صدر آصف علی زرداری ءَ مزنیں ائید  ءِ روچ نوابشاہ ءَ گوازینتگ، گچین بوتگیں نمائندگ ءُ مزن نامیں مردماں گوں گند ءُ نند

نواب شاہ۔27مئی  (اے پی پی):  صدر آصف علی زرداری ءَ مزنیں ائید  وتی وتی میتگ نوابشاہ ءَ گوازینتگ ءُ زرداری گس ءَ گچین بوتگیں نمائندگ ءُ مزنیں مردماں گوں گند ءُ نند کتگ۔ چار شمبے ءِ روچ ءَ گس ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ گوں صوبائی وزیر صحت ڈاکٹر عذرا فضل پیچوہو، ڈپٹی سپیکر قومی اسمبلی سید غلام مصطفیٰ شاہ، وزیراعلیٰ سندھ سید مراد علی شاہ  ءُ  ایندگر مڈاھدار آں گوں  گند ءُ نند کت۔ صدر مملکت  ءَ  صوبائی وزراء ضیاء الحسن لنجار، ناصر شاہ، جام خان شورو، علی حسن زرداری، نثار کھوڑو  ءُ  اسماعیل راہو  ءُ   باسک  قومی  ءُ  صوبائی اسمبلی صلاح الدین جونیجو، نعمان اسلام شیخ، ڈاکٹر بہادر ڈاہری  ءُ  علی حسن ہنگورجو ءَ ہم گند ءُ نند کت۔ پارٹی ءِ مزنیں رہشون، گچین بوتگیں نمائندگ ءُ مزن نامیں مردماں زرداری گس ءَ صدر آصف علی زرداری ءَ گوں گند ءُ نند کتگ ءُ ائید ءِ مبارکباد داتگ انت۔ صدر ءِ مملکت ءَ گچین بوتگیں نمائندگ آناں راجی ھزمت ءِ سر ءَ دلگوشی دیگ ءِ ہدایت کت ءُ گوشت کہ وتی وتی دمگ آنی تہ ءَ دیمروئی ءِ کار آنی رفتار ترند کنگ بہ بیت ءُ راجی جیڈھ آناں گیش ءُ گیوار کنگ بہ بیت۔ صدر آصف علی زرداری ءَ گوشت کہ الس ءِ نمائندگ الس ءِ گوما وتی سیادی ءَ را گیش مھکم بہ کن اَنت ءُ وتی جیڈھ آنی گیواری ءَ سرگرمی کرد پیلو بہ کن اَنت۔ آئی ءَ گوشت کہ الس ءِ نمائندہ آناں وتی توانائی آناں ملک ءِ دیمروئی ءُ الس ءِ ھذمت ءِ واستہ ندر کنگی انت۔