سر وزیر بلوچستان ءَ کارگس ءِ وھد ءَ پد سرکاری گاڑیانی کارمرد کنگ ءِ سر ءَ بندش

کوئٹہ۔ 07 اپریل (اے پی پی): بلوچستان ءِ سر وزیر میر سرفراز بگٹی ءِ سروکی ءَ بنجاہی وزیر سیکرٹریٹ ءَ راجی کفایت شعاری ءِ گامگیج آنی سر ءَ چار ءُ تپاسی ءِ واستہ بنجاہی وزیر سیکرٹریٹ ءَ دیوان برجم دارگ بوت، ایشی ءِ تہ ءَ سرکاری وسیلگ آناں جوانیں ءُ شفاف کارمردی ءَ را دل یکیمی کنگ ءِ واستہ بازیں پیسلہ کنگ بوت۔ دیوان ءَ پیسلہ کنگ بوت کہ بے سیادی داروکیں مردم آنی نیمگ ءَ کارمرد بوھوکیں سرکاری گاڑی آناں زوتیں وھد ءَ پدا واتر کنگ ءَ را دل یکیمی کنگ بیت۔ اے درگت ءَ پیسریگیں گورنر، پیسریگیں سر وزیر، پیسریگیں وزیر، پیسریگیں اسمبلی ءِ باسک، ریٹائرڈ افسر ءُ اے دگہ غیر مجازیں مردمانی سرکاری گاڑی آناں پدا زورگ ءِ پنت ءُ شون شنگ کنگ بوتگ ءُ خلاف ورزی ءِ وھد ءَ کارروائی کنگ ءِ پیسلہ کنگ بوتگ۔ بلوچستان ءِ سر وزیر ءَ پنت ءُ شون کت کہ سرجمیں سرکاری گاڑی آنی یک ٹوھیں آڈٹ کنگ بہ بیت ءُ ایندھن ءِ سپلائی ایوک ءَ سرٹیفائیڈ ءُ آتارائزڈ گاڑی آنی تہ ءَ محدود کنگ بہ بیت۔ دیوان ءَ 2005 ءَ چہ کوھنیں سرکاری گاڑی آنی مرحلہ وار نیلامی ءُ گاڑی آنی عقلی کنگ ءِ ھم منظوری داتگ۔ دیوان ءَ اے ھم پیسلہ کنگ بوتگ کہ کارگس ءِ وھد ءَ پد سرکاری گاڑی آنی کارمرد کنگ ءِ سر ءَ سرجمیں بندش جنگ بیت، البت سرکاری کار آنی سرجمی ءِ واستہ مجازیں ادارہ ءِ نیمگ ءَ چہ پیسریگیں اجازت المی بیت، ءُ خلاف ورزی ءِ وھد ءَ سیادی داروکیں افسر ءِ ھلاپ ءَ کارروائی کنگ بیت۔ دیوان ءَ سرجمیں سرکاری گاڑی آنی تہ ءَ ٹریکر ایر کنگ ءِ پیسلہ ھم کنگ بوت۔ دیوان ءَ اے پیسلہ کنگ بوتگ کہ سرکاری گاڑی آناں چہ صوبگ ءَ در کنگ ءِ سر ءَ بندش جنگ بیت ءُ شہر ءِ تہ ءَ سرکاری گاڑی آنی رو ءُ آیگ ءِ سر ءَ سیف سٹی کیمرہ آنی وسیلگ ءَ نگرانی کنگ بیت تانکہ شفافیت ءُ نگرانی ءِ نظام ءَ را گیش موثر جوڑ کنگ بہ بیت۔ بلوچستان ءِ سر وزیر ءَ پنت ءُ شون کت کہ سرکاری گاڑی آنی بے وسی ءُ غیر مجاز کارمرد کنگ ءِ ہلاپ ءَ بے دروریں کارروائی کنگ بہ بیت تانکہ سرکاری وسیلگ آنی جوانی ءَ کارمرد کنگ ءَ دل یکیمی کنگ بہ بیت۔ آئی ءَ اے گپ ءِ پدرائی کت کہ سرکاری وسیلگ آنی ضیاع ءَ را ھچ وڑیں جاور ھال آنی تہ ءَ برداشت کنگ نہ بیت ءُ کفایت شعاری ءِ گامگیج آنی سر ءَ سکیں عملدرآمد ءَ را دل یکیمی کنگ بیت۔