تہی کارانی وزیر محسن نقوی ءَ منی ءَ پاکستانی زیارتی کیمپ آنی تر ءُ تاب کتگ، آسراتی آنی سر ءَ چار ءُ تپاسی کتگ

اسلام آباد۔26مئی  (اے پی پی): وفاقی تہی کارانی وزیر محسن نقوی ءَ منی ءَ پاکستانی زیارتی کیمپ آنی تر ءُ تاب کتگ۔ زیارت کنوک ءَ را داتگیں بندوبست ءُ آسراتی آنی سر ءَ چار ءُ تپاسی کت۔ وزارت داخلہ ءِ رد ءَ وفاقی وزیر ءَ وتی تر ءُ تاب ءِ ساھت ءَ جتا جتائیں کیمپ آنی چار ءُ تپاسی کتگ ءُ زیارت کنوک آنی واستہ بندوبست کتگیں سروسز ءِ ذاتی رنگ ءَ چار ءُ تپاسی کتگ۔ آئی ءَ پاکستانی زیارت کنوک ھاسیں رنگ ءَ مزنیں شھمک ی آں گوں ھم گند ءُ نند کتگ ءُ آیانی وشھالی ءِ بابت ءَ جُست ءُ پُرس کتگ۔ محسن نقوی ءَ گوں 100 سالی زائرے ءَ ھاسیں گپ ءُ تران کت۔ آئی ءَ بزگیں زائر ءِ جرات ءُ جزم ءِ ھم ساڑات۔ زیارت کنوک ءَ وتی تاثر وزیر داخلہ ءَ گوں شیئر کت انت ءُ گوشت کہ اے سال ءِ بندوبست عمومی رنگ ءَ جوان انت۔ تہی کارانی وزیر محسن نقوی ءَ زیارتی آں چہ کیمپ آنی تہ ءَ جاہ ءُ ورگ ءِ آسراتی آنی بابت ءَ ھم جست ءُ پرس کتگ۔ آئی ءَ وفاقی وزیر سردار محمد یوسف ءِ سروکی ءَ وزارت مذہبی امور ءِ کوشست آناں ساڑات ءُ حج آپریشن ءِ انتظام ءَ سرجمیں ٹیم ءِ محنت ءَ را من اِت۔ وزیر داخلہ ءَ گوشت کہ مئے واستہ ھمک زائر سک خاص انت۔ آئی ءَ دل یکیمی دات کہ ھرچ جیڈھ ءِ گیواری ءِ واستہ کارندہ شپ ءُ روچ دستیاب اَنت۔ وزیر داخلہ ءَ سعودی حکومت ءِ ھاسیں رنگ ءَ مکہ روٹ انیشیٹیو ءِ چیر دستی ءَ پاکستان ءَ پاکستانی زیارت کنوک آناں امیگریشن آسراتی پجاری ءِ تہ ءَ ھاسیں کمک ءِ سر ءَ شگر ءُ منت گپت۔ اے درگت ءَ آئی ءَ سعودی ولی عہد محمد بن سلمان ءُ سعودی وزارت حج ءِ کمک ءِ پد ءَ ھم شگر ءُ منت گپت۔