عید الاضحی  یکوئی ، قربانی ءُ براتی ءِ مزنیں پیغام ءَ دنت، چیئرمین سینیٹ

ملتان۔ 27 مئی (اے پی پی):  سینیٹ ءِ چیئرمین سید یوسف رضا گیلانی ءَ گوشت کہ عید ءِ موہ ءَ گریب ءُ مستحق مردم بے ھیال کنگ مہ بنت بلکیں مزن مزن مردم ھم زلورت مندیں مردم آنی گوما وتی وشیاں بہر بہ کن انت۔ یوسف رضا گیلانی ءَ گوشت کہ پاک فوج ءِ سپاھیگاں دوستاریں وطن ءِ رکھینگ ءِ واستہ ابدمانیں قربانی داتگ انت ءُ سرجمیں راج وتی شہید آناں سلام انت۔ چیئرمین سینیٹ ءَ عید ءِ موہ ءَ حضرت موسیٰ پاک شہید ءِ سر ءَ ائید ءِ نماز وانگ بوت، ایشی ءِ تہ ءَ ملک ءِ ایمنی، دیمروئی، امن ءُ ایمنی، کشمیر ءُ فلسطین ءِ مظلومیں مسلمان ءُ مسلم امت ءِ واستہ ھاسیں نماز وانگ بوت۔ میڈیا ءَ گوں تران کنان ءَ سینیٹ ءِ چیئرمین سید یوسف رضا گیلانی ءَ گشتگ امریکا یک سپر پاورے ءُ آ ہرکس ءِ بابت ءَ وتی لیکہ ءَ دات کنت، البت پاکستان دمگ ءَ امن ءِ برجائی ءِ ھاتر ءَ جوانیں کردے پیلو کنگ ءَ انت۔ آئی ءَ گوشت کہ پاکستان پالیسی کرد ءَ پیلو کنگ ءَ انت ءُ پڑ ءَ کش ءُ چیل آنی تہ ءَ کمی ءِ واستہ وتی سفارتی کوشست ءَ را برجاہ دارگ ءَ انت۔ چیئرمین سینیٹ ءَ ناشرکاری ءِ واکیہ آں سک مذمت کتگ ءُ گشتگ کہ ملک ءَ یک رندے پدا ناشرکاری چست بوھگ ءَ انت بلے ناشرکارانی واستہ ہچ وڑیں مراعات مہ بیت ءُ سرجمیں راج ناشرکاری ءِ ہلاپ ءَ یک مشت انت۔ بیست ءُ ہژدمی آئین ترمیم ءِ بابت ءَ گپ ءُ تران کنان ءَ آئی ءَ گوشت کہ اے رازداری ءِ جیڈھ نہ اِنت، درستیں جیڈھ آئین ءُ پارلیمنٹ ءِ دائرہ کار ءِ تہ ءَ پیسلہ کنگ بنت۔ سیاسی گل آیوکیں بجٹ ءَ گیش ءَ چہ گیش مہلوک ءَ را ریلیف بہ دے اَنت۔ سید یوسف رضا گیلانی ءَ استانانی معاملہ ءِ سرا تران کنان ءَ گشتگ کہ بلاول بھٹو ءِ استانانی بابت ءَ بیان درستانی دیما انت۔ درستیں سیاسی گلاں تپاکی جوڑ کنگی اِنت ءُ ہما جیڈھ آنی سر ءَ اختلاف است اِنت آہانی سر ءَ مشاورت ءِ وسیلگ ءَ گہتری آرگ لوٹ ایت۔ آئی ءَ گوشت کہ ساؤتھ پنجاب ءِ واستہ گیشتریں بجٹ پاکستان پیپلز پارٹی ءِ دور ءَ شنگ کنگ بوتگ، البت دیمروئی فنڈز ءِ جوانیں کارمردی ءَ را دل یکیمی کنگ ھم المی انت۔ آئی ءَ گوشت کہ پارلیمنٹرین آنی مستریں کار آئین سازی ءُ کانود سازی انت وھدیکہ کوچگ جوڑ کنگ ءُ بنیاتی آسراتی آنی پھجاری بنجاہی ادارگ آنی زمہ واری انت۔ آئی ءَ گوشت کہ آ مدام گراس روٹ سیاست ءِ سر ءَ ایمان داریت ءُ راجی جیڈھ آناں گیواری ءَ را اولی ترجی ءَ دنت۔ چیئرمین سینیٹ ءَ گوشت کہ پاکستان ءُ چین ءِ سیادی مثالی انت ءُ دوئیں ملک ہر موسم ءَ دوست انت۔ آؤکیں وھد سی پیک ءَ گوں بندوک اِنت سی پیک ءِ وسیلگ ءَ نہ ایوک ءَ وشھالی کیت بلکینگ ءَ روزگار ءِ نوکیں موہ ھم پیداک بنت۔ حکومت ءِ مدت ءِ سرجمی ءِ ھوالگ ءَ جست ءِ پسو ءَ چیئرمین سینیٹ ءَ گوشت کہ پاکستان ءَ چہ گیش تجربگ ءِ وس نہ بیت، توامیں ادارگ ءُ سیاسی قوت آئین ءِ رد ءَ کار بہ کن اَنت۔ آئی ءَ گوشت کہ حکومت ءَ پریشان کنگ نہ لوٹ آں بلکینگ ءَ جمہوری ءُ آئینی عمل ءِ برجائی ءِ سر ءَ ایمان دار آں ۔ جمنازیم ءِ بابت ءَ گپ جنان ءَ سید یوسف رضا گیلانی ءَ گشتگ کہ اے منصوبہ ءِ واستہ زمین ءُ فنڈ داتگ ات، نوں حکومت اے بابت ءَ فیصلہ کنت کہ آئی ءِ ذمہ واری انت۔