مزن وزیر محمد شہباز شریف ءُ چینی صدر شی جن پنگ ءَ دوئیں ملک آنی نیام ءَ دوستی ءِ سیادی ءُ اسٹریٹجک شریکداری ءَ را مھکم کنگ ءِ واستہ وتی جزم ءِ درشان

بیجنگ۔25مئی  (اے پی پی): مزن وزیر محمد شہباز شریف ءُ چینی صدر شی جن پنگ ءَ دوئیں ملک آنی نیام ءَ دوستی ءِ سیادی ءُ اسٹریٹجک شراکت داری ءَ را گیش مھکم کنگ ءِ واستہ وتی عزم ءِ پدا پدر کتگ وھدیکہ چینی صدر ءَ امن ءِ واستہ پاکستان ءِ ثالثی ءِ کرد ءَ را ساڑاتگ۔ یک شمبے ءِ روچ ءَ ادا دوئیں رہشونانی نیام ءَ گند ءُ نند ءِ ساھت ءَ بنداتی گپ ءُ تران ءِ تہ ءَ مزن وزیر محمد شہباز شریف ءَ صدر شی جن پنگ ءَ را پاکستان ءِ مزنیں دوست ءُ امن دوستیں انسانیت ءِ مزنیں چیمپئن لیک اتگ ءُ گوشت کہ آئی ءِ چین ءِ پدا آیوکیں تر ءُ تاب آئی ءِ واستہ بے دروریں وشی ءِ وسیلگ اِنت ءُ آئی ءِ واستہ سک باز وش آتک کنگ بوتگ۔ مزن وزیر ءَ گوشت کہ پاکستان ئُُ چین ئِ نیام ءَ سفارتی سیادی ئِ 75سال سرجم بیت۔ اے نیکیں موہ ءِ سر ءَ من وتی چینی برات ءُ گھاراں ءُ بے شک پاکستان ءِ اُلس ءَ را مبارکی دیان آں ۔ اے کار ءِ سرجمیں کریڈٹ مئے بانی رہشوناں رسیت کہ آہاں گوستگیں ہفت دہائیاں اے سیادی ءَ را مھکم کنگ ءِ ھاترا سک باز محنت کتگ۔ مزن وزیر ءَ صدر شی جن پنگ ءَ گوں تران کنان ءَ گوشت کہ شمئے مزنیں پت ءَ ھم اے سیادی ءِ جوڑ کنگ ءَ سک باز ارزشتی ایں کرد پیلو کتگ۔ من ترا دلجم کناں کہ ما یکجاہ بوتگیں وھداں اے سیادی ءَ گیش ءُ گیوار کنیں۔ ما وتی سفارتی سیادی ءِ 75 سالی روچ ءَ یکجاہ برجم دارگ ءِ ھاترا جوڑ کتگیں منصوبگ سرجمیں سال ءَ برجاہ بیت، کہ مئے بے مٹیں جزم ءِ درشان کنگ ءَ برجاہ بیت کہ چین ءُ پاکستان دو ملک اَنت کہ چو سیسہ ءِ دیوال ءَ یکجاہ اَنت ءُ اے بے دروریں سیادی ءِ دگہ مثال نیست۔ مزن وزیر ءَ گوشت کہ گوستگیں سال ءَ چین ئِ پریڈ ءَ چین ئِ فوجی طاقت ئِ گواہ بوتگ آں۔ من ءَ پریڈ ءَ بہر زورگ ءِ دعوت دیگ بوت۔ اے پریڈ ءَ دنیا ءَ را اے گپ پدر کت کہ صدر شی جن پنگ ءِ متحرکیں سروکی ءَ چین ایوک ءَ یک جھان ءِ اقتصادی طاقت نہ اِنت بلکیں یک فوجی طاقتے ھم اِنت کہ آ کثیر جہتی کمک ءِ فلسفہ ءَ را دیم ءَ برگ ءَ دنیا ءَ دیمروئی ءُ امن ءِ واستہ کار کنگ ءَ اِنت۔ مزن وزیر ءَ گوشت کہ آ ہانگجو ءِ وشیں زیبائی، ایشی ءِ چراگجاہ، باگ، پارک، جھیل، جوانیں ماڑی ءُ سڑک آنی ستا ءَ کنت۔ نیٹ ءَ دیست، علی بابا ءِ وڑیں مزنیں کمپنی یے ءِ تر ءُ تاب کت کہ بے شک صدر شی جن پنگ ءِ رھشونی ءِ عکس اِنت، وھدے کہ تو شی جن پنگ صوبہ ءِ گورنر ءُ پارٹی سیکرٹری بوتگ ئے (آ وھد ءَ وتی رھشونی ءِ عکس اِنت)۔ مزن وزیر ءَ گوشت کہ صدر شی جن پنگ ءِ کسانی ءَ چہ سفر لچک، دلیری ءُ استقامت ءَ چہ پُر بوتگ، ایشی ءَ چہ آئی ءِ بے تواری ءِ سروکی ءِ درشانی کنگ بیت کہ ایشی ءِ دلگوشی راج ءِ کسمت ءَ را وشھالی ءُ دیمروئی ءِ نیمگ ءَ برگ ءِ سر ءَ انت۔ صدر شی جن پنگ ءِ سروکی بیلٹ اینڈ روڈ انیشیٹیو ءُ سی پیک ءِ وسیلگ ءَ دوستی ءَ را دیم ءَ برگ ءَ انت۔ آئی ءَ گوشت کہ اے ترا گلوبل اسٹیج ءِ سر ءَ یک شرپدار ءُ برزیں مردمے جوڑ کنت۔ حقیقی قیادت لگن، محنت، قربانی ءُ مدامی کوشست ءِ وسیلہ ءَ کیت۔ راج ءِ دل ءَ جاگہ ​​جوڑ کنگ ءِ دگہ راہ ءُ درے نیست۔ صدر شی جن پنگ ءِ سروکی ءِ تہ ءَ راج ءِ ھزمت ، راج ءِ سر ءَ مرکوزیں وشھالی ءُ دیمروئی ءِ گہتریں درشانی اِنت۔ من چہ تئی سروکی ءَ بازیں زور ءُ زوراکی یے زوراں۔ مزن وزیر ءَ گوشت کہ اللہ تعالیٰ ءِ فضل ءُ کرم ءَ چہ ما پاکستان ءَ بازیں مٹ ءُ بدلی آؤرتگ، بازیں ڈھانچہ ءِ اصلاحات کنگ بوتگ انت۔ انگت بازیں راہ ھست پرچا کہ اے بدلی باز پیسر ءَ کنگ بوتگ اَنت۔ نائب مزن وزیر ءُ وزیر ءِ درئی کار، فیلڈ مارشل ءُ مئے مزنیں ٹیم ءَ مزنیں کارے کتگ۔ چین ءِ صدر شی جن پنگ ءَ گوشت کہ مزن وزیر شہباز شریف ءِ وسیلگ ءَ پاکستانی الس ءِ دل ءَ چہ دل ءَ چہ منت وار آں ۔ من فیلڈ مارشل عاصم منیر ءَ ھم چین ءَ وش آتک کن آں ۔ من زاناں کہ آ چہ ایران ءَ واتر بوتگ کہ اودا آئی ءَ امن ءِ ھاتر ءَ میانجی داری ءِ ھاتر ءَ جوانیں کوشست کتگ۔ ما پاکستان ءِ جوڑیشت ءِ کرد ءَ را ارزشت دئیں۔ چین ءُ پاکستان ءَ یک دومی ءَ را سرپد بوتگ، یک دومی ءِ سر ءَ بھروسہ کتگ ءُ یک دومی ءِ کمک ءَ ہمراہ داری کتگ۔ آئی ءَ گوشت کہ مئے اسٹریٹجک بھروسہ ئُُ عملی کمک ءَ مئے وت مہ وتی دیمروئی ءَ سک باز کمک کتگ۔ چین ءَ میاں اوستمانی بدلی آنی باوجود اے دمگ ءَ وتی دری پالیشی ءِ تہ ءَ پاکستان ءِ گوما سیادی ءَ را مدام اولی ترجی داتگ۔ حالی ءَ من ءَ تیانجین یونیورسٹی ءِ پاکستانی نودربرانی نمدی یے رست۔ آ چین ءُ پاکستان ءِ نیام ءَ کمک ءِ آرکیٹیکٹ، تبادلہ ءِ دیمروئی کنوک ءُ دوستی ءِ نگہبان جوڑ بوھگ ءِ ھاترا دلجم اَنت۔ من ءَ اے گندگ ءَ سک دلبڈی رسیت کہ نوکیں نسل مئے دوستی ءِ سیادی ءَ دیم ءَ برگ ءَ انت۔ آئی ءَ گوشت کہ آیوکیں دور ءَ یک مشترکہ مستقبل ءِ گوما چین پاکستان ءِ چاگرد ءِ جوڑ کنگ ءِ واستہ پاکستان ءِ گوما کار کنت۔ اے دو نیمگی سیادی ءِ دیمروئی ءَ را ترند کنگ ءِ ھاترا گیشتر کمک کنگ ءِ واھشت مند اِنت ءُ دوئیں ملک آنی اُلس ءَ را گیش ءَ چہ گیش نپ چست کنگ ءِ ھاترا مثالی رنگ ءَ کمک کنگ ءِ ھاترا تیار اِنت، دمگی امن ءُ ایمنی ءِ تہ ءَ کمک ءُ ھمساھگیں ملک آنی نیام ءَ یک مشترکہ آیوکیں وھد ءِ گوما یک چاگردے ءِ جوڑ کنگ ءِ ھاترا تیار اِنت۔