وفاقی داخلہ ءِ وزیر ءَ سعودی ہم منصب ءَ گوں گند ءُ نند کتگ، وت مہ وتی سیت ءِ جیڈھ آنی سر ءَ گپ ءُ تران

منی/اسلام آباد۔28مئی  (اے پی پی): وفاقی تہی کارانی وزیر محسن نقوی ءَ وتی سعودی ہم منصب شہزادہ عبدالعزیز بن سعود ءَ گوں گند ءُ نند کتگ ایشی ءِ تہا دوئیں سروک آں مزنیں ائید ءِ مبارک بات داتگ ءُ وتی نیکیں واھگ آنی درشان کتگ۔ پنچ شمبے ءِ روچ ءَ وزارت توکی کارانی نیمگ ءَ جاڑی بوتگیں بیان ءِ رد ءَ سعودی تہی کارانی وزیر ءَ وتی پاکستانی ھمکار ءَ را حج ءِ روچ ءَ مبارک بات داتگ ءُ پاکستان ءُ سعودی عرب ءِ نیام ءَ دو نیمگی سیادی ءُ تہی ایمنی ءِ بابت ءَ ھم سرجمی ءَ گپ ءُ تران کتگ۔ گند ءُ نند ءَ پیسلہ کنگ بوت کہ سعودی عرب ءَ فیڈرل کانسٹیبلری اسپیشل ڈپلومیٹک پروٹیکشن یونٹ ءِ 200کارندہ آں تربیت دیگ بیت۔ سعودی وزارت ءِ تہی کارانی مزن تک ءِ ڈل سک زوت پاکستان ءِ تر ءُ تاب ءَ کنت تانکہ وت مہ وتی کمک ءَ را دیمروئی بہ دنت۔ تہی کارانی وزیر محسن نقوی ءَ حج ءِ وھد ءَ سعودی حکومت ءِ نیمگ ءَ کتگیں جوانیں بندوبست آناں ساڑات۔ دوئیں داخلہ ءِ وزیر آں دمگ ءِ نوکتریں جاورحالانی سرا ہم گپ ءُ تران کتگ۔ سعودی عرب ءِ تہی کارانی وزیر ءَ دمگی کش ءُ چیل ءِ کم کنگ ءِ تہ ءَ پاکستان ءِ جوانیں کرد ءِ ستا کرتگ۔