یوم تکبیر راجی وت واجہی، یکوئی، قربانی ءُ وطن ءِ دفاع ءِ ناقابل شکستیں جزم ءِ علامت اِنت، یوم تکبیر ءِ سر ءَ مزن وزیر شہباز شریف ءِ کلوہ

اسلام آباد۔28 مئی  (اے پی پی): مزن وزیر محمد شہباز شریف ءَ گوشت کہ یوم تکبیر وطن ءِ رکھینگ ءِ واستہ راجی وت واجہی، یکوئی، قربانی ءُ بے شکستیں جزم ءِ علامت انت۔ بھارت ءَ وتی جنگی جنون، انتہا پسندیں سوچ ءُ توسیع پسندیں عزائم ءِ درشان کنگ ءِ ھاترا ایٹمی تراک کتگ۔ پاکستان ءَ زانتکاریں ءُ وھد ءِ سر ءَ پیسلہ کنان ءَ دژمن ءِ سرجمیں ارادہ گوں بدلی تراکاں ھلاس کت اَنت۔ ما آپریشن بنیان مرسوس ءِ وسیلہ ءَ ابدی دژمن ءَ را زبردستیں رنگے ءَ شکست دات۔ ما آپریشن غادب الحق ءِ وسیلگ ءَ دراھیں فتنہ ءُ آھانی آسراتی کنوکاں چہ رند ءَ کشّیں۔ بیا اِت کہ ما اے عہد ءَ نوک بہ کنیں کہ ما پہ مھروانیں وطن ءِ امن، دیمروئی، مھکم ءُ ایمنی ءَ یکجاہ بہ بئیں ءُ ھرچ اندری ءُ درائیں سازش ءِ دیم ءَ بہ داریں۔ مزن وزیر کارگس ءِ میڈیا ونگ ءِ نیمگ ءَ چار شمبے ءِ روچ ءَ یوم تکبیر (28مئی) ءِ موہ ءَ جاڑی بوتگیں کلوہ ءِ تہ ءَ مزن وزیر ءَ گوشت کہ بھارت ءَ وتی جنگی جنون، انتہا پسندی ءِ سوچ ءُ توسیع پسند عزائم ءِ درشان کنگ ءِ واستہ ایٹمی تراک کتگ۔ پاکستان ءَ زانتکاریں ءُ وھد ءِ پیسلہ ءِ زورگ ءَ گوں بدلی تراکاں دژمن ءِ سرجمیں ارادہ ھلاس کت۔ آئی ءَ گوشت کہ یوم تکبیر پاکستان ءِ راجدپتر ءِ تہ مزنیں روچ اِنت وھدے سرجمیں راج ءَ بے دروریں جزم، راجی یکوئی ءُ بے دروریں دلیری ءِ درشان کنان ءَ وت ءَ را ایٹمی طاقت ءِ جار جتگ۔ مئی 1998 ءَ پاکستان ءَ ہندوستان ءِ ایٹمی آزمائشانی پسو ءَ سوبمندیں ایٹمی آزمائش کتگ ات ءُ ایشی ءَ چہ نہ ایوک ءَ دمگ ءِ توان ءِ توازن ءِ بحالی بوتگ ات بلکیں دنیا ءَ را اے کلوہ ہم دیم داتگ ات کہ ما وتی دفاعی توانائیانی بابت ءَ ہچ وڑ ءَ بے پرواہ نہ ایں ۔ اے روچ گواہی دنت کہ خدا ءِ بادشاہی کہ علامہ اقبال ءَ واب دیستگ ءُ قائداعظم محمد علی جناح ءَ زمین ءِ سرا نقشہ کتگ ات، آئی ءِ دفاع آہنی دستاں گوں کنگ بیت۔ آئی ءَ گوشت کہ مرچی ما پاکستان ءِ جوہری پروگرام ءِ سرجمی ءَ ھواریں درستیں شخصیت آناں شگر ءُ منت وار ایں ایشانی تہ ءَ ذوالفقار علی بھٹو ءِ سوچ ءُ پکر، محمد نواز شریف ءِ بے وسیں پیسلہ کنگ ءُ سروکی ءُ راجی بامرد ڈاکٹر عبدالقادیر خان ءُ ڈاکٹر سمر مبارک مبارک ءِ ازمت ھم ھوار انت۔ ایشی ءَ ابید ما ھما درستیں زانتکار، انجینئر، ماہرین، پاکستانی فورسز ءُ کارکناں ھم یات کنیں کہ آیاں پاکستان ءِ دفاع ءَ را ناقابل شکست جوڑ کنگ ءَ راجدپتری کرد پیلو کتگ۔ آئی ءَ گوشت کہ بھارت ءَ وتی جنگی جنون، انتہا پسندی ءِ سوچ ءُ توسیع پسند عزائم ءِ درشان کنگ ءِ واستہ ایٹمی آزمائش کتگ وھدیکہ پاکستان ءَ زانتکاریں ءُ وھد ءِ سر ءَ پیسلہ کنگ ءَ پد ، بدلی ءِ تراک ءَ دژمن ءِ سرجمیں ارادہ ھلاس کتگ اَنت۔ دنیا ءِ مزنیں طاقتاں پاکستان ءَ را ایٹمی تراک ءَ چہ رکّینگ ءِ جہد کتگ، معاشی زور داتگ، پابندیاں دھمکی داتگ ءُ انگت ءَ مزنیں معاشی ءُ مالی پیشکش کتگ بلے پیسریگیں مزن وزیر محمد نواز شریف ءَ وتی آجوئی ءُ حاکمیت ءِ رکھینگ ءِ ھاترا ھچ وڑیں زور ءُ لالچ ءِ سرا ھیال ءُ لیکہ نہ کتگ۔ آئی ءَ گوشت کہ یوم تکبیر ایوک ءَ ایٹمی تراک آنی یات نہ انت بلکینگ ءَ وطن ءِ رکھینگ ءِ واستہ راجی وت واجہی، یکوئی، قربانی ءُ بے شکستیں جزم ءِ علامت انت۔ ہر دور ءَ پاکستان ءِ جوہری پروگرام ءِ برجاہ دارگ ءَ مئے پیریناں اے گپ ثابت کت کہ ملک ءِ شرپ ءُ شرپ ءَ چہ گیش ہچ چیز ہژدری نہ انت۔ اگاں پاکستان ایٹمی طاقت نہ بوتیں گڑا دژمن وتی نا شریں ارادہ ءِ پیلو کنگ ءِ ھاترا ھرچ حد ءَ شتگ ات۔ پاکستان ءِ مھکمیں ایٹمی باڑ ءُ سلاہ بندیں اُرد ءِ تیاری ءُ جزم دژمن ءِ نیتانی راہ ءَ فیصلہ کنوکیں اڑاند اَنت۔ آئی ءَ گوشت کہ ما انصاف ءِ جنگ ءَ دژمن ءِ زوراکی ءِ لائکیں پسو دیگ ءَ اے جزم ءَ را ثابت کتگ۔ بھارت ءَ سازش ءِ وسیلگ ءَ پہلگام ءِ دروگیں پرچم ءِ آپریشن برجم دارگ بوتگ ءُ پاکستان ءِ شہری ءُ مسیتانی سر ءَ اُرش کنگ ءِ جواز ءِ رد ءَ کارمرز کنگ بوتگ۔ بلے مئے سلاہ بندیں اُرد ءُ راج ءَ یک یکجاھیں جبہہ ءِ بستار ءَ کار کنگ ءَ نہ ایوک ءَ آئی ءِ عزائم ءِ سرا زھر شانی کت بلکیں آئی ءِ فوجی ءُ عددی برتری ءِ شان ءُ شانت ءَ ھم ھلاس کت۔ آئی ءَ گوشت کہ سلاہ بندیں اُرد ءَ پاک اُرد ءِ سروک ءُ دفاعی اُرد ءِ سروک ءِ سروکی ءَ بے دروریں پیشہ وارانہ لیکہ ءِ درشان کتگ۔ چیف آف ایئر اسٹاف ایئر چیف مارشل زہیر احمد بابر ءُ چیف آف نیول اسٹاف ایڈمرل نوید اشرف ءِ مثالی کارکردگی ءَ مئے بہادری ءَ گوں دژمن ءَ را متاثر کتگ۔ مزن وزیر ءَ گوشت کہ ما سرجمیں دگنیا ءَ را دل یکیمی کتگ کہ مئے ھچ وڑیں زوراکی ءِ ارادہ نیست، بلے ما وت ءَ را دفاع کنگ ءِ حق ءَ دار ایں۔ جنگ ءِ تہا بلاھیں شکست ءَ پد دژمن دیم پہ دیمیں اُرشانی بدل ءَ دگہ پندلانی وسیلہ ءَ مئے ایمنی ءِ ھراب کنگ ءِ جھد ءَ ھوار اِنت۔ آ فتنہ الخریج ءُ فتنہ ہندوستان ءِ وڑیں پراکسی جنگانی وسیلہ ءَ وتی نفرت انگیزیں عزائماں برجاہ دارگ ءَ اِنت۔ اے درگت ءَ اوگان رژیم آئی ءِ آسراتی دیوک اِنت، ما اے فتنہ ءِ رند ءَ کشگ ءِ ھاترا دلجم ایں، ھما جاہ ءَ کہ ما آپریشن بنیان مرسوس ءِ وسیلہ ءَ ابدی دژمن ءَ را ھلاس کتگ، ما آپریشن غضب الحق  ءِ وسیلہ ءَ اے وڑیں درستیں فتنہ ءُ آھانی آسراتی کنوکاں چہ رند ءَ کشگ ءَ ایں. آئی ءَ گوشت کہ دژمن ھچ وڑیں نادلگوشی ءِ چیر ءَ نہ انت، نوکیں سلاھاں گوں لیسیں مئے بہادریں سلاہ بندیں اُرد سر ءَ تاں پاد ءَ ماتیں گلزمین ءِ رکھینگ ءَ جزمیگ انت۔ راج مدام اے خیرخواہانی منت وار بیت۔ بیا اِت وتی عہد ءَ نوک بہ کن اِت کہ ما وتی مھروانیں وطن ءِ امن، دیمروئی، مھکمیں وطن ءِ امن، دیمروئی، مھکم ءُ ایمنی ءِ واستہ یکجا بہ بئیں، ما ھرچ اندری ءُ درائیں سازش ءِ ھلاپ ءَ جنگ کن ایں ءُ پاکستان ءَ را یک مھکمیں، وشھال ءُ شرپداریں ریاست جوڑ کنگ ءِ واستہ وتی سرجمیں توان ءُ وسیلگاں کارمرد کنگ ءَ برجاہ دار ایں ۔