مزن وزیر شہباز شریف ءَ راجی تک ءَ قابل تجدید توانائی ءِ وسیلگ آناں گیش وسعت دیگ ءِ واستہ یک جامع ایکشن پلان ءِ جوڑ کنگ ءِ پنت ءُ شون کتگ، بیٹری توانائی ءِ ذخیرہ کنگ ءِ نظام ءِ منصوبگ ءِ سر ءَ کار ءَ را ترند کنگ بہ بیت

اسلام آباد۔7اپریل  (اے پی پی): مزن وزیر محمد شہباز شریف ءَ راجی تک ءَ قابل تجدید توانائی ءِ وسیلگ آناں گیش وسعت دیگ ءُ بیٹری توانائی ءِ ذخیرہ کنگ ءِ نظام ءِ منصوبگ ءِ سر ءَ کار ءَ را ترند کنگ ءِ واستہ یک جامع ایکشن پلان ءِ جوڑ کنگ ءِ پنت ءُ شون داتگ۔ بجلی ءِ پیداوار ءِ تہ ءَ قابل تجدید توانائی ءِ جوانیں بھر ءَ را شمسی توانائی ءُ ایندگر قابل تجدید توانائی ءِ وسیلگ بجلی ءِ شوبگ ءِ آیوکیں وھد اَنت۔ آئی ءَ سئے شمبے ءِ روچ ءَ وتی سروکی ءَ آیوکیں لوٹ آنی رد ءَ بجلی ءِ سپلائی ءِ واستہ دراجیں مدتی منصوبگ بندی ءُ انوگیں میاں اوستمانی جاور ھال آنی رد ءَ ملک ءِ برآمدات ءِ پیشرفت ءِ ھوالگ ءَ دیوان ءَ گوں گشتانک دیگ ءَ ات۔ گند ءُ نند ءَ نائب مزن وزیر ءُ دری کارانی  سینیٹر محمد اسحاق ڈار، وفاقی وزرا  ڈاکٹر احسن اقبال، رانا تنویر حسین، جام کمال خان، ڈاکٹر مصدق مسعود ملک، احد چیمہ، محمد اورنگزیب، عطا ءاللہ تارڑ، علی پرویز ملک،  سردار اویس احمد لغاری، جنید انوار چوہدری، وزیر مملکت برائے خزانہ بلال اظہر کیانی، معاونین خصوصی ہارون اختر اور طارق باجوہ، گورنر سٹیٹ بینک جمیل احمد  ءُ سیادی داروکیں ادارگ آنی مزنیں افسر۔ مزن وزیر ءَ گوشت کہ خطہ ءِ ناگیگیں جاور ھال آنی سبب ءَ تیل ءِ سپلائی ءِ تہ ءَ اڑاند ءِ باوجود بجلی ءِ پیداوار ءِ تہ ءَ قابل تجدید توان ءِ جوانیں بھر ءِ سبب ءَ ملک ءَ توان ءِ بحران نہ بوتگ۔ آئی ءَ بیٹری انرجی اسٹوریج سسٹم منصوبگ ءِ سر ءَ کار ءَ را ترند کنگ ءِ پنت ءُ شون کت ءُ گوشت کہ شمسی توانائی ءُ ایندگر قابل تجدید توانائی ءِ وسیلگ بجلی ءِ شوبگ ءِ آیوکیں باندات انت۔ مزن وزیر ءَ راجی تک ءَ قابل تجدید توان ءِ وسیلگ آنی تہ ءَ گیش پراھ کنگ ءِ ھاتر ءَ یک ٹوھیں ایکشن پلان ءِ جوڑ کنگ ءِ پنت ءُ شون کت ئُُ گوشت کہ گوستگیں جھان ءَ کش ءُ چیل آنی باوجود خلیج ءِ ملک آنی تہ ءَ پاکستان ءِ برآمد برجا اِنت۔ مزن وزیر ءَ پی این ایس سی ءَ را پنت ءُ شون کت کہ آ دریائی راہ ءِ وسیلگ ءَ ملکی برآمدات ءَ را گیش کنگ ءِ واستہ جہاز آنی بندوبست بہ کنت ءُ گوشت کہ دمگی کشیدگی ءَ ابید ھم سوبمندیں سفارتکاری ءَ چہ خلیج ءِ ملک آناں پاکستانی برآمدات ءِ سپلائی ءَ را دل یکیمی کتگ۔ گند ءُ نند ءَ مزن وزیر ءَ را بجلی ءِ پیداوار ءِ ھوالگ ءَ دراجیں مدتی ایکشن پلان، استیں جھان ءِ جاور ھال آنی تہ ءَ ملک ءِ برآمدات ءِ واستہ موہ ءُ چیلنج آنی بابت ءَ سرپد کنگ بوت، ایشی ءَ را گیواری ءِ واستہ گامگیج آنی بابت ءَ سرپد کنگ بوت۔ مزن وزیر ءَ را بریفنگ ءِ تہا گوشگ بوت کہ اے وھد ءَ کل بجلی ءِ پیداوار ءِ 55درسد قابل تجدید وسیلگ ءَ چہ ءُ 45درسد فوسل ایندھن ءَ چہ اِنت۔ آیوکیں دہ سال آنی تہ ءَ چہ قابل تجدید وسیلگ آنی وسیلگ ءَ بجلی ءِ پیداوار ءَ را 90درسد ءُ فوسل ایندھن ءَ چہ پیداوار ءَ را 10درسد ءَ سر کنگ ءِ واستہ کار کنگ بوھگ ءَ اِنت۔ گوستگیں دمگی تناؤ ءِ رد ءَ خلیج ءِ ملک آنی گوما ملک ءِ برآمدات ءِ آسراتی ءِ واستہ سفارتی کوشست کنگ بوھگ ءَ انت۔ بریفنگ ءِ رد ءَ خلیج ءِ ملک آنی تہ ءَ پاکستانی کشت ءُ کشاری سامان آنی لوٹ ءُ گزر ءَ مدام گیشی بوتگ۔