ٹولوز ءَ ائید ءِ مراگش ءَ پاکستان ءِ سفیر ممتاز زهرہ بلوچ ءِ ھاسیں بھر زوری

پیرس۔30مئی  (اے پی پی): فرانس ءِ شھر ٹولوز ءَ ائید ءِ وشیں موہ ءِ سر ءَ یک مراگشے ءِ برجم دارگ بوت کہ ایشی ءِ تہ ءَ فرانس ءَ پاکستان ءِ سفیر ممتاز زھرہ بلوچ ءَ ھاسیں رنگ ءَ بھر زرتگ۔ پیرس ءَ پاکستان ءِ سفارت خانہ ءِ نیمگ ءَ جاڑی بوتگیں بیان ءِ رد ءَ تران کنان ءَ پاکستان ءِ سفیر ممتاز زہرا بلوچ ءَ فرانس ءِ چاگرد ءَ پاکستانی کمیونٹی ءِ ارزشتی ایں کرد ءَ را ساڑات۔ آئی ءَ پاکستان ءِ جوانیں امیج ءِ دیمروئی ءُ پاکستان ءُ فرانس ءِ نیام ءَ دوستی ءِ سیادی ءَ را مھکم کنگ ءِ واستہ آوانی کوشست آناں ساڑات۔ آئی ءَ ائید ءِ راستیں روح ءِ سر ءَ زور پر دیان ءَ یکوئی ءُ شفقت ءِ ترغیب دات۔ اے مراگش ءَ تعمیری گپ ءُ تران، ائید ءِ وشیاں ءُ کمیونٹی ءِ یک مھکمیں احساس ءِ گواہ بوتگ، ایشی ءَ چہ ھما وشھالیں دود ءُ ربیدگ ءِ عکس گندگ بوتگ کہ سرجمیں دگنیا ءَ پاکستانی آں یکجاہ کنت۔