راولپنڈی پولیس ءَ پاکستان ءُ آسٹریلیا ءِ میان ءَ سیریز ءِ اولی ون ڈے میچ ءِ واستہ سک سیکورٹی ءُ سرجمیں ٹریفک ءِ بندوبست کتگ

راولپنڈی۔30مئی  (اے پی پی): راولپنڈی پولیس ءَ پاکستان ءُ آسٹریلیا ءِ نیام ءَ سیریز ءِ اولی ون ڈے میچ ءِ واستہ سک سیکورٹی ءُ سرجمیں ٹریفک ءِ بندوبست کتگ۔ سی پی او ءِ ہدایت ءِ رد ءَ راولپنڈی اسٹیڈیم ءُ آئی ءِ کش ءُ گور ءَ فول پروف سیکورٹی بندوبست کنگ بوتگ۔ سی پی او سید خالد محمود حمدانی ءَ گوشت کہ میچ ءِ ایمنی ءُ ٹریفک ءِ روانی ءِ برجائی ءِ واستہ راولپنڈی پولیس ءِ 4500 ءَ چہ گیش افسر ءُ کارندہ وتی زمہ واری ءَ پیلو کنگ ءَ انت۔ آئی ءَ گوشت کہ پولیس ءِ مزنیں افسر میدان ءَ ھست انت ءُ کارندہ آناں چیک ءُ بریفنگ کنگ ءَ انت وھدیکہ اسٹیڈیم ءُ کش ءُ گور ءِ ماڑی آنی سر ءَ روف ٹاپ اسنائپر ھم ایر کنگ بوتگ انت۔ آئی ءَ گوشت کہ سیف سٹی ءُ اے دگہ سی سی ٹی وی کیمرہ آنی وسیلگ ءَ سیکورٹی جاور ھال آنی سر ءَ مُدام رپوٹ کنگ بوھگ ءَ انت، وھدیکہ رپوٹنگ ءِ واستہ یک جتاھیں کنٹرول روم ءِ ھم جوڑ کنگ بوتگ۔ تھانہ ءِ سیادی داروکیں موبائل گاڑی، نخبہ فورس ءُ دولفین اسکواڈ ءِ سرا اسٹیڈیم ءِ کش ءُ گوراں مدام گشت ءُ گشت کنگ ءَ انت۔ کرکٹ ءِ شائقین ءُ شہری آنی آسراتی ءِ واستہ یک موثر ٹریفک پلان ءِ ہم عمل کنگ بوھگ ءَ انت۔ سی پی او ءَ گوشت کہ پاک آسٹریلیا ءِ نیام ءَ کرکٹ میچ ءِ واستہ ھرچ قیمت ءَ فول پروف سیکورٹی بندوبست کنگ بوھگ ءَ انت تانکہ لیبی، حکام ءُ شائقین آناں ایمنیں چاگرد ءِ پجارینگ بہ بیت۔