پاکستان ءَ 28 مئی ءَ ناقابل تسخیر دفاع ءِ ھاترا سوبمندی زرتگ، راج وتی خیرخواہ آناں خراج تحسین پیش کنت، صدر آصف علی زرداری ءِ یوم تکبیر ءِ   بابت ءَ  کلوہ

اسلام آباد۔28 مئی  (اے پی پی): صدر آصف علی زرداری ءَ یوم تکبیر ءِ موہ ءَ وتی کلوہ ءِ تہ ءَ گوشت کہ بیست ءُ ھشت سال پیسر مرچی 28 مئی یک مزنیں سفر ءِ علامت ءِ رنگ ءَ ابھر بوتگ، ھما روچ بوتگ کہ مئے آجوئی ءُ وت واجھی ءِ ناقابل تسخیر دفاع ءِ ضمانت داتگ۔ 1998 ءِ ھمے روچ ءَ پاکستان ءَ چگائی کوہانی تہ ءَ سوبمندیں ایٹمی تراک کنگ ءَ چہ اسٹریٹجک وت واجہی ءُ دفاعی توازن ءِ ھاترا جھد کت۔ چار شمبے ءِ روچ ءَ صدر ءِ مملکت کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ پاکستان ءَ اناگہ ءَ اے راہ نہ گپتگ۔ 1971 ءَ پاکستان ءِ بہر ءُ بانگ ءَ پد ھندی سلاہ بندیں اُرد ءِ دیم پہ دیمیں مداخلت ءِ آسر ءَ ھندوستان جنوبی ایشیا ءِ اولی ملک بوت کہ آئی ءَ ایٹمی پروگرام ءِ راہ گپت ءُ 1974 ءَ پاکستان ءِ سیمسر ءِ نزیک ءَ راجستھان ءِ شھر پوکھران ءَ وتی اولی ایٹمی آزمائش کت۔ وہدے پاکستان ءَ شہید ذوالفقار علی بھٹو ءِ سروکی ءَ وتی ایٹمی پروگرام بندات کت گڑا اے اصل ءَ ہندوستان ءِ ایٹمی بلیک میلنگ ءِ پسہ ات۔ اے پاکستان ءِ ایٹمی پروگرام ءِ بُن ھشت اِنت ءُ آئی ءِ وجود ءِ توجیل اِنت۔ صدر ءِ مملکت ءَ گوشت کہ ایشی ءَ چہ پد پاکستانی حکومت آناں راجی سلامتی ءُ وت واجہی ءِ واستہ اے اسٹریٹجک پروگرام ءِ بند کنگ ءِ واستہ دباؤ، پابندیاں ءُ جتا جتائیں پندل آنی دیمپانی کنگی بوتگ بلے پاکستان ءَ ھمک مشکل آنی پد ءَ وتی دفاع ءُ وت واجہی ءِ رکھینگ ءِ واستہ یکوئی ءِ درشان کتگ۔ آئی ءَ گوشت کہ مرچی ما یک رندے پدا وتی زانتکار، انجینئر، بہادریں سلاہ بندیں اُرد ءُ راجی ادارگ آنی جوڑ کنوک آناں شگر ءُ منت پیش کن آں کہ آھانی محنت، غیر معمولی صلاحیت ءُ راج دوستی ءِ جذبہ ءَ پاکستان ءَ را دگنیا ءِ ھپتمی ایٹمی طاقت جوڑ کتگ۔ آئی ءَ گوشت کہ مئی 1998 ءَ بھارت ءِ نیمگ ءَ گیش ایٹمی آزمائش آنی سبب ءَ پاکستان ءِ ایمنی ءُ برجا بوھگ ءِ واستہ مزنیں چیلنج ءِ جوڑ بوتگ ات۔ اے نازرکیں موڑ ءَ مئے سیاسی ءُ فوجی سروکی ءَ راستیں پیسلہ کت ءُ راج ءِ واھگ ءُ راجی مفاد ءِ راستی ءَ درشان کت۔ شدیدیں میاں اوستمانی زور، اقتصادی پابندیاں، دھمکی ءُ دھمکی آنی باوجود، ءُ دلکشیں ترغیب آنی باوجود پاکستان ءَ 28 مئی 1998 ءَ ایٹمی تراک کتگ ات۔صدر ءَ گوشت کہ پاکستان ءِ اے گامگیج ءَ نہ ایوک ءَ مئے دفاع ناقابل شکست کتگ بلکیں پاکستان ءِ دمگ ءَ ایٹمی طاقت ءِ توازن ھم جوڑ کتگ ءُ ایٹمی ءِ دمگ ءَ را ھوار کتگ۔ صدر آصف علی زرداری ءَ گوشت کہ اے راجدپتری سوبمندی نہ ایوک ءَ راج ءِ بے دروریں جزم ءِ درشان انت بلکینگ ءَ مئے آجوئی، علاقائی یکوئی ءُ وت واجہی ءِ رکھینگ ءِ واستہ راجی یکوئی ءُ یکوئی ءِ علامت انت۔ گوستگیں وھداں جتا جتائیں سرکاراں وتی وتی دوراں ایٹمی ءُ اسٹریٹجک پروگراماں اولی ترجی داتگ ءُ دنیا ءَ را اے گپ پدر کتگ کہ وھدے کہ وطن، سرزمین ءُ وت واجہی ءِ دفاع ءِ گپ کیت گڑا پاکستانی راج یکجاہ بیت۔ اے شانداریں اسٹریٹجک صلاحیت مرچی پاکستان ءِ ارزشت داریں اثاثہ ءُ راجی اعتماد انت کہ ایشی ءَ چہ الس ءِ واھشت آنی عکس انت۔ صدر ءِ مملکت ءَ گوشت کہ یوم تکبیر مئے جوانیں دفاعی حکمت عملی ءَ را نوک کنت ایش خطہ ءِ امن ءُ ایمنی ءِ واستہ ناگزیر انت۔ انوگیں ءُ آیوکیں جنگانی امکان کثیر ڈومین آپریشن ءِ سرا مشتمل بیت کہ اودا ایٹمی دفاع سائبر جنگ ءِ ہمراہی ءَ مصنوعی ذہانت، ڈرون ءُ نوکیں ٹیکنالوجی ءِ فیصلہ کنوکیں کرد پیلو کنت۔ الحمد اللہ پاکستان ءِ سلاہ بندیں اُرد ءَ اے درستیں پڑ آنی تہ ءَ وتی مہارت ءُ پیشہ وارانہ لیکہ ءَ را گیش مھکم کتگ ءُ گوستگیں سال ءَ انصاف ءِ جنگ ءَ وتی توانائی ءُ مہارت آناں دراجیں رنگ ءَ پیش داشتگ۔ صدر ءِ مملکت ءَ گوشت کہ پاکستان ءَ اکس ءِ ھلاپ ءَ زوراکی ءِ ارادہ نیست۔ ما یک ذمہ وار ءُ امن دوستیں راجے کہ میاں اوستمانی کانود ءُ اصولانی احترام ءَ کنت۔ البت اقوام متحدہ ءِ منشور ءِ 51 ءِ رد ءَ ما وتی دفاع ءِ حق ءَ داریں۔ اے حق ءَ کارمرز کنان ءَ پاکستان ءَ گوستگیں سال ءَ آپریشن بنیان مرسوس ءِ وھد ءَ بھارتی زوراکی ءِ سرا لائکیں پسو داتگ۔ انصاف ءِ جنگ ءَ مئے سوبمندی راجی یکوئی، دلیری ءُ مئے سلاہ بندیں اُرد ءِ پیشہ وارانہ لیکہ ءِ آسر بوتگ۔ صدر آصف علی زرداری ءَ گوشت کہ یوم تکبیر ھم اے عہد ءِ نوک کنگ ءِ روچ اِنت کہ ما ماتیں وطن ءِ رکھینگ ءِ واستہ ھمک قربانی ءِ واستہ ساڑی آں۔ ما دیم ءَ اتکگیں چیلنجاں سرجمی ءَ سرپد ایں ءُ آھانی دیم ءَ دارگ ءِ سرجمیں توان ءَ داریں۔ وت واجہی، نوآبادیاتی ءُ پیشہ وارانہ ءِ نیمگ ءَ مئے سفر اے برجاہ بیت، سرجمیں راج پاکستان ءِ بیرک ءَ را مدام برز دارگ ءِ واستہ یکجا اِنت ءُ مئے بہادریں سلاہ بندیں اُرد ہر وھد ءَ سرجمیں تیاری ءِ جاور ءَ اَنت۔ دژمن ءَ اے گپ ءِ سرپدی بہ بیت کہ ھرچ وڑیں زوراکی ءِ دیم ءَ زوتیں، سرجمیں ءُ تباہ کنوکیں پسو ءِ دیم ءَ آرگ بیت۔ صدر ءِ مملکت ءَ دعا کت کہ اللہ تعالیٰ پاکستان ءِ رکھینگ ءَ بہ کنت۔