کاروبار ءِ دیمروئی ءُ توسیپ ءِ واستہ چینی کمپنی آناں سرجمیں کمک ءِ دات کنت، مزن وزیر شہباز شریف بیجنگ ءَ آئی بی آئی کارپوریشن ءِ ہیڈ کوارٹر ءَ مراگش ءَ گوں تران

بیجنگ۔26مئی  (اے پی پی):  مزن وزیر محمد شہباز شریف ءَ پاک چین ءِ نیام ءَ اقتصادی ءُ تکنیکی کمک ءَ را گیش شاھیگانی دیگ ءِ وتی جزم ءِ پدر کنگ ءِ وھد ءَ دو نیمگی تجارت ءُ سرمایہ کاری ءِ دیمروئی ءِ سر ءَ زور پر دات، ءُ دوئیں ملک آنی کاروباری کمیونٹی آنی نیام ءَ ادارگی رابطہ آنی دیمروئی ءِ سر ءَ زور پر دات۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ بیجنگ ءَ آئی بی آئی کارپوریشن ءِ ہیڈ کوارٹر ءِ تر ءُ تاب کتگ۔ مزن وزیر ءَ اے موہ ءِ سر ءَ برجم داشتگیں مراگش ءَ گوں گشتانک دیان ءَ پاکستان ءُ چین ءِ نیام ءَ اقتصادی ءُ تجارتی کمک ءَ را گیش مھکم کنگ ، دو نیمگی تجارت ءُ سرمایہ کاری ءَ را دیمروئی دیگ ءُ دوئیں ملک آنی کاروباری براتی آنی نیام ءَ ادارگی رابطہ آنی تہ ءَ گیشی ءِ سر ءَ زور پر دات۔ آئی ءَ گوشت کہ اے رنگیں سیادی آنی دیمروئی پاکستان ءُ چین ءِ ھمک  موسم ءِ اسٹریٹجک کوآپریٹو پارٹنر شپ ءِ یک ھاسیں کنٹگ انت۔ مزن وزیر ءَ گوشت کہ پاکستان چینی کمپنی آناں وتی کاروبار آنی دیمروئی ءُ پراھی کنگ ءِ واستہ سرجمی ءَ کمک کنت ءُ دوئیں ملک آنی نیام ءَ اقتصادی، بیپاری ءُ تکنیکی سیادی ءَ را گیش مھکم کنگ بیت۔ مزن وزیر ءَ گوشت کہ آئی بی آئی ءِ ڈل ءَ را لھتیں ھپتگ پیسر اسلام آباد ءَ میزبانی کنگ ءَ چہ وشی بوتگ ءُ پاکستان ءَ وتی کاروباری چست ءُ ایر آناں دیمروئی دیگ ءِ واستہ ھمک رنگ ءِ آسراتی پجاری کنگ ءِ واستہ کمپنی ءَ را دل یکیمی داتگ۔ آئی ءَ گوشت کہ سی پیک ٹو۔0 ءِ چیر دستی ءَ آرٹیفیشل انٹیلی جنس ءُ انفارمیشن ٹیکنالوجی پاکستان ءِ چار مستریں ترجیحی پروگرام آنی تہ ءَ ھوار انت، ایشی ءَ را حکومت تیزی ءَ گوں دیم ءَ برگ ءَ انت۔ مزن وزیر ءَ مراگش ءَ ھواریں ورنا بھر زوروکاں گوں گشتانک دیان ءَ آھاں باصلاحیتیں کاروباری مردم ءُ وتی شوبگ ءِ زانتکار لیک اِت ءُ گوشت کہ حکومت پاکستان ورنا آناں جتاجتائیں شوبگ آنی تہ ءَ ٹیکنیکل تربیت ءُ ھنر پجاری ءِ واستہ مزنیں کساسے ءَ گامگیج چست کنگ ءَ اِنت۔ آئی ءَ گوشت کہ ورنا مئے آیوکیں باندات انت ایشانی نزیکیں سیادی ءَ چہ پاکستان ءُ چین ءِ کمک ءَ را گیش مھکم کنگ بیت۔ مزن وزیر ءَ گوشت کہ سی پیک 2.0 ءِ چیر دستی ءَ ھاسیں اقتصادی زون آنی تہ ءَ سرمایہ کاری ءِ مزنیں موہ است انت۔ آئی ءَ چینی سرمایہ کار آناں کراچی ءِ پورٹ قاسم ءِ نزیک ءَ اولی اسپیشل اکنامک زون ءِ تر ءُ تاب ءِ دعوت دات ءُ گوشت کہ اے یک سکیں وشیں منصوبگ ءِ کہ ایشی ءِ تہ ءَ 6ہزار ایکڑ ءَ چہ گیش ءِ دمگ ھوار اِنت، ایشی ءِ تہ ءَ نوکیں بنیاتی ڈھانچہ ءُ آسراتی پجاری کنگ بنت۔ ایشی ءَ چہ پیسر آئی بی آئی ءَ سر بوھگ ءِ وھد ءَ مزن وزیر ءَ را فینگٹائی ضلع ءِ پارٹی سیکرٹری وانگ شاوفینگ ءُ آئی بی آئی ءِ صدر کیان ژیاؤجون ءَ وش اتک کت۔ چین ءُ پاکستان ءِ صنعتی کمک ءُ سرحد ءِ سرا صنعتی راہداری آنی دیمروئی ءِ ھوالگ ءَ 150 ءَ چہ گیش کمپنی ءُ آوانی نمائندگ آنی نیمگ ءَ بھر زوری بوتگ۔