وزیر دفاع خواجہ محمد آصف ءَ ترکی ءِ گوما دیریں براتی سیادی ءَ را گیش مھکم کنگ ءِ واستہ پاکستان ءِ جزم ءِ   درشان

اسلام آباد۔7اپریل  (اے پی پی): وزیر دفاع خواجہ محمد آصف ءَ ترکی ءِ گوما دیریں براتی سیادی ءَ را گیش مھکم کنگ ءِ پاکستان ءِ جزم ءِ سر ءَ زور پر دات ءُ دفاع، تربیت ءُ دفاعی صنعت ءِ پڑ ءَ دوئیں ملک آنی نیام ءَ گیش بوھوکیں کمک ءِ ساڑات کت۔ سئے شمبے ءِ روچ ءَ وزارت دفاع ءِ نیمگ ءَ جاڑی بوتگیں بیان ءِ رد ءَ ترکی ءِ ڈپٹی چیف جنرل لیوانٹ ارگون ءَ وفاقی وزیر دفاع خواجہ محمد آصف ءَ گوں ادا گند ءُ نند کتگ۔ گند ءُ نند ءِ ساھت ءَ وت مہ وتی دلچسپی ءِ جیڈھ آنی سر ءَ ھیال ریچی کنگ بوت ایشی ءِ تہ ءَ پاکستان ءُ ترکی ءِ نیام ءَ دفاعی ءُ فوجی کمک ءَ را گیش مھکم کنگ ءِ سر ءَ ھاسیں دلگوشی دیگ بوت۔ وزیر دفاع ءَ شرپداریں مہمان ءَ را وش اتک کنان ءَ ترکی ءِ گوما دیریں براتی سیادی ءَ را گیش مھکم کنگ ءِ واستہ پاکستان ءِ جزم ءِ سر ءَ زور پر دات۔ آئی ءَ ترکی ءِ گوما پاکستان ءِ اسٹریٹجک شریکداری ءِ ارزشت ءَ را زور پر دات ءُ دفاعی، تربیت ءُ دفاعی صنعت ءِ شوبگ ءَ گیش بوھوکیں کمک ءَ را ساڑات۔ دوئیں مہمان آناں اے گپ ءِ پدرائی کت کہ پاکستان ءُ ترکی دمگی ءُ جھان ءِ جیڈھ آنی سر ءَ یک وڑیں ھیال ءُ لیکہ ءِ واھند اَنت ءُ سفارتی جیڈھ آنی تہ ءَ نزیکی ءِ برجائی ءَ کن اَنت۔ جنرل لیونٹ ارگون ءَ ترکی ءِ ڈل ءِ گرمیں مہمانداری ءِ منت گپت ءُ وت مہ وتی ءِ شوبگ آنی تہ ءَ دفاعی کمک ءَ را گیش وسعت دیگ ءِ واستہ ترکی ءِ جزم ءِ درشانی کت۔ دوئیں نیمگ ءَ پاک ترکی ءِ سیادی ءِ جوانیں دیمروئی ءِ سر ءَ دل یکیمی ءِ درشان کنگ ءُ آیوکیں وھد ءَ نزیکیں رابطہ ءُ مزن تک ءِ تبادلہ ءِ برجاہ دارگ ءِ واستہ وتی جزم ءِ پدر کنگ بوتگ۔