پاکستان ءَ وتی حاکمیت ءُ دیمپانیی توان ایٹمی تراکاں گوں دگنیا ءِ دیم ءَ ثابت کت، سید یوسف رضا گیلانی

اسلام آباد۔28مئی  (اے پی پی): سینیٹ ءِ چیئرمین سید یوسف رضا گیلانی ءَ گوشت کہ 28 مئی راجی وت واجھی ءُ دیمپانیی طاقت ءِ رژنائیں نشان انت، پاکستان ءَ وتی وت واجہی ءُ دیمپانیی توان ءَ ایٹمی تراک ءَ چہ دگنیا ءِ دیم ءَ ثابت کت۔ پنچ شمبے ءِ روچ ءَ یوم تکبیر ءِ موہ ءَ سینیٹ سیکرٹریٹ ءِ نیمگ ءَ جاڑی بوتگیں کلوہ ءِ تہ ءَ سید یوسف رضا گیلانی ءَ راج ءَ را مبارک بات داتگ ءُ گوشت کہ شہید ذوالفقار علی بھٹو ءَ پاکستان ءِ ایٹمی پروگرام ءِ بُن ھشت ایر کتگ ءُ ایٹمی پروگرام ءِ برجائی ءُ میسی ءِ تہ ءَ محترمہ بے نظیر بھٹو ءَ ھاسیں کرد پیلو کتگ۔ سید یوسف رضا گیلانی ءَ گوشت کہ پیسریگیں مزن وزیر محمد نواز شریف ءِ سروکی ءَ 28 مئی 1998 ءَ بوتگیں راجدپتری ایٹمی تراک پاکستان ءِ جزم ءِ درشان بوتگ، ایشی ءَ چہ جنوبی ایشیا ءَ اسٹریٹجک توازن ءِ جوڑ بوتگ۔ راجی ایمنی ءُ برجائی ءِ جیڈھ آنی سر ءَ ھمک سیاسی قوت یکجا بہ بنت۔ چیئرمین سینیٹ ءَ گوشت کہ وانگ ءُ زانگ، پٹ ءُ پول، سائنس ءُ ٹیکنالوجی ءِ شوبگ آنی تہ ءَ پاکستان ءِ دیمروئی ءَ ورنا آنی کرد پیلو کنگ لوٹ ایت۔ سید یوسف رضا گیلانی ءَ دعا کت کہ اللہ تعالیٰ پاکستان ءَ مدام ایمن، مھکم ءُ دیمروئی بہ کنت۔