مئی 1998 ءَ پاکستان ءَ وتی مھکمیں دیمپانی ءُ راجی سلامتی ءِ ھاترا بے مٹیں جزم ءِ درشان کت، توانائی ءِ وفاقی وزیر سردار اویس احمد خان لغاری

اسلام آباد۔28مئی  (اے پی پی): توان ءِ وفاقی وزیر سردار اویس احمد خان لغاری ءَ گوشت کہ 28 مئی 1998 ءَ پاکستان ءَ راجی سلامتی ءِ واستہ وتی مھکمیں دیمپانی ءُ بے دروریں جزم ءِ درشان کتگ۔ 28 مئی 1998 ءَ وزارت توانائی ءِ نیمگ ءَ چہ شنگ بوتگیں کلوہ ءِ تہ ءَ چاگائی ءِ کوہ انگت ءَ راج ءِ یکوئی ، دلیری ءُ وت واجہیں سروکی ءِ گواہی ءَ دنت۔ وفاقی وزیر ءَ گوشت کہ پاکستان ءِ جوہری پروگرام خطہ ءَ امن، توازن ءُ راجی دیمپانی ءِ لوٹ آنی رد ءَ انت۔ مئے سلاھ بندیں اُرد، زانتکار ءُ راجی رھشونی ءَ پاکستان یک مھکم ءُ ایمنیں ریاستے جوڑ کُت۔ وفاقی وزیر برائے توان ءَ گوشت کہ پاکستان ایمنی ءِ واھشت مند اِنت، بلے راجی وت واجہی ءُ ایمنی ءِ سر ءَ ھچ وڑیں سمجھوتہ ممکن نہ اِنت۔ آئی ءَ گوشت کہ یوم تکبیر مارا راجی یکوئی، برجائی ءُ دیمروئی ءِ سفر ءَ را گیش مھکم کنگ ءِ کلوہ ءَ دنت۔ وفاقی وزیر ءَ گیش گوشت کہ مرچی سرجمیں راج وتی زانتکار، پاکستانی فورسز ءُ راجی بامرد آناں ندر کنگ ءَ انت۔ آئی ءَ گوشت کہ پاکستان ءَ مدام یک زمہ وار ایٹمی ریاست ءِ رنگ ءَ ثابت کتگ ءُ آیوکیں وھد ءَ ھمے رنگ ءَ دیم ءَ روان کنت۔ وفاقی وزیر ءَ گوشت کہ یوم تکبیر ایوک ءَ راجدپتری روچ نہ انت بلکینگ ءَ راجی وت مہ وتی ءِ علامت، دیمپانیی طاقت ءُ وشیں باندات ءِ واستہ جزم ءِ علامت انت۔