ایران ءِ صدر ڈاکٹر مسعود پیشکشیان ءَ مزن وزیر ءَ را ٹیلی فون کتگ، پاکستان مدام ایران ءِ گوما اوشتات کنت، شہباز شریف

لاہور۔27مئی  (اے پی پی): مزن وزیر محمد شہباز شریف ءَ گشتگ کہ پاکستان یک براتی ءُ ہمساہگیں ملکے ءِ بستار ءَ مدام ایران ءِ گوما اوشتات کنت۔ امیت انت کہ زوت امن ءِ معاہدے ءِ سرا دست کپیت ءُ اے معاہدے ایرانی قوم ءِ ازت ءُ ازت ءُ شرپ ءِ ہمرپ ءَ بہ بیت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ ایران ءِ صدر ڈاکٹر مسعود پیشمرگا ءَ عید ءِ موہ ءَ مزن وزیر محمد شہباز شریف ءَ گوں فون کتگ۔ گرم ءُ دوستیں گپ ءُ تران ءِ تہ ءَ کہ نزیک ءَ سی منٹ ءَ برجاہ بوت، دوئیں سروکاں ائید ءِ درگت ءَ یک ءُ دومی ءَ را مبارک بات دات ءُ وتی وتی ملک آنی اُلس ءُ سرجمیں مسلمان امت ءِ واستہ نیکیں واھگ آنی درشان کت۔ ایران ءِ صدر ءَ دمگ ءَ امن ءِ برجائی ءِ کوشست آنی تہ ءَ پاکستان ءِ ھاسیں کرد ءِ سر ءَ مزن وزیر ءُ فیلڈ مارشل سید عاصم منیر ءِ دل ءِ جہلانکی ءَ چہ شگر ءُ منت گپت۔ آئی ءَ اے گپ ءِ ھم ساڑات کہ سعودی عرب، قطر ءُ ترکی ءَ ھوار دگہ دمگی ملک ھم اے امن ءِ کوشست آنی تہ ءَ بھر زوری کنگ ءَ اَنت۔ مزن وزیر ءَ یک رندے پدا استیں بحران ءِ وھد ءَ ایران ءِ گران بھائیں جانانی تاوان ءِ سر ءَ ایران ءِ سروکی ءُ الس ءِ گوما سرجمیں یکوئی ءِ درشان کت۔ آئی ءَ مزن وزیر ءُ آئی ءِ ٹیم ءِ ھوالگ ءَ جوانیں واھشت ءِ پد ءَ ایران ءِ صدر ءِ شگر ءُ منت گپت ءُ گوشت کہ پڑ ءَ امن ءِ برجائی ءِ واستہ فیلڈ مارشل سید عاصم منیر ءَ بے مٹیں کوشست کتگ۔ مزن وزیر ءَ امیت سہرا کت کہ زوت امن ءِ معاہدہ کنگ بیت ءُ اے معاہدہ ایرانی راج ءِ عزت ءُ شرپ ءِ گوما ہمگام بیت۔ آئی ءَ گوشت کہ دمگ ءَ امن ءِ برجائی ءَ چہ ایران ءِ راستیں اقتصادی توانائی آناں پچ کنگ بیت کہ ایشی ءَ چہ سرجمیں دمگ ءَ را نپ رسیت۔ مزن وزیر ءَ گوشت کہ پاکستان یک برات ءُ ھمساھگیں ملک ئِ بستار ءَ مدام ایران ئِ گوما ھمگام ءَ اوشتاتگ ءُ پڑ ءَ امن بحالی ءَ چہ پد دوئیں ملک آنی واستہ رژنائیں ءُ وشھالیں باندات است انت۔ دوئیں راہشون آں وت مہ وتی رابطہ ءُ نزیکیں مشورہ ءِ برجاہ دارگ ءِ سرا تپاک کتگ۔