یوم تکبیر پاکستان ءِ دیمپانی، حاکمیت ءُ راجی شرپ ءِ علامت اِنت، محمد حنیف عباسی

اسلام آباد۔28مئی  (اے پی پی): ریلوے ءِ وفاقی وزیر محمد حنیف عباسی ءَ یوم تکبیر ءِ موہ ءَ وتی کلوہ ءِ تہ ءَ گوشت کہ اے روچ پاکستان ءِ دیمپانی، وت واجہی ءُ راجی شرپ ءِ علامت اِنت۔ پنچ شمبے ءِ روچ ءَ یوم تکبیر ءِ موہ ءَ وزارت ریلوے ءِ نیمگ ءَ چہ جاڑی بوتگیں کلوہ ءِ تہ ءَ وفاقی وزیر ءَ گوشت کہ 28 مئی 1998 ءَ پیسریگیں مزن وزیر ءُ مسلم لیگ ءِ سروک نواز محمد نواز شریف ءَ ایٹمی تراک ءِ رد ءَ پاکستان ءَ را ناقابل شکستیں قوت جوڑ کتگ۔ اے تاریخی پیسلہ ءَ ملک ءِ دیمپانی ناقابل شکست کت ءُ راج ءِ سر ءَ گوں فخر ءَ چست کت۔ وفاقی وزیر ءَ گوشت کہ پاکستان ءَ را مرچی دگنیا ءِ تہ ءَ ھما اسٹریٹجک ارزشت ءِ بنیات یوم تکبیر ءِ دلیری ءِ پیسلہ ءِ سر ءَ ایر کنگ بوتگ۔ راجی سلامتی ءِ سر ءَ سازش نہ کنگ ءِ جزم یوم تکبیر ءِ مستریں کلوہ اِنت۔ آئی ءَ گوشت کہ پاکستان ءِ ایٹمی پروگرام ءَ چہ پڑ ءَ طاقت ءِ توازن جوڑ بوتگ، پاکستان ءَ را یک ذمہ وار، پرامن ءُ مھکمیں ایٹمی ریاست ءِ بستار ءَ دگنیا ءِ تہ ءَ یک جتائیں جاگہ ​​ءِ است انت۔ محمد حنیف عباسی ءَ گوشت کہ یوم تکبیر یکوئی، دیمپانیی استحکام ءُ راج ءِ وت مہ وتی ءِ نوک کنگ ءِ روچ اِنت، راج وتی زانتکار، انجینئر ءُ پاکستانی اُرد ءِ قربانی ءُ ازمت آنی سر ءَ سلام اِنت۔ وفاقی وزیر ءَ گوشت کہ پاکستان ءَ مدام بھارتی زوراکی ءِ دیمپانی ءَ گوں ذمہ واری ءُ مھکمی ءَ گوں وتی دیمپانی ءَ را دل یکیمی کتگ، سلاہ بندیں اُرد ءَ را ھمک رنگ ءِ ھوپ آنی گوما گر ءُ چیل بوھگ ءِ سرجمیں صلاحیت ءُ پیشہ وارانہ مہارت است انت، سائبر وار، نوکیں ٹیکنالوجی ءُ ڈرون ءِ دیمپانی آیوکیں جنگ آنی ھاسیں عنصر انت۔ محمد حنیف عباسی ءَ گوشت کہ پاکستان ءِ ایمنی، حاکمیت ءُ دیمپانی ءِ واستہ سرجمیں راج پاکستانی فوج ءِ گوما اوشتاتگ، ھرچ وڑیں مہم جوئی یا زوراکی ءِ سر ءَ ترندیں، موثر ءُ زوراکیں رنگ ءَ پسو دیگ بیت۔ آئی ءَ گْوشتگ کہ ان شاءاللہ سبزیں ھلال ءِ بیرک تاں قیامت ءِ روچ ءَ بُرز مان اِنت۔