وزیر ءِ درئی کار اسحاق ڈار ءَ جتاجتائیں ملک آنی وزیرانی درئی کاراں گوں گند ءُ نند

نیویارک۔30مئی  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ 26 مئی ءَ بگر داں 28 مئی ءَ اقوام متحدہ ءِ تر ءُ تاب ءِ ساھت ءَ جتا جتائیں ملک آنی دری کارانی وزیر آنی گوما سرجمیں ءُ پراھ ءُ شاھگانیں گند ءُ نند ءُ گپ ءُ تران کتگ۔ نائب مزن وزیر ءُ دری کارانی وزیر ءَ چین، بحرین، کیوبا، ترکمانستان، چیک ریپبلک، پرتگال، کولمبیا، انڈونیشیا، آذربائیجان، پاناما، کمبوڈیا ءُ یوروگوئے ءِ دری کارانی وزیر آنی گوما جتا جتائیں رنگ ءَ گند ءُ نند کتگ ءُ گپ ءُ تران کتگ۔ نیویارک ءَ اقوام متحدہ ءِ سلامتی کونسل ءُ ایندگر ھاسیں دیوان آنی تہ ءَ بھر زوری ءَ پد نائب مزن وزیر ءُ دری کارانی وزیر سینیٹر محمد اسحاق ڈار ءَ واشنگٹن ءَ امریکی وزیر خارجہ مارکو روبیو ءِ گوما ھم سک باز ھاسیں گند ءُ نند کتگ ات، ایشی ءِ تہ ءَ دو نیمگی سیادی ءِ ھواری ءَ دوئیں نیمگ ءِ دلچسپی ءِ دمگی ءُ جھان ءِ جیڈھ آنی سر ءَ گپ ءُ تران کنگ بوتگ ات۔