فیلڈ مارشل سید عاصم منیر ءَ امریکہ ءُ ایران ءِ میان ءَ میانجی داری ءِ تہا وتی ھاسیں کرد ءِ ھاتر ءَ میان استمانی  تک ءَ سہرا بوتگ

اسلام آباد۔25مئی  (اے پی پی): میاں اوستمانی تک ءَ برجاھیں کش ءُ چیل ءِ وھد ءَ امریکہ ءُ ایران ءِ نیام ءَ میانجی داری ءِ تہ ءَ وتی ھاسیں کرد ءِ سر ءَ چیف آف آرمی اسٹاف ءُ چیف آف ڈیفنس فورسز فیلڈ مارشل سید عاصم منیر ءَ را مدام میاں اوستمانی شناخت رسگ ءَ اِنت۔ امریکی نشریات سی بی ایس نیوز ءُ دگہ میان استمانی رسانکدر ءِ رپورٹانی رد ءَ فیلڈ مارشل سید عاصم منیر ءِ انوگیں تہران ءِ تر ءُ تاب گپ ءُ تران ءِ دیم ءَ برگ ءُ دوئیں ملکانی نیام ءَ دوری ءِ کم کنگ ءَ سک باز المی ثابت بوتگ۔ آئی ءِ گوں ایران ءِ سروکی ءَ گند ءُ نند ءِ وھد ءَ کہ ایشی ءِ تہ ءَ ایران ءِ صدر مسعود پیزیزکیان ءُ دگہ مزنیں کارندہ ھوار اَنت، یک پیش کرتگیں رھبندے ءِ ھلاس کنگ ءِ تہ ءَ پیشرفت بوتگ کہ رند ءَ ایرانی ءُ امریکی کارندہانی دیم ءَ پہ چار ءُ تپاسی ءَ پیش کنگ بوتگ۔ امریکی وزیر ءِ درئی کار مارکو روبیو ءَ ھم گپ ءُ تران ءِ تہ ءَ مزنیں پیشرفت ءِ من اِت ءُ گوشت کہ پاکستان ءِ برجاھیں سفارتی کوشست آنی برکت ءَ اے منوگری وتی گڈی تک ءَ سر بوتگ۔ مارکو روبیو ءَ گپ ءُ تران ءِ تہ ءَ پاکستان ءِ کلیدی کرد ءِ توسیپ کنان ءَ گوشت کہ اسلام آباد ءِ نیمگ ءَ آسراتی ءِ وسیلگ ءَ جاری سفارتی ھوار بوھگ ءَ مزنیں سوبمندی رستگ۔ امریکی صدر ڈونلڈ ٹرمپ ءَ ھم بازیں رند ءَ فیلڈ مارشل سید عاصم منیر ءِ سک باز ستا کرتگ ءُ آئی ءَ را ”منی دوست تریں فیلڈ مارشل“ گْوشتگ۔ ٹرمپ ءِ برجاھیں توسیپ امریکی سروکی ءِ پاکستان ءِ سروکی ءِ سر ءَ بھروسہ ءِ درشان اِنت۔ اے یکے دومی ءِ سر ءَ بھروسہ ثالثی ءِ عمل ءِ تہ ءَ یک بنیاتی ستونے ثابت بوت، ایشی ءَ چہ پاکستان ءَ را یک موثر ءُ غیر جانبداریں پُل ءِ کرد ءَ پیلو کنگ ءِ وس ءُ واک رست۔ میاں اوستمانی ءِ پیچیدہ جیو پولیٹیکل جاور ھال آنی تہ ءَ پاکستان یکیں ملک ءِ رنگ ءَ ابھر بوتگ کہ آ پیش کرتگیں معاہدے ءَ را انوگیں نازرکیں پڑ ءَ سر کنگ ءِ ھاترا سوبین بوتگ۔ فیلڈ مارشل سید عاصم منیر ءِ تہران ءِ تر ءُ تاب ءُ ایشی ءَ پد دوئیں نیمگاں پیش کرتگیں فریم ورک ءِ رسائی ءَ را دمگ ءِ تہ ءَ کش ءُ چیل ءِ کم کنگ ءُ دائمی امن ءِ ھاترا یک مزنیں گامگیج ءِ رنگ ءَ پیش دارگ بوھگ ءَ اِنت۔ تجزیہ کار اے سوبمندی ءَ پاکستان ءِ سیاسی ءُ فوجی سروکی ءِ نیام ءَ یکوئی ءِ آسر گش انت کہ آئی ءَ پاکستان ءَ را حساسیں سفارتی جیڈھ آنی تہ ءَ یک مھکم ءُ معتبریں پلیٹ فارم ءِ داتگ۔ گوستگیں وھد ءَ پاکستان ءِ جوانیں کرد ، ایشی ءِ تہ ءَ امریکہ ءُ چین ءِ نیام ءَ آئی ءِ گپ ءُ تران ءِ کرد ھوار اِنت ، پیش کرتگیں فریم ورک ءِ دیمروئی ءِ تہ ءَ یک کلیدی کردے بوتگ۔ سفارتی روایت ءَ را ھم جھان ءِ پڑ ءَ یک معتبریں شریک ءِ بستار ءَ مھکم کنت۔ اے نوکیں سفارتی کامیابی جہانی پڑ ءَ پاکستان ءِ گیش بوھوکیں وقار ءِ آدینک اِنت۔ فیلڈ مارشل سید عاصم منیر ءِ رھشونی ءُ راجی سروکی ءِ چیر دستی ءَ پاکستان دگنیا ءِ حساس تریں دمگاں امن ءُ مھکم ءُ جوانیں سفارتی سیادی ءِ دیمروئی ءِ ھاترا وتی کرد ءَ برجاہ دار ایت۔