یوم تکبیر پاکستان ءِ حاکمیت ءُ ناقابل شکستیں دیمپانی ءِ علامت انت، وزیر قانود اعظم نظیر تارڑ

اسلام آباد۔28مئی  (اے پی پی): وفاقی وزیر کانود، انصاف ءُ انسانی حقانی سینیٹر اعظم نظیر تارڑ ءَ یوم تکبیر ءِ سر ءَ وتی کلوہ ءِ تہ ءَ گوشت کہ 28 مئی 1998 پاکستان ءِ وت واجھی ءُ ناقابل شکست دیمپانی ءِ علامت ءُ ملک ءِ راجدپتر ءِ تہ ءَ فیصلہ کنوکیں روچ اِنت۔ پنچ شمبے ءِ روچ ءَ یوم تکبیر ءِ موہ ءَ وزارت ءِ کانود ءِ نیمگ ءَ جاڑی بوتگیں کلوہ ءِ تہ ءَ وفاقی وزیر ءَ گوشت کہ پیسریگیں مزن وزیر محمد نواز شریف ءِ سروکی ءَ ھما وھد ءِ حکومت ءَ راجی سیت ءَ را اولی جاہ ءَ ایر کنان ءَ راجدپتری پیسلہ کتگ۔ آئی ءَ گوشت کہ پاکستان ءِ ایٹمی پروگرام ءِ برجائی ءِ واستہ شھید محترمہ بے نظیر بھٹو ءَ ھوار راجی سروکی ءَ ھم ھاسیں کرد پیلو کتگ۔ وزیر ءِ کانود ءَ گوشت کہ پاکستان ءَ راجی سلامتی ءُ دیمپانی ءِ لوٹ آنی رد ءَ ایٹمی توان ھور کتگ ۔ چاگائی ءِ سوبمندیں ایٹمی آزمائشاں پاکستان ءِ دیمپانی مھکم ءُ کارآمد کت۔ قوم وتی زانتکار، کارشناس ءُ سلاہ بندیں اُرد ءِ ھزمتاں چہ شگر ءُ منت گپت کنت۔ آئی ءَ گوشت کہ پاکستان ءَ جھان ءِ زور ءُ پابندیاں چہ ابید وتی راجی حاکمیت ءُ شرپ ءِ رکھینگ کتگ، یوم تکبیر راجی یکوئی، وت مہ وتی، دیمپانیی جزم ءِ نوک کنگ ءِ روچ اِنت۔ وزیر ءِ کانود ءَ گوشت کہ پاکستان یک زمہ وار ءُ امن دوستیں ایٹمی ریاست ءِ بستار ءَ جوانیں کرد پیلو کنگ ءَ انت۔ پاکستان ءِ دمگ ءَ امن، استحکام ءُ یکے دومی ءِ احترام ءِ اصولانی سرا باور انت۔ وفاقی وزیر ءَ گوشت کہ سائبر جنگ، مصنوعی ذہانت، ءُ ڈرون ٹیکنالوجی نوکیں جنگ ءِ لوٹ آنی تہ ءَ ھاسیں کرد پیلو کنگ ءَ انت۔ پاکستان ءِ سلاہ بندیں اُرد ہر پڑ ءَ سرجمیں پیشہ وارانہ صلاحیت ءُ تیاری ءِ واھند انت۔ آئی ءَ گوشت کہ راجی یکوئی ءُ پاکستان ءِ سلاہ بندیں اُرد آنی پیشہ وارانہ رنگ مئے مستریں طاقت انت۔ سینیٹر اعظم نظیر تارڑ ءَ گوشت کہ پاکستان ءِ تہ ءَ ھرچ وڑیں زوراکی ءِ سر ءَ ترندیں، موثر ءُ زوراکیں پسو دیگ ءِ سرجمیں توان ھست۔ کلیں راج پہ مھروانیں وطن ءِ دیمپانی، ایمنی ءُ شرپ ءِ ھاترا یکجاہ ءُ جزم اِنت۔