یک چاگردے کہ مھکمیں ھاندان ءِ قدر ءُ قیمتانی سر ءَ بندوک اِنت راجی دیمروئی، یکوئی ءُ چاگردی ھمگرنچی ءِ ضمانت اِنت، چیئرمین سینیٹ ءِ مات ءُ پت آنی ءِ میان اُستمانی روچ ءِ درگت ءَ کلوہ

اسلام آباد۔1جون  (اے پی پی): سینیٹ ءِ چیئرمین سید یوسف رضا گیلانی ءَ مات ءُ پت آنی میاں اوستمانی روچ ءِ درگت ءَ نسل آناں وانینگ ءِ تہ ءَ مات ءُ پت آنی آنی بے مٹیں مھر، قربانی ءُ مزنیں کرد ءَ را شگر ءُ منت درشان کت۔ چیئرمین سینیٹ ءَ وتی کلوہ ءِ تہ ءَ گوشت کہ مات ءُ پت مھکمیں ھاندان ءُ وشھالیں راج آنی بُن ھشت اَنت، ایشانی شفقت، زانت ءُ بے دروریں قربانی نوکیں نسل آنی کردار ءِ جوڑ کنگ ءُ جوانیں چاگرد ءِ جوڑ کنگ ءَ بنیاتی کرد پیلو کن اَنت۔ آئی ءَ گوشت کہ اسلام ءِ تہ ءَ مات ءُ پت سک باز مزنیں ءُ ھاسیں بستار ءِ واھند اَنت ءُ اسلام ءِ دین بار بار مات ءُ پت ءِ گوما جوانیں سلوک، احترام ءُ اطاعت ءِ پنت ءُ شون ءَ کنت۔ قرآن مجید ءِ تعلیمات ءِ حوالہ ءَ آئی ءَ گوشت کہ اللہ تعالیٰ ءَ مات ءُ پت آنی گوما مہروانی، رحم ءُ شرپ ءِ گوما پیش دارگ ءِ پرمان داتگ ءُ مات ءُ پت آنی دیم ءَ عاجزی ءِ سر ءَ زور داتگ۔ چیئرمین سینیٹ ءَ گوشت کہ مات ءُ پت ءِ ھزمت ءُ ھیالداری ھاسیں رنگ ءَ پیری ءِ وھد ءَ ایوک ءَ اخلاقی ذمہ واری نہ اِنت بلکیں مذھبی فرض ھم اِنت۔ آئی ءَ گوشت کہ حضرت محمد صلی اللہ علیہ وسلم ءِ تعلیم ءِ رد ءَ مات ءُ پت ءِ ھزمت کنگ مزنیں نیکی آں چہ یکے زانگ بیت ءُ اے دگنیا ءُ آخیرت ءَ سوبمندی، رحمت ءُ برکت ءِ وسیلہ انت۔ سید یوسف رضا گیلانی ءَ مات ءُ پت ءِ شرپ، کمک ءُ ستا ءِ سر ءَ زور پر دات ءُ گوشت کہ مھکمیں ھاندان ءِ ارزشت آنی سر ءَ بنیات ءِ چاگرد راجی دیمروئی، یکوئی ءُ چاگردی یکوئی ءِ ضمانت اِنت۔ آئی ءَ ھاسیں رنگ ءَ نوکیں نسل ءَ را زور پر دات کہ آ وتی مات ءُ پت ءِ قربانی آناں منّ اَنت، آھانی ھاتر ءَ منت واری ءِ درشان ءَ بہ کن اَنت ءُ مھر، صبر، ھزمت ءُ احترام ءِ ارزشتاں دیم ءَ بیار اَنت کہ مئے دود ءُ ربیدگ ءُ اسلامی تعلیمات ءِ یک ھاسیں بھرے اَنت۔ سینیٹ ءِ چیئرمین ءَ گوشت کہ مات ءُ پت آنی شرپ ءُ احترام ءَ چہ ھاندان ءِ نظام ءَ را مھکم کنگ بیت کہ اے یک شفقت مندیں، مھکم ءُ وشھالیں چاگرد ءِ بُن ھشت اِنت۔