یوم تکبیر راجی حاکمیت، بے شکستیں دفاع ءُ راجی جزم ءِ علامت اِنت، اسپیکر سردار ایاز صادق

اسلام آباد۔27مئی  (اے پی پی): راجی اسمبلی ءِ اسپیکر سردار ایاز صادق ءَ گوشت کہ پاکستان ءِ راجدپتر ءِ تہ ءَ 28 مئی 1998 ءِ روچ پاکستان ءِ راجدپتر ءِ تہ ءَ یک فخر ءُ شموشکاریں روچ اِنت، ھما وھد ءَ پاکستان ءَ سوبمندیں ایٹمی تراک آنی وسیلگ ءَ وطن ءِ دفاع ءَ را ناقابل شکست جوڑ کتگ ءُ اسلامی دگنیا ءِ تہ ءَ اولی ءُ ایٹمی طاقت ءِ تہ ءَ ھپتمی ءِ رنگ ءَ دیم ءَ اتکگ۔ اے ھیالانی درشانی آئی ءَ یوم تکبیر ءِ موہ ءَ کت کہ سرجمیں ملک ءَ ھمک سال راجی جوزگ ءِ گوما دارگ بیت۔ اسپیکر راجی اسمبلی ءَ گوشت کہ یوم تکبیر راجی وت واجہی، دفاعی استحکام ءُ بے شکستیں جزم ءِ علامت انت۔ مرچی اے روچ مارا راجدپتری قربانی، پیسلہ ءُ سروکی ءِ یات ءَ دنت کہ آہاں پاکستان ءِ دفاع ءِ ھاتر ءَ مھکمیں بنیات ءِ دات۔ اسپیکر سردار ایاز صادق ءَ گشتگ کہ پاکستان ءِ راجدپتر ءِ تہا 28 مئی 1998 یک براہ داریں روچ انت۔ آئی ءَ گوشت کہ اے پیسریگیں مزن وزیر میان محمد نواز شریف ءِ یک جرات مندیں ءُ زانتکاریں پیسلہ ات کہ آئی ءَ بھارت ءِ پنچ ایٹمی تراک آنی پسو ءَ شش ایٹمی آزمائش کتگ ءُ شدیدیں میاں اوستمانی دباؤ ءُ دلکشیں مالی پیشکش رد کتگ انت ایشی ءَ چہ پاکستان ءِ دفاع ناقابل تسخیر جوڑ بوتگ ءُ خطہ ءَ اسٹریٹجک توازن ءِ بحالی بوتگ۔ گیش ءَ چہ گیش سپیکر سردار ایاز صادق ءَ گوشت کہ سرجمیں پاکستانی راج پیسریگیں مزن وزیر میان محمد نواز شریف ءَ را اے راجدپتری پیسلہ ءِ سر ءَ سلام پیش کنت ءُ سرجمیں رنگ ءَ یکوئی ءِ درشان ءَ کنت۔ اے موہ ءِ سر ءَ اسپیکر راجی اسمبلی ءَ پیسریگیں مزن وزیر ذوالفقار علی بھٹو ءَ را ھم شگر ءُ منت درشان کت آئی ءَ پاکستان ءِ ایٹمی پروگرام ءِ بنیات ایر کتگ ءُ راجی سلامتی ءِ رکھینگ ءَ راجدپتری کرد پیلو کتگ۔ اسپیکر سردار ایاز صادق ءَ پاکستان ءِ سلاہ بندیں اُرد ءِ کرد ءَ را شگر ءُ منت گپت ءُ گوشت کہ پاکستان ءِ سلاہ بندیں اُرد ءَ راجی ایمنی، وطن ءِ رکھینگ ءُ ایٹمی اثاثہ آنی رکھینگ ءِ تہ ءَ بے دروریں کرد پیلو کتگ۔ آئی ءَ گوشت کہ پاکستانی اُرد ملک ءِ سیم سر آنی رکھینگ ءُ ھمک رنگ ءِ ھوپ ءُ ھوپ آنی گوما دیم پہ دیم بوھگ ءِ واستہ سرجمی ءَ تیار اِنت ءُ راج ءَ را وتی بہادریں قوت آنی سر ءَ پھر اِنت۔ اسپیکر سردار ایاز صادق ءَ گوشت کہ پاکستان ءِ ایٹمی پروگرام ایوک ءَ وطن ءِ رکھینگ، امن ءِ برجائی ءُ پڑ ءَ اسٹریٹجک توازن ءِ برجائی ءِ واستہ انت۔ اسپیکر راجی اسمبلی ءَ گیش گوشت کہ اے درگت ءَ ھما درستیں مزنیں سائنسدان، ٹیکنیشن ءُ انجینئر راج ءِ ستا ءِ لائق اَنت کہ آیاں چہ درائیں کمک ءَ ابید سرجمیں وت مہ وتی ءِ بنیاد ءَ اے درستیں پروگرام سرجم کتگ اَنت۔ اسپیکر سردار ایاز صادق ءَ گوشت کہ یوم تکبیر وت مہ وتی تپاوتاں چہ شموشگ ءُ ملک ءِ استحکام، دیمروئی ءُ وشھالی ءِ واستہ یکجائی ءَ کار کنگ ءِ عہد ءِ نوک کنگ ءِ روچ اِنت ءُ پاکستان ءَ را یک مھکم، وشھال ءُ دیمروئی کتگیں ریاست جوڑ کنگ ءَ سرجمی ءَ کرد پیلو کنگ ءِ روچ اِنت۔ قومی اسمبلی ءِ اسپیکر سردار ایاز صادق ءَ مھکمیں راجی دفاع ءِ سرا اللہ تعالیٰ ءِ شگر ءُ منت گپت ءُ ملک ءِ وشھالی، ایمنی ءُ برجائی ءِ ھواری ءَ دمگ ءَ دائمی امن ءِ برجائی ءِ واستہ دعا کت۔