اسلام آباد۔ 08 اپریل (اے پی پی ) ایران نا صدر ڈاکٹر مسعود پزشکیان عارضی جنگ بندی کن پاکستانی سرکڑدہ غاتا کوشست آتا ستاءِ کرسا اسلام آباد اٹی مروک آ مذاکرات اٹی تینا بشخ ہلنگ ءِ پک کرینے۔ چارشنبے نادے آ وزیراعظم محمد شہباز شریف اسلامی جمہوریہ ایران نا صدر ڈاکٹر مسعود پزشکیان تون ٹیل فون آ سرجمی اٹ گپ وتران کرے۔ وزیراعظم آفس نا میڈیا ونگ آن جاری …
وزیراعظم شہباز شریف و ایرانی صدر ڈاکٹر مسعود پزشکیان نا ٹیل فون آ رابطہ، ایران نا اسلام آباد مذاکرات اٹی بشخ ہلنگ پک، پاکستانی سرکڑدہ غاتا کوشست آتا ستاء
اسلام آباد۔ 08 اپریل (اے پی پی ) ایران نا صدر ڈاکٹر مسعود پزشکیان عارضی جنگ بندی کن پاکستانی سرکڑدہ غاتا کوشست آتا ستاءِ کرسا اسلام آباد اٹی مروک آ مذاکرات اٹی تینا بشخ ہلنگ ءِ پک کرینے۔ چارشنبے نادے آ وزیراعظم محمد شہباز شریف اسلامی جمہوریہ ایران نا صدر ڈاکٹر مسعود پزشکیان تون ٹیل فون آ سرجمی اٹ گپ وتران کرے۔ وزیراعظم آفس نا میڈیا ونگ آن جاری بیان نا رداٹ کم و ود 45 منٹ آن زیات برجاسلوک آ دا خوشگوار و دوستانہ گپ وتران اٹی وزیراعظم ایرانی سرکڑدہ غاتا پامداری و دوراندیشی نا ستاءِ کرے ہرا جنگ بندی آ آمادگی ظاہر کرسا وزیراعظم پاکستان نا کنڈآن ایران و امریکہ نا نیام اٹ برجاہفتہ اسلام آباد اٹی مذاکرات نا میزبانی نا پیش کش ءِ امنا کریر۔ وزیراعظم ایران نا سپریم لیڈر آیت اللہ مجتبیٰ خامنہ ای کن ہم تینا تعظیم نا درشانی ءِ کرے۔ ایران نا صدر ڈاکٹر مسعود پزشکیان وزیراعظم نا منت واری ءِ ہرفے و ایران وامریکہ نا نیام اٹ عارضی جنگ بندی کن پاکستانی سرکڑدہ غاتا کوشست آتا ستاءِ کرسا پاکستانی الس کن نیک است خواہی نا درشانی ءِ کرے۔ بیان نا رداٹ اوداہیت ءِ ہم پک کرے کہ ایران اسلام آباد اٹی مروک آ مذاکرات اٹی بشخ ہلیک۔ ہڑتوم آ راہشونک تین پہ تینی رابطہ ٹی سلنگ آ ہم امنا کریر۔
