رانا تنویر حسین ءُ ہارون اختر خان ءَ کالب گروپ ءِ ہیڈ کوارٹر ءِ تر ءُ تاب کتگ ءُ بیٹری ءِ نوکیں ٹیکنالوجی، پٹ ءُ پول ءُ دیمروئی ءُ جھان ءِ توسیپ ءِ منصوبہ آنی بابت ءَ سرپدی

اسلام آباد۔24مئی  (اے پی پی): راجی فوڈ سیکیورٹی ءُ پٹ ءُ پول ءِ وفاقی وزیر رانا تنویر حسین، مزن وزیر ءِ صنعت ءُ پیداوار ءِ ھاسیں کمکار ہارون اختر خان ءُ سیکرٹری صنعت ءُ پیداوار سیف انجم ءَ چین ءَ گلوبل گروپ ءِ ہیڈ کوارٹر ءِ تر ءُ تاب کتگ، اودا آہاں بیٹری پروجیکٹ ایکسپورشن ٹیکنالوجی ءُ ایڈوان ءِ بابت ءَ سرپدی دیگ بوتگ۔ الیکٹرک گاڑی، بیٹری توانائی ءِ ذخیرہ کنگ ءِ نظام ءُ صنعتی الیکٹریکل سسٹم ءِ بابت ءَ بنجاہی واکداراں گوں ھم گپ ءُ تران کتگ۔ وزارت صنعت ءُ پیداوار ءِ نیمگ ءَ جاڑی بوتگیں بیان ءِ رد ءَ ھارون اختر خان ءَ اے موہ ءِ سر ءَ گوشت کہ پاکستان ءُ چین ءِ نیام ءَ صنعتی ءُ ٹیکنالوجی ءِ کمک ءَ را دیمروئی دیگ ءَ مزنیں پیشرفت بوتگ۔ کالب گروپ دنیا ءِ سروکیں لتیم آئن بیٹری ءُ نوکیں توانائی ٹیکنالوجی ءِ کمپنیانی تہا ہوار انت۔ آئی ءَ گوشت کہ پاکستان ءُ چین ءِ نیام ءَ صنعتی ءُ ٹیکنالوجی ءِ کمک نوکیں رنگ ءَ دیگ ءَ انت، پاکستان ءَ الیکٹرک گاڑی ءُ بیٹری ٹیکنالوجی ءِ شوبگ ءَ بے دروریں توان است انت۔ ہارون اختر خان ءَ گوشت کہ حکومت جدید توان ءُ صنعتی دیمروئی ءِ واستہ پاکستان ءَ سرمایہ کاری ءِ واستہ گلوبل کمپنی آناں دعوت دیگ ءَ انت، کلب گروپ ءِ گوما کمک پاکستان ءَ نوکیں توان ءِ شوبگ ءِ واستہ یک ھاسیں پیشرفت ءِ ثابت بیت۔ آئی ئَ گوشت کہ دوئیں ملک آنی نیام ئَ یکجائی کارگس ئِ جوڑ کنگ ئِ پیسلہ کنگ بوتگ۔ آئی ءَ گوشت کہ مزن وزیر محمد شہباز شریف ءِ وژن ءِ چیر دستی ءَ آ صنعتی جدید کنگ ءُ ٹیکنالوجی ءِ ٹرانسفر ءِ سر ءَ کار کنگ ءَ اَنت، پاکستان ءَ را پڑ ءَ نوکیں توان ءُ الیکٹرک موبلٹی ءِ ھاسیں مرکز جوڑ کنگ ءِ واستہ گامگیج کنگ بوھگ ءَ اِنت۔ ھاسیں کمکار ھارون اختر خان ءَ گوشت کہ چینی کمپنی آنی گوما شریکداری ءَ چہ پاکستان ءَ روزگار، سرمایہ کاری ءُ صنعتی دیمروئی ءِ واستہ نوکیں موہ پیداک بنت۔ اے موہ ءِ سر ءَ کلب ءِ سروکی ءِ آیوکیں پاکستان ءِ تر ءُ تاب ءُ گیشیں کمکانی سر ءَ ھم تپاک کنگ بوت۔ ہارون اختر خان ءَ گوشت کہ پاکستان توان ءِ شوبگ ءَ صنعتی جدید کنگ ءُ دیمروئی ءِ واستہ میاں اوستمانی شراکت داری ءَ را دیم ءَ برگ ءَ انت۔