مکہ مکرمہ۔29مئی (اے پی پی): وفاقی وزیر داخلہ محسن نقوی ءَ اسلامی ورلڈ لیگ ءِ سیکرٹری جنرل شیخ ڈاکٹر محمد بن عبدالکریم العیسیٰ ءَ گوں گند ءُ نند کتگ، ایشی ءِ تہ ءَ اسلامی ءُ دمگی کار آنی ھوالگ ءَ بازیں سرھال آنی سر ءَ گپ ءُ تران کنگ بوتگ۔ یک پریس ریلیز ءِ رد ءَ اسلامی ورلڈ لیگ ءِ بنجاہی کارگس ءَ سر بوھگ ءَ پد شیخ ڈاکٹر …
وفاقی داخلہ ءِ وزیر محسن نقوی ءَ گوں اسلامی جہانی لیگ ءِ سیکرٹری جنرل شیخ ڈاکٹر محمد بن عبدالکریم العیسیٰ ءَ گند ءُ نند
گیشتریں ھال
مکہ مکرمہ۔29مئی (اے پی پی): وفاقی وزیر داخلہ محسن نقوی ءَ اسلامی ورلڈ لیگ ءِ سیکرٹری جنرل شیخ ڈاکٹر محمد بن عبدالکریم العیسیٰ ءَ گوں گند ءُ نند کتگ، ایشی ءِ تہ ءَ اسلامی ءُ دمگی کار آنی ھوالگ ءَ بازیں سرھال آنی سر ءَ گپ ءُ تران کنگ بوتگ۔ یک پریس ریلیز ءِ رد ءَ اسلامی ورلڈ لیگ ءِ بنجاہی کارگس ءَ سر بوھگ ءَ پد شیخ ڈاکٹر محمد بن عبدالکریم العیسیٰ ءَ وزیر داخلہ محسن نقوی ءَ را وش آتک کتگ۔ وفاقی داخلہ ءِ وزیر محسن نقوی ءَ اسلامی شعور ءُ سرپدی ءِ دیمروئی ءِ ھاتر ءَ اسلامی ورلڈ لیگ ءِ کوشست آناں ساڑات ءُ سعودی عرب ءِ حکومت ءَ را زائرین ءِ ھاتر ءَ جوانیں بندوبست ءِ توسیپ کت۔ وزیر داخلہ ءَ گوشت کہ سعودی حکومت ءَ اے سال ءَ زائرین آنی نگہبانی ءِ واستہ جوانیں بندوبست کتگ، ایشی ءِ واستہ آ سعودی سروکی ءِ سک باز منت وار آں، پاکستان ءُ سعودی عرب راجدپتری اسلامی سیادی ءِ پابند انت۔ اے موہ ءِ سر ءَ اسلامی ورلڈ لیگ ءِ سیکرٹری جنرل ءَ وزیر داخلہ محسن نقوی ءَ را ھم حج ءِ روچ ءَ مبارک بات دات۔
