گورنر بلوچستان ءَ پاکستان مسلم لیگ (ن) ءِ پارلیمنٹرینانی ڈل ءَ گوں گند ءُ نند

کوئٹہ۔ 31 مئی (اے پی پی): بلوچستان ءِ گورنر جعفر خان مندوکھل ءَ گوشت کہ گیش بوھوکیں بے روزگاری ءَ گوں گر ءُ چیل بوھگ ءِ واستہ 2026-27 ءِ بجٹ ءَ نوکیں پروگرام جوڑ کنگ بوتگ تانکہ ھزاراں ورنا شریں روزگار ءُ نوکیں کیریئر ءِ راہ آنی سر ءَ سر بہ بنت۔ اے ھیالانی درشانی آئی ءَ یک شمبے ءِ روچ ءَ گورنر گس کوئٹہ ءَ پاکستان مسلم لیگ ءِ پارلیمنٹرین آنی ڈل ءَ گوں تران کنان ءَ کت اَنت۔ ڈل ءِ تہ ءَ پاکستان مسلم لیگ ءِ پارلیمانی سروک میر سلیم خوسہ، صوبائی جنرل سیکرٹری مسلم لیگ جمال شاہ کاکر، راجی اسمبلی ءِ باسک اختر بی بی، صوبائی وزیر میر شعیب نوشیروانی، راہیلہ حمید خان برکت گیرکت دُرانی، محمد خان کھرد، میر رِند، حدیہ نواز، نسیم الرحمن ملاخیل ءُ دگہ راہشوناں چہ زانگ بیت۔ آئی ءَ گوشت کہ بلوچستان ءِ ورنا آناں دلبڈی دیگ ءِ واستہ ما ھاسیں رنگ ءَ بدلی ءِ ایجنڈا ءِ سر ءَ دلگوشی داتگ۔ ما ورناہانی ھاسیں کرد ءَ را آیوکیں وھد ءِ معمار ءُ انوگیں وھد ءِ جوڑ کنگ ءُ دیمروئی ءِ تہ ءَ شریک ءِ بستار ءَ منّیں ۔ ما استان ءِ شدیدیں فقر ءُ بے روزگاری ءَ را ھیال ءَ دارگ ءَ نوکیں روزگار ءِ موہ ءِ دیم ءَ آرگ ءَ ایں ۔ گورنر بلوچستان جعفر خان مندوخیل ءَ پارلیمنٹرین آں چہ لوٹ کتگ کہ آ ھما پروگرام آنی سر ءَ دلگوش بہ کن اَنت کہ ایشانی تہ ءَ ترندی ءَ روزگار رس ایت۔