سیاچن گلیشیر ءِ سرا پوسٹ بوتگیں پاکستانی فوج ءِ بہادریں سپاھیگ ائید ءِ روچ ءَ وتی راج ءِ مردماں گوں ائید ءُ مبارکی

راولپنڈی۔29مئی  (اے پی پی): مزنیں ائید ءِ موہ ءَ پاک فوج ءِ بہادریں سپاھیگاں کہ دگنیا ءِ بُرز تریں ءُ گران تریں محاذ سیاچن گلیشیر ءِ سر ءَ تعینات بوتگ اَنت راج ءَ را ھاسیں کلوہ ءِ شنگ کتگ ءُ راج ءَ را عید ءِ مبارک بات داتگ ءُ وتی جزم ءِ دفاع ءَ را دوبر پدر کتگ۔ پاک اُرد ءِ سپاھیگاں وتی کلوہ ءِ تہ ءَ گوشت کہ وھدے سرجمیں راج ائید ءِ روچ ءَ برجم دارگ ءَ انت گڈا سیاچن ءِ برف بستگیں کوہانی سر ءَ مھروانیں وطن ءِ رکھینگ ءِ واستہ مدام ھوش ءُ ساڑی انت۔ آہاں گوشت کہ شدیدیں سارتی، برفانی ھور ءُ مشکلیں کوہ آنی باوجود پاک فوج ءِ اُرد ملک ءِ ایمنی ءُ دفاع ءِ واستہ یک سیسہ ءِ دیوال ءِ رنگ ءَ اوشتاتگ انت۔ سپاھیگ آناں وتی کلوہ ءِ تہ ءَ گوشت کہ ائید الاضحی مارا بے وس ءُ ماتیں وطن ءِ واستہ وتی جان ءِ ندر کنگ ءِ سبق ءَ دنت ءُ پاک فوج ءِ سپاھیگ ھمے روح ءِ چیر دستی ءَ وتی ذمہ واری آناں پیلو کنگ ءَ اَنت۔ آہاں وتی جزم ءِ درشانی کت کہ سبز ہلال ءِ بیرک ءِ مقدسیت آہانی جان ءَ چہ گیش المی انت ءُ دژمن ءِ نیمگ ءَ چہ ہرچ وڑیں زوراکی ءِ سرجمیں زور ءَ گوں پسو دیگ بیت۔ پاک فوج ءِ سپاھیگاں راج ءَ گوں دزبندی کتگ کہ ائید ءِ موہ ءَ ملک ءُ پاک فوج ءِ امن ءُ ایمنی ءُ ایمنی ءِ واستہ ھاسیں دعا ءِ برجم دارگ بہ بیت۔