امن ءُ ایمنی ءِ ھاتر ءَ سیکورٹی ادارہانی کوشست ستا کرز انت، مزن وزیر شہباز شریف

لاہور۔31مئی  (اے پی پی): مزن وزیر محمد شہباز شریف ءَ ملک ءَ امن ءُ ایمنی ءِ برجائی، الس ءِ جان ءُ مال ءِ رکھینگ ءُ موثر سیکورٹی بندوبست کنگ ءِ واستہ وزارت داخلہ، کانود ءِ نفاذ ءِ ادارگ ءُ سیکورٹی فورسز ءِ کارکردگی ءَ را ساڑاتگ ءُ آیوکیں گچین کاری آنی واستہ موثریں سیکورٹی  ءِ بندوبست ءُ را ساڑات۔ جمہوری عمل ءِ دیمروئی ءُ شفافیں گچین کاری ءِ برجم دارگ ءِ ھاتر ءَ گامگیج چست کنگ بوتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ وفاقی تہی کارانی وزیر سید محسن رضا نقوی ءَ یک شمبے ءِ روچ ءَ مزن وزیر محمد شہباز شریف ءَ گوں گند ءُ نند کتگ، ایشی ءِ ساھت ءَ ملک ءِ تہ ءَ امن ءُ ایمنی ءِ سرجمیں جاور ھال آنی سر ءَ سرجمی ءَ گپ ءُ تران کتگ۔ وزیر ءِ تہی کار ءَ مزن وزیر ءَ را عید ءِ موہ ءَ شہری آنی جان ءُ مال ءِ رکھینگ ءُ راجی جا آنی ایمنی ءِ واستہ کتگیں ھاسیں بندوبست آنی بابت ءَ سرپد کت۔ آئی ءَ مزن وزیر ءَ را گلگت بلتستان ءَ آیوکیں گچین کاری آناں پرامن، شفاف ءُ منظمیں رنگ ءَ برجم دارگ ءِ واستہ سیکورٹی ادارگ آنی نیمگ ءَ کتگیں بندوبست ءُ تیاری آنی بابت ءَ سرجمی ءَ سرپد کت۔ آئی ءَ گوشت کہ گچین کاری ءِ وھد ءَ امن ءُ ایمنی ءِ برجائی ءُ ووٹر آناں ایمنیں چاگرد ءِ پھجارینگ ءِ واستہ ٹوھیں سیکورٹی منصوبگ جوڑ کنگ بوتگ۔ مزن وزیر ءَ ملک ءَ امن ءُ ایمنی ءِ برجائی ءُ الس ءِ رکھینگ ءِ واستہ وزارت ءِ تہی کار، کانود نافذ کنوکیں ادارگ ءُ سیکورٹی فورسز ءِ کوشست آناں ساڑات۔ آئی ءَ گلگت بلتستان ءِ گچین کاری ءِ واستہ موثر سیکورٹی بندوبست ءِ ھاترا وزیر داخلہ ءُ آئی ءِ ٹیم ءِ کوشست آنی ھم توسیپ کت ءُ وتی جزم ءِ درشان کت کہ حکومت جمہوری عمل ءِ واستہ ھرچ وڑیں گامگیج زورگ ءَ برجاہ دار ایت۔