پاک چین ءِ دوستی ءِ درچک ءَ شیرکنیں میوہ داتگ، مزن وزیر شہباز شریف ءَ بجرنگ منت ءِ مراگش ءَ گوں تران کنان ءَ دیمروئی ءِ ھاتر ءَ چین  ءِ اقتصادی ماڈل ءِ زورگ ءِ جزم ءِ درشانی

بیجنگ ۔26مئی  (اے پی پی): مزن وزیر محمد شہباز شریف ءَ محنت ءُ برجاھیں کوشست آنی وسیلگ ءَ پاکستان ءَ دیمروئی ءِ واستہ چین  ءِ اقتصادی ماڈل ءِ زورگ ءِ جزم ءِ درشان کنان ءَ گوشت کہ دیمروئی، گریبی، بے روزگاری ءُ نادراھی آنی سر ءَ چہ بجرنگ ءِ رشک ءِ سفر ءَ چہ دگنیا ءَ را سبق زورگ لوٹ ایت۔ پاکستان ءُ چین دوستی ءِ درچک ءِ بُن سک جہل انت، آئی ءَ ھئور ءِ دیمپانی کتگ، ساہگ داتگ ءُ شیرکنیں میوہ داتگ انت۔ اے مئے یکجاھیں ذمہ واری اِنت کہ ما آئی ءِ نوکیں شاخاں دیم ءَ بیاریں دانکہ آیوکیں نسل یک انچیں میراثے ءِ وارث بہ بنت کہ مئے پیرینانی تخیل ءَ چہ گیشتر مھکم بہ بیت۔ آئی ءَ سئے شمبے ءِ روچ ءَ ادا پاک چین ءِ سفارتی سیادی ءِ 75می سالروچ ءِ سر ءَ منت واری ءِ درشان کُت۔ مزن وزیر ءَ 75 سالی روچ ءِ موہ ءَ ھاسیں مراگش ءَ گوں گشتانک دیان ءَ گوشت کہ جنگل ءِ تہ ءَ مئے دوئیں مزنیں ملک آنی نیام ءَ سفارتی سیادی ءِ 75سالی مراگش ءَ بھر زوری منی واستہ شرپ ءِ گپ اِنت۔ مئے مزنیں رہشوناں اے سیادی ہفت دہائی ءَ چہ گیش ءَ گوں مزنیں لگن، جزم ءُ مخلصی ءَ جوڑ کتگ انت۔ اے سیادی نوں انچیں بُرزیں جاہے ءَ سر بوتگ اَنت کہ ایشانی رند ءَ ہچ دومی نیست ءُ ایشانی وڑیں مثالے دست نہ کپیت۔ اے ھپت دہائیانی تہا چین گوں گرانیں ءُ بے مٹیں کاراں جنگ ءِ ھاکاں چہ پاد اتکگ ءُ شان ءُ شان ءِ بُرزتریں کوہ ءَ سر بوتگ۔ اے یک رشک ءِ سفر اِنت کہ چہ ایشی ءَ دنیا ءِ درستیں ملکاں یک سبقے دربرگی اِنت کہ گریبی، بے روزگاری، نادراہی ءُ چیلنجاں چہ دیم ءَ رؤگ بہ بیت۔ اگاں ما وتی ھبر ءَ مھکم بہ بئیں گڑا گُڈ سر ءَ ما ھما چیز ءَ رس اِیں کہ چین ءَ رس اِتگ۔ چین مرچی جھان ءِ اقتصادی طاقت ءُ جھان ءِ فوجی طاقت اِنت ءُ اے دوئیں ملکانی نیام ءَ دوستی ءِ زرین دور اِنت۔ مزن وزیر ءَ پیسریگیں مزن وزیر ژو اینلائی ءِ پاکستان ءِ تر ءُ تاب ءِ یاتگاریں وئیل ءُ لاہور بالی پٹ ءَ آئی ءِ وانگ ءُ زانگ ءِ زمانگ ءِ استاد ءُ نودربر آنی گوما استقبالی ءِ یات ءَ کت۔ مزن وزیر ءَ گوشت کہ 2010 ءَ وھدے پاکستان ءَ مزنیں زمین چنڈ بوت گڈا چینی حکومت ءَ ترندیں وھد ءَ پاکستانی برات ءُ گہار آناں دل ءِ جہلانکی ءَ کمک کت، ریسکیو ہیلی کاپٹر ءُ ریسکیو گاڑی، دوائی ءُ ایندگر سامان روان دات ءُ چینی برات ءُ گہار آناں ڈاکٹر ءُ ماھمک ین ءَ را سرجمیں کمک دات۔ دمگاں چہ بوتگ۔ مزن وزیر ءَ گوشت کہ پاکستان ئُُ چین ءِ دو چہ یکے دومی ءَ چہ جتا نہ بنت، مئے دل یکجائی ءَ دڑبڑ اَنت۔ صدر شی جن پنگ ءِ متحرک ءُ رھشونی ءِ چیر دستی ءَ چین ءَ 800 ملین مردم چہ گریبی ءَ در کتگ ءُ میلیوناں مردماں روزگار ءِ موہ داتگ۔ چین اقتصادی طاقت ءِ  رد  ءَ دنیا ءِ طاقتور ترین راج چین ءَ چہ کم نہ انت۔ چہ فوجی طاقت ءِ لحاظ ءَ اے دنیا ءِ طاقتور تریں قوم ءِ برابر انت۔ ھرچ وڑا صدر شی جن پنگ ءِ فلسفہ، آئی ءِ کثیر جہتی ءِ دیمروئی، امن ءِ دیمروئی ءُ گپ ءُ تران ءُ سفارتکاری ءِ وسیلگ ءَ چہ گیشتریں خطرناکیں جیڑہانی گیش ءُ گیوار ءِ ھیال ءُ لیکہ آئی ءَ نہ ایوک ءَ یک مزنیں مردمے جوڑ کنت بلکیں اے دور ءِ احترام مندیں رہشونانی تہا یکے جوڑ کنت۔ مزن وزیر ءَ گوشت کہ برجاھیں کوشست، محنت ئُُ قربانی آنی اے سفر ءَ چہ دربرگ ءَ بہ زوریں کہ اے نوکیں دور ءِ کرامات ءِ رنگ ءَ مٹ بوتگ۔ چین ءَ وتی چاگرد سرجم ءَ بدل کتگ۔ اے پہ ما یک دراجیں سفرے بلے دنیا ءِ دراجیں سفر ہم چہ اولی گام ءَ بندات بیت۔ بیا اِت کہ ما اولی گامگیج ءَ بہ زوریں ءُ من شمئے دلجمی ءَ دل یکیمی کن آں کہ اجتماعی ءُ انفرادی رنگ ءَ گوں محنت ءُ برجاھیں کوشستاں ما یک روچے ءُ زوت پاکستان ءَ یک کسانیں چینی اقتصادی ماڈل ءِ سرجمی ءَ سر کن ایں ۔ مزن وزیر ءَ گوشت کہ پاکستان چین ءِ دوستی ءِ درچک ءِ رِد سک جہل انت۔ طوفان ءِ دیمپان بوتگ، ساہگ داتگ ءُ بازیں شیرکنیں میوہ زرتگ۔ نوں مئے یکجاھیں ذمہ واری اِنت کہ ما ایشی ءِ نوکیں شاخاں دیم ءَ بیاریں دانکہ مئے آیوکیں نسل یک انچیں بندشے ءِ وارث بہ بنت کہ مئے پیرینانی تخیل ءَ چہ گیشتر مھکم اِنت۔ مراگش ءَ گوں گشتانک دیان ءَ چین ءِ نائب صدر ھان ژینگ ءَ چین ءِ حکومت ءَ را پاکستان ءِ گوما سفارتی سیادی ءِ 75 سال ءِ مبارک بات دات ءُ مزن وزیر محمد شہباز شریف ءَ را وش اتک کت۔ آئی ءَ گوشت کہ اپریل 2015 ءَ صدر شی جن پنگ ءِ پاکستان ءِ تر ءُ تاب ءَ چین ءُ پاکستان ءِ سیادی ءَ را یک سرجمیں اسٹریٹجک کوآپریٹو شریکداری ءِ تک ءَ برز کتگ ءُ دوئیں ملک آنی نیام ءَ سیادی آنی دیمروئی ءِ واستہ بلو پرنٹ ءِ ایر کنگ بوتگ۔ آئی ءَ گوشت کہ صدر شی جن پنگ ءُ مزن وزیر محمد شہباز شریف ءِ نیام ءَ پائدگ مندیں گند ءُ نند ءَ دوئیں ملک آنی سیادی آناں نوکیں اسٹریٹجک رنگ داتگ۔ آئی ءَ گوشت کہ چین ئُُ پاکستان جغرافیہ ئُُ یک مشترکہ آیوکیں وھد ءِ وسیلگ ءَ یکجاھیں جوانیں سنگت اَنت۔ مئے گوستگیں رہشوناں مئے روایتی دوستی ءَ گوں ذاتی دلگوش ءَ دیم ءَ برتگ۔ 75سال پیسر مئے سفارتی سیادی ءِ برجائی ءَ چہ چین ءُ پاکستان یک ءِ دومی ءِ شرپ ءُ بھروسہ کن انت، یک ءِ دومی ءِ کمک ءَ کن انت ءُ یک ءِ دومی ءِ گوما کمک کن انت۔ پاکستان مدام چین ءِ گوما مھکمیں رنگے ءَ اوشتاتگ۔ ھمے وڑ ءَ چین ھم ضلورت ءِ وھد ءَ پاکستان ءِ مھکمیں کمکارے بوتگ۔ قراقرم شاھمک اہ کہ مئے دوئیں ملک آناں یکجا کنت، دو نیمگی سیادی آنی دیمروئی ءِ تہ ءَ یک کلیدی رابطہ اِنت۔ چہ ھما ملکاں کہ مئے یکجائی منصوبگ سی پیک 2.0 ءَ دست ءُ پاد کتگ انت، چین ءُ پاکستان ءِ نیام ءَ کمک ءِ دائرہ کار، شاھیگانی ءُ گہتری ءِ تہ ءَ گیشی برجاہ بوتگ، ءُ مئے دوئیں ملک آنی اُلس ءَ را عملی ءُ ٹھوس نپ آورتگ۔ آئی ءَ گوشت کہ چوش کہ ما مزنیں بدلی ءُ ایشی ءِ آسر ءَ آشوب ءِ یک صدی ءِ تہ ءَ زندگ ایں، چین ءُ پاکستان ءِ گوما یکجاہ مھکمیں رنگ ءَ اوشتگ ءِ چہ ایشی ءَ گیش سبب است انت۔ چین پاکستان ءِ گوما مئے رہشون آنی نیمگ ءَ چہ بوتگیں ھاسیں تپاکی ءِ سر ءَ دلجمی ءَ گوں عمل کنگ ءِ واستہ کار کنت۔ اے روایتی دوستی ءَ را دیم ءَ برگ ءَ انت، اسٹریٹجک رابطہ ءَ را مھکم کنت ءُ عملی کمک ءَ را گیش ءَ چہ گیش شاھیگانی دنت۔ بیا اِت ما دست ءُ دپ بہ کن ایں ءُ نوکیں دور ءِ سفر ءَ دیم ءَ بہ رو ایں ءُ نوکیں دور ءَ چین ءُ پاکستان ءِ کمیونٹی ءَ را یک مشترکہ آیوکیں وھد ءِ گوما نزیک ءُ مھکم کنگ ءِ نیمگ ءَ نوکیں گامگیج چست بہ کن ایں ۔ آئی ءَ گوشت کہ سفارتی سیادی آنی جوڑیشت ءِ 75 سالی روچ ءِ درگت ءَ چین ءَ را چین ءِ 15می پنچ سالی اقتصادی ءُ چاگردی دیمروئی منصوبگ ءُ اودان پاکستان ءِ تصور ءِ نیام ءَ ھمگرنچی ءَ را گیش مھکم کنگ لوٹ ایت ءُ سی پیک 2.0 ءُ مزن تک ءِ بیلٹ اینڈ روڈ ءِ راج ءِ کمک ءَ را دیم ءَ برگ لوٹ ایت۔ اے موہ ءِ سر ءَ مزن وزیر محمد شہباز شریف ءُ چین ءِ نائب صدر ہان ژینگ ءَ ھم پاک چین ءِ سفارتی سیادی ءِ جوڑ بوھگ ءِ 75 سالی روچ ءِ درگت ءَ کیک ءِ کٹ اتگ۔