اسلام آباد۔7اپریل (اے پی پی): مزن وزیر محمد شہباز شریف ءَ نیشنل ٹیرف کمیشن ءِ تہ ءَ درستیں کیس آناں ٹھینگ بوتگیں وھد ءِ تہ ءَ ھلاس کنگ ءِ پنت ءُ شون کتگ ءُ گوشت کہ کمیشن سرمایہ کار ءُ صنعت کار آنی واستہ آسراتی ءَ را دل یکیمی بہ کنت ءُ آھاں چہ قانونی ءُ ایندگر پیچیدگی آناں رکھینگ ءِ واستہ ھاسیں گامگیج چست بہ کنت، کیس آنی …
نیشنل ٹیرف کمیشن سرمایہ کار ءُ صنعت کار آنی واستہ آسراتی ءَ را دل یکیمی بہ کنت، کیس آنی تہ ءَ دیر کنگ ھچ وڑیں جاور ھال آنی تہ ءَ برداشت کنگ نہ بیت، مزن وزیر شہباز شریف گہتری ءِ گامگیج آنی سر ءَ چار ءُ تپاسی دیوان ءَ گوں تران
اسلام آباد۔7اپریل (اے پی پی): مزن وزیر محمد شہباز شریف ءَ نیشنل ٹیرف کمیشن ءِ تہ ءَ درستیں کیس آناں ٹھینگ بوتگیں وھد ءِ تہ ءَ ھلاس کنگ ءِ پنت ءُ شون کتگ ءُ گوشت کہ کمیشن سرمایہ کار ءُ صنعت کار آنی واستہ آسراتی ءَ را دل یکیمی بہ کنت ءُ آھاں چہ قانونی ءُ ایندگر پیچیدگی آناں رکھینگ ءِ واستہ ھاسیں گامگیج چست بہ کنت، کیس آنی تہ ءَ دیر کنگ ءِ رد ءَ برداشت کنگ نہ بیت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ نیشنل ٹیرف کمیشن ءِ کاروائی ءَ را موثر ءُ میاں اوستمانی معیار ءِ رد ءَ جوڑ کنگ ءِ واستہ برجاھیں گہتریی گامگیج آنی سر ءَ چار ءُ تپاسی دیوان برجم دارگ بوت۔ مزن وزیر ءَ نیشنل ٹیرف کمیشن ءَ را ملک ءَ صنعت، تجارت ءُ سرمایہ کاری ءِ دیمروئی ءِ واستہ آسراتی پجاری ءِ پنت ءُ شون جاڑی کت۔ مزن وزیر ءَ نیشنل ٹیرف کمیشن ءِ ھوالگ ءَ کانودی جچیدگی آنی گیواری ءِ ضلورت ءِ سر ءَ ھم زور پر دات۔ مزن وزیر ءَ نیشنل ٹیرف کمیشن ءِ تہا افرادی قوت ءُ کارندہ آنی تربیت ءُ پیشہ وارانہ ماہرین آنی رائے ءَ را حکمت عملی ءِ بہر جوڑ کنگ ءِ ہم پنت ءُ شون کتگ۔ گند ءُ نند ءَ نیشنل ٹیرف کمیشن ءِ چیئرمین ءَ مزن وزیر ءِ منظور کتگیں روڈ میپ ءِ چیر دستی ءَ ادارگ ءِ تہ جاری کانودی، انتظامی ءُ مالیاتی گہتری ءِ بابت ءَ حاضرین ءَ را سرپد کت۔ مزن وزیر ءَ گوشت کہ نیشنل ٹیرف کمیشن ءِ ادارگی نوک جوڑ کنگ ءَ پد ملک ءِ صنعت ئُُ سرمایہ کاری ءِ تہ ءَ گیشی ءِ واستہ ایشی ءِ سرگرمیں کارکردگی المی اِنت۔ نیشنل ٹیرف کمیشن ءِ قانونی ءُ انتظامی جیڈھ آناں صنعت، تجارت ءُ سرمایہ کاری ءِ دیمروئی ءِ رد ءَ یک سرجمیں رپک ءِ چیر دستی ءَ گیواری کنگ بہ بیت۔ مزن وزیر ءَ پنت ءُ شون کت کہ نیشنل ٹیرف کمیشن ءِ توامیں چست ءُ ایر (آپریشنل فنکشنز) ءَ را سرجمی ءَ ڈیجیٹل کنگ بہ بیت تانکہ شفافیت ءُ کوالٹی ءَ را دل یکیمی کنگ بہ بیت، نیشنل ٹیرف کمیشن سرمایہ کار ءُ صنعت کار آنی آسراتی ءَ را دل یکیمی کنگ بہ بیت ءُ آئی ءَ را قانونی ءُ اے دگہ پیچیدگی آنی چہ رکھینگ ءِ واستہ ھاسیں گامگیج بہ زوریت۔ مزن وزیر ءَ پنت ءُ شون کت کہ ادارگ ءِ نوکیں رنگ ءَ جوڑ کنگ ءُ آئی ءِ کارکردگی ءَ را میاں اوستمانی معیار ءِ رد ءَ یکجا کنگ ءِ واستہ دگنیا ءِ تہ ءَ راجی جوانیں کارروائی آنی سر ءَ چار ءُ تپاسی کنگ بہ بیت، انفارمیشن ٹیکنالوجی ءُ مصنوعی ذہانت ءُ دگہ نوکیں رھبند آنی کارمرد کنگ ءِ وسیلگ ءَ نیشنل ٹیرف کمیشن ءَ نوکیں رھبند آناں زورگ بہ بیت ءُ نیشنل ٹیرف ٹرائف کمیشن ءِ کارکردگی ءَ را گیش ءُ گیوار کنگ بہ بیت۔ پیچیدگیاں مزن وزیر ءَ گوشت کہ نیشنل ٹیرف کمیشن ءِ افرادی قوت ءُ کارندہ آناں میاں اوستمانی معیار ءِ رد ءَ تربیت دیگ بہ بیت۔ مزن وزیر ءَ پنت ءُ شون کت کہ نیشنل ٹیرف کمیشن ءِ گہتریی گامگیج آنی بابت ءَ عملی رہشونی ءِ واستہ پیشہ وارانہ ماہرین آنی ازمت لوٹگ بہ بیت۔ نیشنل ٹیرف کمیشن ءِ تہا کیسانی تہا تاخیر ہچ وڑیں جاورحال ءَ برداشت نہ بیت۔ یک انچیں نظامے جوڑ کنگ بہ بیت کہ ایشی ءِ تہا درستیں کیس یک ٹھینگ بوتگیں وھد ءِ تہا ھلاس کنگ بہ بنت۔ گند ءُ نند ءَ گوشگ بوت کہ مزن وزیر ءِ منظور کتگیں روڈ میپ ءِ رد ءَ نیشنل ٹیرف کمیشن ءِ ادارگی، کانودی ءُ انتظامی نوک جوڑی ءِ سر ءَ کار برجاہ انت۔ گند ءُ نند ءَ وفاقی وزیر خزانہ محمد اورنگزیب، وفاقی وزیر تجارت جام کمال خان،وفاقی وزیر قانون اعظم نذیر تارڑ، وفاقی وزیر موسمیاتی تبدیلی مصدق ملک، وفاقی وزیر اقتصادی امور احد خان چیمہ، وزیراعظم کے معاون خصوصی ہارون اختر ءُ سیادی داروکیں اپسرگ آں بھر زوری کت۔
