صدر آصف علی زرداری ءَ آذربائیجان ءِ سروکی ءُ مہلوک ءَ را آجوئی ءِ روچ ءَ مبارک بات داتگ

اسلام آباد۔28مئی  (اے پی پی): صدر آصف علی زرداری ءَ آزربائیجان ءِ صدر الہام علیوف، حکومت ءُ الس ءَ را آجوئی ءِ روچ ءَ مبارک بات داتگ۔ پنچ شمبے ءِ روچ ءَ صدر گس ءِ پریس ونگ ءِ رد ءَ صدر ءِ مملکت ءَ وتی کلوہ ءِ تہ ءَ گوشت کہ آجوئی ءِ رسگ ءَ پد پاکستان ءُ آذربائیجان ءِ نیام ءَ گہتریں براتی سیادی جوڑ بوتگ اَنت کہ ایشی ءِ بنیات یکجائی ایمان، دود ءُ ربیدگ ءِ میراث ءُ قدر آنی سر ءَ اِنت۔ آئی ءَ گوشت کہ گوستگیں سال آنی تہ ءَ اے دو نیمگی سیادی یک مھکمیں شریکداری ءِ تہ ءَ بدل بوتگ اَنت کہ ایشی ءِ بنیات ءَ یک ءِ دومی ءِ سر ءَ بھروسہ، تپاکی ءُ راجی سیت ءِ جیڈھ آنی سر ءَ بے دروریں کمک ءِ سر ءَ اِنت۔ صدر آصف علی زرداری ءَ گوشت کہ پاکستان ءِ الس صدر الہام علیف ءِ وژن ءِ سروکی ءَ آذربائیجان ءِ چاگردی ءُ اقتصادی دیمروئی، یکوئی ءُ وشھالی ءَ را سک باز ارزشت ءَ دنت۔ آئی ءَ دوئیں براتیں ملک آنی نیام ءَ ھاسیں رنگ ءَ دو نیمگی تجارت، توانائی، دیمپانیی کمک ءُ مردم آنی نیام ءَ تبادلہ ءِ تہ ءَ کثیر نیمگی کمک ءَ را گیش کنگ ءِ واستہ پاکستان ءِ مھکمیں جزم ءِ سر ءَ زور پر دات۔ صدر ءَ آذربائیجان ءِ اُلس ءِ امن ءُ ایمنی ءِ واستہ وتی نیکیں واھگ ھم درشان کتگ اَنت۔