فہد شہباز ءِ فوربس 30 انڈر 30 ایشیا 2026 ءِ تہا ہوار کنگ، وفاقی وزیر ءُ سرکاری مردمانی نیمگ ءَ چہ مبارک

اسلام آباد۔30مئی  (اے پی پی): وفاقی وزیر اطلاعات ءُ شنگکاری عطا اللہ تارڑ، وفاقی وزیر انفارمیشن ٹیکنالوجی شزہ فاطمہ خواجہ، مزن وزیر ءِ میڈیا کوآرڈینیٹر بدر شہباز وڑائچ  ءُ  مزن  یوتھ پروگرام ءِ  چیئرمین رانا مشہود احمد خان ءَ مزن وزیر ءِ یوتھ پروگرام ءِ  فوکل پرسن فہد شہباز ءَ را فوربز 30 انڈر 30 ایشیا 2026 ءِ تہ ءَ ھوار بوھگ ءِ سر ءَ گوشت کہ پاکستانی ورنا وتی توانائی ءَ را جھان ءِ تک ءَ ثابت کنگ ءَ اَنت۔ شمبے ءِ روچ ءَ سوشل نیٹ ورکنگ پلیٹ فارم ’’ایکس‘‘ ءِ سر ءَ وتی پوسٹ ءِ تہ ءَ وفاقی وزیر ءِ اھوالکاری عطا اللہ تارڑ ءَ گوشت کہ اے سک دلبڈی ءِ گپ اِنت کہ پاکستانی ورنا میاں اوستمانی تک ءَ وتی توانائی ءَ را ثابت کنگ ءَ اَنت، اے گپ ءِ گندگ ءَ فخر ءِ گپ اِنت کہ آ ملک ءِ نمائندگی ءَ جوانیں رنگ ءَ پیش دارگ ءَ اَنت ءُ سوبمندی ءِ ھاترا دیم ءَ روگ ءَ اَنت۔ آئی ءَ گوشت کہ فہد شہباز یک ورنا یے کہ آئی ءِ تہ ءَ ہر رنگیں توانائی است انت، من آئی ءِ غیر معمولی کارکردگی ءِ جتا جتائیں پلیٹ فارم آنی سر ءَ گندگ بوتگ آں ۔ وفاقی وزیر ءَ فہد شہباز ءِ واستہ نیکیں واھگ آنی درشان کت ءُ گوشت کہ ھمے جزبگ ءَ گوں دیم ءَ جنزان بہ بیت۔ انفارمیشن ٹیکنالوجی ءِ وفاقی وزیر شازہ فاطمہ خواجہ ءَ فہد شہباز ءَ را مبارک بات دات ءُ گوشت کہ پاکستان ءَ ورنا آنی دیمروئی ءِ تہ ءَ فہد شہباز ءِ ھزمت ءُ جتائیں تجربگ ءِ مزنیں کردے پیلو کنگ بیت۔ اے سوبمندی آئی ءِ محنت ءُ توانائیانی شناخت اِنت۔ مزن وزیر ءِ ورنا پروگرام ءِ چیئرمین رانا مشہود احمد خان ءَ فہد شہباز ءَ را وتی ’’ایکس‘‘ ءِ پوسٹ ءَ مبارکی دات۔ آئی ءَ گوشت کہ سوشل امپیکٹ ءِ زمرے ءَ گچین کنگ ءِ تہنا پاکستانی ءِ بستار ءَ فہد شہباز ءِ سوبمندی مزن وزیر ءِ ورنا پروگرام ءُ پاکستان ءِ واستہ فخر ءِ گپ اِنت۔ رانا مشہود احمد خان ءَ ورنا آناں بااختیار کنگ ءُ جوانیں بدلی ءِ دیمروئی ءِ تہ ءَ فہد شہباز ءِ برجاھیں سوبمندی ءِ ھاتر ءَ وتی نیکیں واھگ آنی درشان کت۔ مزن وزیر ءِ میڈیا کوآرڈینیٹر بدر شہباز ورائیچ ءَ ھم فہد شہباز ءَ را مبارکی دات۔ آئی ءَ گوشت کہ فھد شہباز آیوکیں وھد ءَ ھم ورنا آنی رھشونی ءُ جوانیں چست ءُ ایر آناں دیمروئی دیگ ءِ واستہ وتی کرد ءَ را برجاہ دار ایت۔ زانگ بہ بیت کہ مزن وزیر ءِ ورنا پروگرام ءِ فوکل پرسن فہد شہباز فوربس 30 انڈر 30 ایشیا 2026 ءَ ہوار بوتگ کہ اودا آ ورنا جنرل اسمبلی پاکستان ءِ بانی ءِ بستار ءَ پاکستان ءِ نمائندگی کنگ ءَ انت۔ اے گپ ءِ سر ءَ فخر ءِ گپ اِنت کہ فہد شہباز ایوکیں پاکستانی اِنت کہ فوربس 30 انڈر 30 ایشیا ءِ سوشل امپیکٹ ءِ زمرے ءَ منگ بوتگ ءُ ھمزمان ءَ دی ڈیانا ایوارڈ ءُ فوربس 30 انڈر 30 ایشیا ءِ وصول کنوک اِنت۔