ایرانی رسانکدر ءَ سینیٹ ءِ چیئرمین سید یوسف رضا گیلانی ءِ ایران ءِ پارلیمنٹ ءِ اسپیکر ءَ را مبارکی ءِ کلوہ ءِ سر ءَ برجمیں کوریج داتگ

اسلام آباد۔29مئی  (اے پی پی): ایرانی رسانکدر ءَ سینیٹ ءِ چیئرمین سید یوسف رضا گیلانی ءِ ایران ءِ پارلیمنٹ ءِ اسپیکر ڈاکٹر محمد باقر قلیباف ءَ را دوبر اسپیکر ءِ بستار ءَ گچین بوھگ ءِ سر ءَ مبارکی ءِ کلوہ ءِ سر ءَ برجمیں کوریج داتگ کہ ایشی ءَ چہ پاکستان ءُ ایران ءِ نیام ءَ مھکمیں پارلیمانی سیادی ءِ درشانی کنگ بوتگ۔ ایران ءِ سرکاری ھال رسانکدر ایرنا ءَ سینیٹ ءِ چیئرمین سید یوسف رضا گیلانی ءِ کلوہ برجمیں رنگے ءَ شنگ کتگ کہ ایشی ءِ تہ ءَ دوئیں براتیں ملک آنی نیام ءَ گیش بوھوکیں گرم ءُ یکے دومی ءِ احترام ءِ سر ءَ چمشانک دیگ بوتگ۔ اے کوریج ءِ تہ ءَ ایران ءِ اے کلوہ ءِ ارزشت ءِ درشانی کنگ بیت ءُ دوئیں ملک آنی یکجائی جزم ءِ سر ءَ چمشانک دیگ بیت کہ آ پارلیمانی کمک، دمگی درک ءُ دو نیمگی سیادی ءَ را گیش مھکم بہ کن اَنت۔ سید یوسف رضا گیلانی ءَ دل یکیمی ءِ درشان کت کہ ڈاکٹر محمد باقر قلیباف ءِ برجاھیں سروکی ءَ دوئیں ملک آنی نیام ءَ پارلیمانی سیادی گیش دیمروئی کن اَنت، ایشی ءَ چہ وت مہ وتی سیت ءِ واستہ گہتریں دوستی ءُ جوانیں کمک ءِ سبب جوڑ بیت۔