مزن وزیر شہباز شریف ءَ بیجنگ ءَ نامداریں چینی کمپنی آنی ڈل آں گوں گند ءُ نند کتگ، اقتصادی، صنعتی ءُ بنیاتی ڈھانچگ ءِ شوبگ آنی تہ ءَ کمک ءَ را گیش شاھیگانی دیگ ءِ جزم ءِ  درشان

بیجنگ۔26مئی  (اے پی پی): مزن وزیر محمد شہباز شریف ءَ بیجنگ ءَ نامداریں چینی کمپنی آنی مزن تک ءِ ڈل آنی گوما گند ءُ نند کتگ ءُ سی پیک ءِ دومی بھر ءِ چیر دستی ءَ اقتصادی، صنعتی ءُ بنیاتی ڈھانچگ ءِ شوبگ آنی تہ ءَ کمک ءَ را گیش شاھیگانی دیگ ءِ واستہ وتی جزم ءِ پدا پدر کتگ۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ فیمسن ءِ ڈل ءَ گوں گند ءُ نند کتگ ایشی ءِ سروکی کمپنی ءِ چیف ایگزیکٹو آفیسر سو زینگ جنچن ءَ کتگ۔ مزن وزیر ءَ پاکستان ءِ کشت ءُ کشاری ءِ شوبگ ءَ ھاسیں رنگ ءَ دان ءِ ذخیرہ کنگ، فوڈ پروسیسنگ ءُ فوڈ سیکیورٹی ءِ تہ ءَ فیمسون ءِ دیریں وھد ءِ ازمت آناں ساڑات۔ مزن وزیر ءَ اے گپ ءِ گوشت کہ کٹائی ءَ پد تاوان ءَ را کم کنگ حکومت ءِ اولی ترجی اِنت، فیڈریشن ءَ را ھاسیں اقتصادی زون ءُ گرین پاکستان ءِ گامگیج ءِ چیر دستی ءَ داتگیں ترغیب ءَ چہ پائدگ چست کنان ءَ پاکستان ءَ مینوفیکچرنگ ءُ ٹیکنالوجی ءِ ٹرانسفر ءِ آسراتی جوڑ کنگ ءِ دعوت دات۔ مزن وزیر ءَ شانڈونگ جنشو گروپ کارپوریشن ءِ چیئرمین ہاؤ جیانزین ءُ آئی ءِ ڈل ءَ گوں ھم گند ءُ نند کت ءُ پاکستان ءَ میری ٹائم دیمروئی، بیٹری ءِ جوڑ کنگ، معدنیات ءِ پروسیسنگ ءُ صنعتی کمک ءِ شوبگ آنی تہ ءَ گروپ ءِ تہ ءَ گیش بوھوکیں سرمایہ کاری ءَ را ساڑات۔ مزن وزیر ءَ جنشو ھاسیں اقتصادی زون، پورٹ قاسم سی ٹو اسٹیم پروجیکٹ، گوادر ءُ شمالی معدنی شوبگ آنی تہ ءَ سرمایہ کاری کنگ ءَ جنشو گروپ ءِ کرد ءَ را ساڑات۔ مزن وزیر ءَ اے اسٹریٹجک منصوبگ آنی واستہ پاکستان ءِ حکومت ءِ سرجمیں کمک ءِ یک رندے پدا گوشت ءُ سی پیک ءِ دومی بھر ءِ چیر دستی ءَ ایشانی ترندیں رنگ ءَ سرجمی ءِ ضلورت ءِ سر ءَ زور پر دات۔ مزن وزیر ءَ چائنا کمیونیکیشنز کنسٹرکشن کمپنی  ءِ  چیئرمین  ژانگ بنگنان  ءُ  چائنا روڈ اینڈ برج کارپوریشن  ءِ مزنیں نمائندگاں گوں ھم گند ءُ نند کتگ۔ مزن وزیر ءَ گوستگیں شش دہائی آنی تہ ءَ پاکستان ءِ بنیاتی ڈھانچگ ءِ دیمروئی ءِ تہ ءَ اے کمپنی آنی کرد ءَ را ساڑات ءُ ھاسیں رنگ ءَ قراقرم ہائی وے ءُ راشیکائی اسپیشل اکنامک زون ءِ ھاسیں منصوبگ اَنت۔ آئی ءَ سی پیک ءِ چیر دستی ءَ ایم ایل ون، قراقرم ہائی وے ءِ ری الائنمنٹ ءُ ایندگر کنکٹیویٹی منصوبگ آنی سر ءَ عمل درآمد ءَ را ترند کنگ ءِ واستہ پاکستان ءِ جزم ءِ سر ءَ زور پر دات۔ مزن وزیر ءَ اے گپ ءِ سر ءَ زور پر دات کہ آ بنیاتی ڈھانچگ ءَ را نوک کنگ ءُ دمگی رابطہ ءَ را دیمروئی دیگ ءِ واستہ پاکستان ءُ سی آر بی سی ءَ را دراجیں مدتی اسٹریٹجک پارٹنر لیک ایت۔ کمپنی آں پاکستان ءِ اقتصادی گنجائش آنی سر ءَ سرجمیں دل یکیمی ءِ درشان کت ءُ کشت ءُ کشاری، صنعتی پیداوار، رسد، بنیاتی ڈھانچگ ءُ ٹیکنالوجی ءَ ھوار جتا جتائیں شوبگ آنی تہ ءَ سرمایہ کاری ءَ را گیش کنگ ءِ واستہ سک باز واھشت ءِ درشان کت۔ مزن وزیر ءَ را اے دیوان آنی تہ ءَ وفاقی وزیر ءُ سرکاری مزنیں کارندہ آنی نیمگ ءَ کمک کنگ بوتگ ات، آھاں اے کاروباری دیوان آنی تہ ءَ کشت ءُ کشار بوتگیں فصل آنی واستہ موثر ءُ وھد ءِ سر ءَ عمل درآمد ءِ منصوبگ جوڑ کنگ ءِ پنت ءُ شون کنگ بوتگ ات۔