سروسز چیف آں یوم تکبیر ءِ  رد ءَ الس آناں  دلی مبارک بات

راولپنڈی۔28مئی  (اے پی پی): آرمی اسٹاف ءِ سروک ءُ دفاعی افواج ءِ سروک فیلڈ مارشل سید عاصم منیر، نیول اسٹاف ءِ سروک ایڈمرل نوید اشرف ءُ ایئر اسٹاف ءِ سروک ایئر چیف مارشل ظہیر احمد بابر سدھو ءَ راج ءَ را 8 سالی روچ ءِ درگت ءَ دل ءِ جہلانکی ءَ چہ مبارکی درشان کتگ۔ یوم ءِ تکبیر۔ انٹر سروسز پبلک ریلیشنز ءِ نیمگ ءَ جاڑی بوتگیں بیان ءَ گوشت کہ 28مئی 1998 پاکستان ءِ راجدپتر ءِ تہ ءَ یک ھاسیں سنگ اِنت وھدے کہ پاکستان ایٹمی طاقت ءِ رنگ ءَ دیم ءَ اتکگ ءُ دمگ ءَ اسٹریٹجک توازن بحال کتگ۔ یوم تکبیر راجی یکوئی، جزم، حاکمیت ءِ رکھینگ ءُ راجی شرپ ءِ علامت اِنت۔ بیان ءِ تہ ءَ گوشت کہ اے راجدپتری سوبمندی راجی سروکی ءِ وژن، پاکستانی زانتکار ءُ انجینئر آنی بے مٹیں کار، پاکستانی سلاھبند ءُ راج ءِ قربانی آنی آسر اِنت۔ پاکستان ءِ دفاعی ءُ اسٹریٹجک توانائی یک راجی امانت ءِ کہ دمگ ءَ امن، استحکام ءُ موثر دفاعی توانائی ءِ ضمانت ءَ دنت۔ پاکستان ءِ سلاہ بندیں اُرد ءَ ماتیں وطن ءِ دفاع، راجی ایمنی، استحکام ءُ وشھالی ءِ واستہ ھرچ وڑیں کرد ءَ را برجاہ دارگ ءِ وتی جزم ءِ پدرائی کت۔ یوم تکبیر ءِ موہ ءَ سرجمیں راج ءَ اللہ تعالیٰ ءِ دیم ءَ سجدہ کت ءُ یکوئی، سرپدی، استقامت ءُ یک مھکم ءُ وشھالیں پاکستان ءِ ھاترا وتی عزم ءِ نوک کت۔