سر وزیر بلوچستان: چمن پھاٹک  ءِ واکیہ  ءِ آماچیں مردمانی تاوان ءِ ھلاسی کنگ بیت

کوئٹہ۔ 27 مئی (اے پی پی): بلوچستان ءِ سر وزیر میر سرفراز بگٹی ءَ گشتگ چمن پھاٹک ءِ وئیل ءِ آماچیں مردمانی تاوان ءِ ہلاس کنگ بیت ءُ سرکار آہاں ایوک ءَ یلہ نہ کنت کہ آہاں مالی ءُ انسانی تاوان رستگ۔ آئی ءَ اے ھیالانی درشانی گوستگیں روچ ءَ چمن پھاٹک ءِ تراک ءَ بیران بوتگیں مردمانی کھول ءِ گوما گند ءُ نند ءَ پد میڈیا ءَ گوں تران کنان ءَ کت ءُ گوشت کہ حکومت ھما مردمانی ھمک رنگ ءِ کوشست ءَ کنت کہ آھاں اے وئیل ءَ مالی یا انسانی تاوان رستگ آھاں ھمک رنگ ءِ گیواری پجارینگ بہ بیت۔ آئی ءَ کوئٹہ وئیل ءِ شہیدانی کھول ءِ گوما گہتری ءِ درشان کت ءُ گوشت کہ آہاں ملک ءُ قوم ءِ واستہ مزنیں قربانی داتگ، ایشی ءِ سر ءَ ما آہانی گوما اوشتاتگ۔ آئی ءَ گوشت کہ اے یک وت کُشی اُرشے بوتگ کہ ایشی ءِ تہ ءَ گران بھائیں جان گار بوتگ اَنت ءُ اے درگت ءَ آئی ءَ سرجمیں دمگ ءِ تر ءُ تاب کتگ ءُ آماچیں برات ءُ گہاراں گوں گند ءُ نند کتگ۔ بلوچستان ءِ سر وزیر ءَ گشتگ کہ اے وھد ءَ پاکستان ءُ بلوچستان ترندیں دیمروئی ءِ نیمگ ءَ روگ ءَ انت ءُ جھان ءِ پڑ ءَ وتی نام ءَ جوڑ کنگ ءَ انت ھمے سبب انت کہ ھندی انٹیلی جنس ایجنسی ‘را’ ءِ پراکسی عناصر مُدام یک وڑ ءُ دومی وڑ ءَ بلوچستان ءَ بے رھبند کنگ ءِ جھد ءَ انت۔ گوستگیں روچ ءَ   ناشرکارانی ھلاپ ءَ موثر کارروائی کنگ بوتگ کہ ایشی ءِ آسر ءَ سوبمندیں آپریشن ءِ وھد ءَ 10 ءَ چہ 11 ناشرکار بیران بوتگ اَنت۔