اسلام آباد۔9اپریل (اے پی پی): پاکستان ءَ لبنان ءِ سر ءَ اسرائیل ءِ برجاھیں زوراکی ءِ سر ءَ سک باز مذمت کتگ کہ ایشی ءِ آسر ءَ بے گناہیں مردمانی بیرانی ءُ بنیاتی ڈھانچہ ءِ مزنیں کساسے ءَ تباہی بوتگ۔ پنچ شمبے ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءَ گوشت کہ اسرائیل ءِ کارروائی دمگ ءَ امن ءُ ایمنی ءِ برجائی ءِ …
پاکستان ءَ لبنان ءِ سر ءَ برجاھیں اسرائیل ءِ زوراکی ءِ مذمت
اسلام آباد۔9اپریل (اے پی پی): پاکستان ءَ لبنان ءِ سر ءَ اسرائیل ءِ برجاھیں زوراکی ءِ سر ءَ سک باز مذمت کتگ کہ ایشی ءِ آسر ءَ بے گناہیں مردمانی بیرانی ءُ بنیاتی ڈھانچہ ءِ مزنیں کساسے ءَ تباہی بوتگ۔ پنچ شمبے ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءَ گوشت کہ اسرائیل ءِ کارروائی دمگ ءَ امن ءُ ایمنی ءِ برجائی ءِ واستہ برجاھیں میاں اوستمانی کوشست آناں ھراب کنگ ءَ انت ءُ میاں اوستمانی کانود ءُ بنیاتی انسانی اصول آنی پد ءَ یک ھاسیں ھلاپ ورزی یے انت۔ بیان ءِ تہ ءَ پاکستان ءَ میاں اوستمانی براتی ءَ چہ لوٹ کرتگ کہ آ لبنان ءِ سر ءَ اسرائیل ءِ زوراکی ءِ ھلاسی ءِ واستہ ترندیں ءُ پکّائیں گامگیج چست بہ کنت۔ بیان ءِ تہ ءَ گیش گوشت کہ پاکستان اے گرانیں وھد ءَ لبنان ءِ حکومت ءُ الس ءِ گوما وتی بے مٹیں یکوئی ءِ پدر کنگ ءَ اِنت ءُ لبنان ءِ وت واجہی ءُ سرزمین ءِ یکوئی ءِ ھوار آئی ءِ امن ءُ ایمنی ءِ حمایت ءَ کنت۔
