مزن وزیر محمد شہباز شریف ءَ گوشت کہ پاکستان ءُ چین ءِ دوستی بدل بوھوکیں دگنیا ءِ تہ ءَ امن، مھکم ءُ یکجائی وشھالی ءِ واستہ یک مھکمیں قوت ءِ بستار ءَ برجاہ بیت

بیجنگ۔25مئی  (اے پی پی): مزن وزیر محمد شہباز شریف ءَ گوشت کہ پاکستان ءُ چین ءِ دوستی بدل بوھوکیں دگنیا ءِ تہ ءَ امن، استحکام ءُ مشترکہ وشھالی ءِ واستہ یک مھکمیں قوت ءِ بستار ءَ برجاہ مان ایت۔ دوشمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ جاڑی بوتگیں بیان ءِ تہ ءَ مزن وزیر ءَ گوشت کہ بیجنگ ءَ صدر شی جن پنگ ءِ گوما ھما وھد ءَ سک باز جوش ءُ وشیں گند ءُ نند بوتگ کہ پاکستان ءُ چین ءِ نیام ءَ سفارتی سیادی ءِ 75 سال سرجم بوھگ ءَ انت۔ اے گند ءُ نند ءَ نائب مزن وزیر ءُ درئی کارانی وزیر سینیٹر محمد اسحاق ڈار ءُ فیلڈ مارشل سید عاصم منیر ھم ساڑی ات ۔ مزن وزیر ءَ گوشت کہ آئی ءَ یک رندے پدا اے گپ ءِ سر ءَ زور پر دات کہ کوآپریٹو پاک چین ءِ اسٹریٹجک پارٹنر شپ پاکستان ءِ دری پالیشی ءِ مستریں ستون اِنت۔ مزن وزیر ءَ گوشت کہ آئی ءَ پاکستان ءِ مخلصیں امن کوشست آناں برجاھیں کمک ءِ واستہ صدر شی جن پنگ ءِ منت گپت ءُ دمگی امن ءُ ایمنی ءِ واستہ آئی ءِ بصیرت مندیں چار نکاتی تجویز ءِ سک باز ساڑات۔ ما اسٹریٹجک سیادی ءَ را گیش مھکم کنگ، سی پیک ءِ مزنیں کوالٹی ءِ دیمروئی ءَ را دیم ءَ برگ، ءُ صنعت، زراعت، سائنس ءُ ٹیکنالوجی، ساپیں توانائی، ڈیجیٹل ٹرانسفارمیشن، ءُ خلائی کمک ءِ پڑ ءَ کمک ءَ را گیش کنگ ءِ سر ءَ تران کت۔ من صدر شی جن پنگ ءِ راجدپتری گلوبل گامگیج آناں ھم ستا کرت کہ آ سرجمیں دگنیا ءَ امن، دیمروئی ءُ مشترکہ وشھالی ءِ دیمروئی ءِ تہ ءَ ھاسیں کرد پیلو کنگ ءَ اَنت۔ مزن وزیر ءَ گوشت کہ پاکستان ءُ چین ءِ دوستی بدل بوھوکیں دگنیا ءَ امن، استحکام ءُ یکجائی وشھالی ءِ واستہ یک مھکمیں قوت ءِ رنگ ءَ برجاہ بیت۔