بیجنگ۔25مئی (اے پی پی): مزن وزیر محمد شہباز شریف بیجنگ ءَ وتی دزگٹیں روچ ءِ گوازین ائیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر راج دپتر ءِ چین ءِ صدر شی جن پنگ، مزن وزیر لی کی کیانگ ءُ ہائی کمانڈ ءِ گوما گند ءُ نند کنت۔ مزن وزیر ءَ را گریٹ ہال آف پیپلز ءَ سر بوھگ ءِ …
مزن وزیر شہباز شریف ءَ مرچی بیجنگ ءَ دزگٹیں روچ ءِ گوازین ائیت
گیشتریں ھال
بیجنگ۔25مئی (اے پی پی): مزن وزیر محمد شہباز شریف بیجنگ ءَ وتی دزگٹیں روچ ءِ گوازین ائیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر راج دپتر ءِ چین ءِ صدر شی جن پنگ، مزن وزیر لی کی کیانگ ءُ ہائی کمانڈ ءِ گوما گند ءُ نند کنت۔ مزن وزیر ءَ را گریٹ ہال آف پیپلز ءَ سر بوھگ ءِ وھد ءَ آئی ءَ را گارڈ آف آنر دیگ بیت۔ چین ءِ مزن وزیر آئی ءِ وش اتک ءَ کنت۔ دوئیں ملک آنی مزن وزیر ڈل آنی تک ءَ گند ءُ نند کن اَنت ۔ دوئیں مزن وزیر پاکستان ءُ چین ءِ نیام ءَ منوگری ءُ مفاہمت نامہ ءِ بدلی ءِ مراگش ءَ ھم بہر زور اَنت۔ مزن وزیر ڈل ءِ گوما ٹاؤن مین اسکوائر ءَ پیپلز لبریشن آرمی ءِ یادگار ءِ تر ءُ تاب ءَ کنت ءُ پُل ایر کنت۔ مزن وزیر ءِ مزن نامیں چینی سرمایہ کار ءُ چینی کمپنیانی سی ای او آنی گوما ھم گند ءُ نند کنت۔ مزن وزیر ہائی کمشنر ءِ گوما پاک چین ءِ سفارتی سیادی ءِ 75می سالروچ ءِ درگت ءَ مراگش ءَ ھم بھر زوری کنت۔
