وفاقی وزیر برائے راجی جان سلامتی ءَ مزن وزیر ءَ گوں گند ءُ نند کت، وزارت ءِ ھوالگ ءَ جیڈھ آنی سر ءَ گپ ءُ تران

اسلام آباد۔1جون  (اے پی پی): وفاقی وزیر برائے راجی جان سلامتی سید مصطفیٰ کمال ءَ گوں مزن وزیر محمد شہباز شریف ءَ گند ءُ نند کتگ ءُ وزارت جان سلامتی ءِ ھوالگ ءَ گپ ءُ تران کتگ۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ راجی جان سلامتی ءِ وفاقی وزیر ءَ مزن وزیر ءَ را جان سلامتی ءِ شوبگ ءَ برجاہ ءُ آیوکیں منصوبگ آنی بابت ءَ سرپد کت۔ مزن وزیر ءَ جان سلامتی ءِ شوبگ ءَ برجاہ اصلاحات ءُ پولیو ءُ ہیپاٹائٹس ءِ وڑیں ایندگہ وبائی نادراہی آنی ھلاسی ءِ واستہ وزارت ءِ کوشست آناں ساڑات۔