وزیراعظم شہباز شریف تون بنجائی وزیر انجینئر امیر مقام نا اوڑدہی ، ڈیہہ اٹی امن کن کوشست آتیا وزیراعظم ءِ خراج تحسین

اسلام آباد۔ 08 اپریل (اےپی پی ) وزیراعظم محمد شہباز شریف تون بنجائی وزیر امور کشمیر و گلگت بلتستان انجینئر امیر مقام اوڑدہی کرے ہراٹی او ساڑی آ علاقائی حالیت آتا رداٹ ڈیہہ اٹی امن نا قیام کن کوشست آتیا وزیراعظم ءِ خراج تحسین پیش کرے۔ وزیراعظم آفس نا میڈیا ونگ انا کنڈآن چارشنبے نادے آ جاری بیان نا رداٹ بنجائی وزیر انجینئرامیر مقام وزیراعظم ناقومی چندرکاری و بچت کن گام گیج آتا ہم ستاء کرے وپارے کہ مشکل حالیت آتیٹی وزیراعظم السی ریلیف نا تاریخی پیکج اس تس۔ اوڑدہی ٹی ملکی سیاسی حالیت و صوبہ خیبرپختونخوا ٹی شونداری ڈٹ آتا بابت ہم گپ وتران مس۔