پاک آسٹریلیا ءِ یک روچی میچ ، راولپنڈی پولیس ءَ فول پروف سیکورٹی بندوبست کتگ

راولپنڈی۔30مئی  (اے پی پی): راولپنڈی پولیس ءَ راولپنڈی کرکٹ اسٹیڈیم ءَ پاکستان ءُ آسٹریلیا ءِ نیام ءَ یک روچی میچ ءِ امن ءُ ایمنی ءِ گوما برجم دارگ ءُ لیبی، حکام ءُ کرکٹ ءِ شائقین آنی جان سلامتی ءِ واستہ فول پروف سیکورٹی ءُ موثر ٹریفک ءِ بندوبست سرجم کتگ۔ سی پی او راولپنڈی سید خالد محمود حمدانی ءِ ہدایت ءِ سرا 4500 ءَ چہ گیش پولیس افسر ءُ کارندہ سیکورٹی ءُ ٹریفک ءِ کاراں کنگ ءَ انت وھدیکہ میچ ءِ وھد ءَ نگرانی ءِ ھاتر ءَ نوکیں ٹیکنالوجی ءَ را ھم کارمرز کنگ بوھگ ءَ انت۔ پولیس ءِ جارکش ءِ رد ءَ پولیس ءِ مزنیں کارندہ میدان ءَ ھوار اَنت ءُ ڈیوٹی ءِ سر ءَ کارندہ آناں چیک ءُ بریفنگ کنگ ءَ اَنت۔ اسٹیڈیم ءُ کش ءُ گور ءِ ماڑی آنی چھت آنی سر ءَ اسنائپر ایر کنگ بوتگ اَنت وھدے کہ سیف سٹی ءُ ایندگر سی سی ٹی وی کیمر آنی وسیلگ ءَ مدام نگرانی کنگ بوھگ ءَ اِنت۔ نگرانی ءِ ھاتر ءَ ھاسیں کنٹرول روم ھم جوڑ کنگ بوتگ۔ سی پی او سید خالد محمود حمدانی ءَ گوشت کہ پولیس ءِ موبائل، ایلیٹ فورس ءُ ڈالفن اسکواڈ اسٹیڈیم ءِ کش ءُ گور ءَ گشت ءُ گشت کنگ ءَ انت وھدیکہ شہری آنی آسراتی ءِ واستہ موثر ٹریفک منصوبگ ءِ سر ءَ کار ھم کنگ بوھگ ءَ انت۔ آئی ءَ گوشت کہ پاک آسٹریلیا ءِ نیام ءَ میچ ءِ واستہ فول پروف سیکورٹی بندوبست ہر قیمت ءَ را دل یکیمی کنگ بوھگ ءَ انت۔