھد ءَ ھم دیمروئی، وشھالی ءُ برجائی ءِ سفر برجاہ مانیت۔ آئی ءَ راج ءَ چہ دزبندی کتگ کہ آیوکیں گچین کاری ءِ بھر ءَ ن لیگ ءِ اُمیت وار آناں سوبمند کنان ءَ دمگ ءِ دیمروئی ءُ السی گہبودی ءِ ایجنڈا ءَ را گیش مھکم بہ کن اَنت۔ گشتانک دیوکاں وتی گشتانک آنی تہ ءَ مسلم لیگ ن ءِ سرکاری ھزمت، دیمروئی منصوبگ ءُ دمگی جوڑیشت ءُ دیمروئی ءِ وژن ءِ سر ءَ سرجمیں رنگ ءَ رژنائی شنگ کتگ۔ مسلم لیگ ن ءَ مدام گلگت بلتستان ءِ الس ءِ وشھالی ءُ دمگ ءِ پائیداریں دیمروئی ءَ را اولی ترجی داتگ۔ مچی ءِ ساھت ءَ کارکن ءُ دمگی مردماں پارٹی ءِ سروکی ءِ واستہ مزنیں جوزگ ءِ درشان کت، وھدیکہ مچی ءِ بھر زوروکاں مسلم لیگ (ن) ءِ سروکی ءِ سر ءَ دل یکیمی ءِ درشان کت ءُ دیمروئی ءِ سفر ءَ را برجاہ دارگ ءِ واستہ وتی جزم ءِ پدا زور دات۔