بنجائی وزیر آئی ٹی و ٹیلی کام نا وزیراعظم نا کماشی ٹی سرسہب ثالثی آ اودے خراج تحسین

اسلام آباد۔ 08 اپریل (اے پی پی ) بنجائی وزیر آئی ٹی و ٹیلی کام شزافاطمہ خواجہ وزیراعظم محمد شہباز شریف نا کماشی ٹی جنگ بندی ٹی سرسہب ثالثی آ اودے خراج تحسین پیش کرسا پارینے کہ پاکستان نا تعمیری سفارتکاری جہانی کہول آ گچین پک مس، آخبت کن امن و شریداری پاکستان نا اولیت ءِ۔ چارشنبے نادے آ وزارت آئی ٹی و ٹیلی کام آن جاری بیان نا رداٹ شزافاطمہ خواجہ وزیراعظم محمد شہباز شریف و چیف آف  ڈیفنس فورسز فیلڈ مارشل سید عاصم منیر نا جنگ بندی ٹی سرسہب ثالثی آ منت واری ءِ ہرفسا پارے کہ پاکستان نا امن ، گپ وتران و علاقائی سوگوی کن عزم اسہ وار ولدا نمان مسنے۔ اوپارے کہ ایران، امریکہ و سیوتی تا نیام اٹ جنگ بندی ٹی پاکستان نا اہم کڑد ءِ ، داسرسہبی بڑزکو درجہ نا پامداری، استقامت و سرکڑدہ ئی ڈیک ءِ۔ شزافاطمہ خواجہ پارے کہ پاکستان نا تعمیری سفارتکاری جہانی کہول آ پک جوڑ مس، پاکستان ءِ جہانی امن نا مون آدننگ و گچین سفارتکاری آ نوبیل انعام بایدے ملے۔ بنجائی وزیر اسلام آبا د مذاکرات ءِدیرپاامن نا کنڈآ اہم ءُ پیش رفت اس گوندساپارے کہ ڈیہہ اٹی بامعنی گپ وتران نا مون آدننگ کن پاکستان ناکڑد مدام گمرنا قابل مسنے، پاکستان ہم گرنچی، سوگوی و کمکاری نا مون آ دننگ کن سنبرینگوک ءِ۔ اوناپاننگ ئس کہ آخبت کن امن و شریداری پاکستان نا اولیت ءِ۔