سرجمیں اقتصادی استحکام ءُ گہتریں مالیاتی  ڈسپلین : پاکستان ءَ استیں گرانیں جاور ھال ءَ گوں جوانیں رنگ ءَ دیم پہ دیم بوتگ، سبسڈی پروگرام ءِ اولی قسط زوت شنگ کنگ بیت، وفاقی وزیر خزانہ محمد اورنگزیب ءَ راجی اسمبلی ءَ وتی ھیالانی درشانی کت

اسلام آباد۔7اپریل  (اے پی پی): وفاقی وزیر خزانہ ءُ آمدنی سینیٹر محمد اورنگزیب ءَ گوشت کہ سرجمیں معیشت ءِ برجائی ءُ مالیاتی ڈسپلن ءِ گہتری ءِ سبب ءَ پاکستان ءَ استیں مشکلیں جاور ھال آنی گوما جوانیں رنگ ءَ دیم پہ دیم بوتگ، ٹارگٹ بیسڈ سبسڈی پروگرام ءِ اولی قسط زوت شنگ کنگ بیت، حکومت یک نوکیں رھبند ءِ پروگرام ءِ سر ءَ عمل کنگ ءَ اِنت۔ سئے شمبے ءِ روچ ءَ راجی اسمبلی ءِ دیوان ءَ پٹرولیم چیز آنی نہاد آنی تہ ءَ گیشی ءُ گوستگیں دمگی بحران ءِ ھوالگ ءَ گپ ءُ تران ءِ آسر کنان ءَ وزیر ءِ ھزانگ ءَ گوشت کہ گپ ءُ تران ءِ ساھت ءَ کارآمد ءُ جوڑیشت ءِ سوج داتگ۔ ما گہتری ءِ اُمیت ءَ داریں بلے ھمے وھد ءَ پہ گرانیں جاوراں ھم منصوبگ جوڑ کنگ بوھگ ءَ اِنت۔ وزیر ءِ ھزانگ ءَ گوشت کہ مارچ ءَ پد بوتگیں چیز آناں راستی آنی چم ءَ چہ چارگ المی اِنت۔ 14مارچ ءَ چہ 4 اپریل ءَ تاں وھد ءِ تہ ءَ پٹرولیم ءِ چیز آنی نرخ آنی سر ءَ کنٹرول کنگ بوتگ ءُ اے وھد ءِ تہ ءَ 129ارب کلدار سبسڈی داتگ۔ اے درستیں سبسڈی کفایت شعاری ءُ دگہ گامگیج آنی وسیلگ ءَ داتگ بوتگ انت۔ وزارت خزانہ ءَ ایشی ءِ سر ءَ کار کتگ وھدیکہ مزن وزیر ءَ کفایت شعاری ءِ گامگیج آنی ھوالگ ءَ تھرڈ پارٹی آڈٹ ءِ ھم پرمان داتگ۔ پٹرولیم مصنوعات ءِ نہادانی سرا سبسڈی پجارینگ ءِ واستہ پی ایس ڈی پی ءِ تہا 100ارب کلدار کمی کنگ بوتگ ۔ چوناھا ما یک بحران ءِ تہ ءَ گوزگ ءَ ایں، سرکاری شعبہ ءِ کاروباری ادارگ آنی نیمگ ءَ چہ منافع ءُ منافع ءُ دگہ وسیلگ آنی تہ ءَ چہ زر رسگ ءَ ات ءُ اے رنگ ءَ 129ارب کلدار ءِ وسیلگ ءَ چہ زرّ رسگ ءَ ات۔ وزیر ءِ ھزانگ ءَ گوشت کہ ما کمیں وسیلگ آنی گوما اے کچ ءَ سر بوتگیں، نوں ٹارگٹ بیسڈ سبسڈی ءِ سر ءَ عمل کنگ بوھگ ءَ اِنت، موٹر سائیکل سوار آناں سبسڈی پجاری کنگ بوھگ ءَ اِنت، پبلک ٹرانسپورٹ ءُ ڈیزل ءَ چلوکیں مال برداری ءِ سر ءَ کار کنگ بوھگ ءَ اِنت۔ وزیر خزانہ ءَ گوشت کہ کشت ءُ کشاری ءِ شوبگ ءَ کسانیں کشت ءُ کشاری ءُ زمیندار آنی ھاسیں دلگوشی دیگ بوتگ، صوبگ آنی تہ ءَ یکجاھیں ڈیٹا است، پنجاب ءَ 8لکھ کسان کارڈ است انت وھدیکہ سندھ ءَ ہری کارڈ است انت، من اسٹیٹ بینک ءُ بینک آنی سروک آنی گوما سرجمیں رنگ ءَ گپ ءُ تران کتگ ءُ سک زوت ءَ چہ اولی رند ءَ چہ فائدہ مندیں مردم آناں رس ایت۔ وزیر خزانہ آئی ءَ گوشت کہ حکومت جاور ھال آنی سر ءَ سرجمیں رنگ ءَ چار ءُ تپاسی کنگ ءَ اِنت، پٹرولیم ءِ نرخ آنی سر ءَ نگرانی ءِ واستہ جوڑ کتگیں کمیٹی ءِ تہ ءَ جوانیں رنگ ءَ کار کنگ بوھگ ءَ اِنت، ما جتا جتائیں ملک آنی تہ ءَ جاور ھال آنی سر ءَ چار ءُ تپاسی کنگ ءَ آں، بازیں ملک آنی تہ ءَ راشننگ تاں بندات بوتگ، امارات ءَ پٹرول ءِ نھاد ءِ تہ ءَ 30درسد ءِ گیشی بوتگ وھدے کہ پٹرولیم ءِ نرخ آنی تہ ءَ 70درسد ءِ گیشی بوتگ۔ پٹرولیم ءِ پیداوار ءَ بھارت، سری لنکا ءُ جنوب مشرقی ایشیائی ملک آنی تہ ءَ ھم گیشی بوتگ۔ ما دعا کنیں کہ دمگ ءَ امن ءُ ایمنی بہ بیت ءُ جاور ھال وتی جاہ ءَ بہ بنت، پاکستان جاور ھال ءِ گہتری ءِ تہ ءَ جوانیں کردے پیلو کنگ ءَ اِنت، انوگیں بحران ءِ وھد ءَ توانائی ءِ بنیاتی ڈھانچہ ءِ سر ءَ ھم اُرش کنگ بوھگ ءَ اِنت، پمیشکا اگاں جنگ بندی ھم بہ بیت، جاور ھال ءِ نارمل کنگ ءَ گیس ءِ ھپتگ ءُ ماہ لگ اِت کن اَنت، ما اے جاوراں گوں دلگوشی ءَ چارگ ءَ ایں ءِ تہ ءَ گیشی بوھگ ءَ اِنت وھدے کہ مال برداری ءُ انشورنس ءِ ھرچ ءُ درچ ھم گیش بوھگ ءَ اِنت۔ ایشی ءَ ابید بازیں باسکاں جی سی سی ءِ ملک آنی تہ ءَ برآمدات ءِ بابت ءَ ھم گپ جتگ، ما سرجمیں جاور ھال آنی سر ءَ مدام چار ءُ تپاسی کنگ ءَ ایں، تاں انوگ ءَ زرّ ءِ دیم دیگ ءِ سر ءَ ھچ وڑیں اثر نہ بوتگ، 50 درسد زرّ ءِ دیم دیگ خلیج ءِ ملک آنی نیمگ ءَ چہ آھگ ءَ اِنت۔ ھزانگ ءِ وزیر ءَ گوشت کہ سرجمیں معیشت ءِ برجائی ءُ گہتریں ڈسپلن ءِ سبب ءَ پاکستان ءَ جاور آنی گوما جوانیں رنگ ءَ دیم پہ دیم بوتگ ۔ اے ہفتگ ءَ 1.4 ارب ڈالر ءِ یوروبانڈ ءُ دگہ میاں اوستمانی ادائیگی ہم کنگ بوہگ ءَ انت۔ وزیر ءِ ھزانگ ءَ گوشت کہ حکومت ڈھانچہ ءِ گہتری پروگرام ءِ سر ءَ کار کنگ ءَ انت۔ 26 ادارہ نجکاری کمیشن ءِ حوالہ کنگ بوتگ انت، پی آئی اے ءُ فرسٹ وومن بینک نجکاری کنگ بوتگ انت، ہما ادارہ کہ نجکاری ءِ اہل نہ بوتگ انت آ بند کنگ بوتگ انت ءُ آہانی کارمنداں پیکج دیگ بوتگ انت، اے ہما ادارہ بوتگ انت کہ آہانی تہا سبسڈی ءِ باوجود کرپشن بوہگ ءَ ات، ہمے رنگ ءَ دگہ ادارہ ہم بند کنگ بنت۔ وزیر ءِ ھزانگ ءَ گوشت کہ کوویڈ ءُ نوکیں تجربگ آنی چہ دربرگ ءَ پاکستان ءَ اسٹریٹجک ذخائر جوڑ کنگ ءِ سر ءَ کار بندات کتگ، اے درگت ءَ ما دگہ ملک آنی چہ بازیں دربرگ ءَ ایں، وھدیکہ توانائی ءِ شوبگ ءَ ھم جامع گہتری ءِ سر ءَ کار کنگ بوھگ ءَ اِنت، اے وھد ءَ 8000 میگاواٹ بجلی ھم چہ شمسی توانائی ءَ پیداک کنگ بوھگ ءَ اِنت۔ ماحول دوست توانائی ءِ سرا کار کنت۔