پاکستان ءُ چین ءِ نیام ءَ بازیں مفاہمت نامہ، کشت ءُ کشاری، وانگ ءُ زانگ، سائنس ءُ ٹیکنالوجی، انسانی وسائل ءِ دیمروئی، موسمیاتی بدلی ءِ گوما وتی ردوم ءَ ھوار جتا جتائیں پڑ آنی تہ ءَ کمک ءِ دیمروئی ءِ ھاترا منوگری کنگ بوت

بیجنگ۔25مئی  (اے پی پی): پاکستان ءُ چین ءِ نیام ءَ کشت ءُ کشاری، وانگ ءُ زانگ، سائنس ءُ ٹیکنالوجی، انسانی وسائل ءِ دیمروئی ءُ موسمی بدلی ءِ گوما وتی ردوم ءَ ھوار جتا جتائیں پڑ آنی تہ ءَ کمک ءِ دیمروئی ءِ واستہ بازیں مفاہمت نامہ ءُ منوگری آنی سر ءَ دستخط کنگ بوتگ۔ اے درگت ءَ مزن وزیر محمد شہباز شریف ءِ چین ءِ تر ءُ تاب ءِ وھد ءَ یک ھاسیں مراگشے برجم دارگ بیت کہ ایشی ءِ تہ ءَ مزن وزیر محمد شہباز شریف ءُ چین ءِ وزیر لی چیانگ  ھم ساڑی ات۔ دوئیں ملک آنی نیام ءَ اقتصادی  دیمروئی ءِ شوبگ ءُ  کمک آناں گیش شاھیگانی دیگ ءِ واستہ تپاک نامہ آنی سر  ءَ  دست چنگل جنگ بوت۔ وزیر ءِ منصوبگ بندی  ءُ دیمروئی احسن اقبال ءُ چنی راجی دیمروئی ءُ منصوبگ  کمیشن  ءِ  ڈائریکٹرژینگ شانجی ءَ اے ھوالگ ءَ دست چنگل جت۔  ماحولیات  ءُ  موسمیاتی تبدیلی  ءِ شوبگ ءَ کمک  آنی ھوالگ ءَ دست چنگل جت چین  ءِ  وزیر ماحولیات ہوانگ رنچیانگ  ءُ  پاکستانی سفیر خلیل ہاشمی  ءَ دست چنگل جت ۔ پاکستان  ءُ  چین   ءِ   نیام ءَ  ویٹرنری ویکسین  ءِ   داد کنگ ءِ ھوالگ ءَ  مسل  آنی ھوالگ ءَ دست چنگل  جنگ بوت  ءُ بنجاھی وزیر غذائی رکھینگ  رانا تنویر حسین ءُ چین ءِ وزیر ءِ کشت ءُ کشار  ژانگ ژو ءَ دست چنگل جت۔   ڈرائی فروٹ  ءِ واستہ چار ءُ تپاس،   قرنطینہ  ءُ   جان سلامتی لوٹ آنی رد ءَ  چین ءِ  جنرل ایڈمنسٹریشن آف کسٹمز آنی  وزیر سن می جون  ءُ  پاکستانی سفیر خلیل ہاشمی دست چنگل جت۔مکئی ءِ واستہ نباتاتی لوٹ آنی ھوالگ ءَ   پروٹوکول  ءِ واستہ چین ءِ جنرل ایڈمنسٹریشن آف کسٹمز ءِ وزیر سن می جون   ءُ  سیکرٹری صنعت ءُ  پیداوار سیف انجم دست چنگل جت۔   سائنس  ءُ  ٹیکنالوجی ءِ شوبگ ءَ   مطابقتی جانچ   ءَ   کمک آنی تپاک یاتگیر آنی سر ءَ   چین  ءِ  اسٹیٹ ایڈمنسٹریشن آف مارکیٹ ریگولیشن  ءِ  ڈائریکٹر لوو وین  ءُ  پاکستانی سفیر خلیل ہاشمی دست چنگل جت ۔شنہوا نیوز ایجنسی  ءُ  پاکستان براڈ کاسٹنگ کارپوریشن  ءِ  نیام ءَ  تپاک نامہ آنی سر ءَ  وفاقی وزیر اطلاعات  ءُ  نشریات عطاء اللہ تارڑ  ءُ  چینی خبررساں ایجنسی  ءِ   صدر فوہوا دست چنگل جت ۔ چین  ءِ  کمیونسٹ پارٹی مرکزی کمیٹی  ءِ  پارٹی سکول  ءُ  پاکستان نیشنل سکول پبلک پالیسی  ءَ   کمک آنی یاتگیر آنی سر ءَ  چین  ءِ  کمیونسٹ پارٹی   ءِ  مرکزی کمیٹی  ءِ  پارٹی سکول  ءِ  نائب صدر شی چن تائو  ءُ  پاکستانی سفیر خلیل ہاشمی دست چنگل جت۔چائنا میڈیا گروپ  ءُ  پاکستان ٹیلی وژن  ءِ  نیام ءَ یکجائ    ڈاکیومنٹری پروڈکشن  ءَ کمک آنی سر ءَ دست چنگل  آنی سر ا ھم  وفاقی وزیر اطلاعات عطاء اللہ تارڑ  ءُ  چائنا میڈیا گروپ  ءِ  صدر شینگ ہائی ژونگ دست چنگل جت ۔سائنس  ءُ  ٹیکنالوجی  ءَ السی روگ ءُ آیگ آنی سر ءَ یاتگیر آنی سر ءَ   چائنا ایسوسی ایشن آف سائنس اینڈ ٹیکنالوجی  ءِ  پارٹی برانچ سیکرٹری ہی جونکے  ءُ  پاکستانی سفیرخلیل ہاشمی  ءَ دست چنگل جت۔ پاکستان چین آزاد تجارت  ءُ  کثیرالجہتی کمک  تپاک نامہ آنی سر ءَ نائب   وزیر تجارت یان ڈونگ  ء ُ  سیکرٹری تجارت جواد پال دست چنگل جت ۔ ناشرکاری ءِ گر ءُ دار  ءِ واستہ سامان آنی   کمک مسل ءُ بنی آدمی دیمروئی ءِ ھوالگ ءَ تپاک نامہ آنی سر ءَ  چائنا انٹرنیشنل ڈویلپمنٹ کارپوریشن  ءِ  چیئرمین چن ژیائو ڈونگ  ءُ  پاکستانی سفیر خلیل ہاشمی  ءَ دست چنگل جت۔ پاکستان  ءُ  چین  ءِ نیام ءَ کشت ءُ کشاری شوبگ ءَ کمک آنی ھوالگ  ءَ تپاک نامہ آنی سر ءَ  وفاقی وزیر احسن اقبال   ءُ  چیئرمین چن ژیائو ڈونگ  ءَ دست چنگل  جت۔ چین فارن افیئرز یونیورسٹی  ءُ  پاکستان فارن سروس اکیڈمی  ءِ نیام ءَ کمک آنی سر ءَ   ڈی جی پاکستان فارن سروس اکیڈمی  سعید جیلانی ءُ چینی فارن افیئرز یونیورسٹی  ءِ  پارٹی سیکرٹری وانگ شننگ  ءَ دستخط کتگ۔