وزارت داخلہ ءِ نیمگ ءَ چہ مزنیں ریلیف ، اسلام آباد ءَ موٹر سائیکل ءِ ٹرانسفر فیس یک ماہ ءِ واستہ ھلاس کنگ بوتگ

اسلام آباد۔7اپریل  (اے پی پی): وفاقی داخلہ ءِ وزیر محسن نقوی ءَ اسلام آباد ءِ شہری آنی واستہ موٹر سائیکل ءِ ٹرانسفر فیس (ملکیت ءِ بدلی) ءِ یک ماہ ءِ واستہ سرجمی ءَ ھلاس کنگ ءِ جار جتگ۔ سوشل میڈیا پلیٹ فارم ایکس ءِ سر ءَ وتی کلوہ ءِ تہ ءَ وزیر ءِ تہی کار ءَ گوشت کہ مزن وزیر محمد شہباز شریف ءِ سرکاری کمک ءُ سبسڈی ءِ گامگیج ءِ چیر دستی ءَ اسلام آباد ءَ موٹر سائیکل آنی ٹرانسفر فیس یک ماہ ءِ واستہ معاف کنگ بوتگ۔ اے پیسلہ ءِ مول ءُ مراد پٹرول ءِ نھاد ءِ تہ ءَ گیشی ءِ درگت ءَ الس ءَ را براہ راست مالی ریلیف دیگ اِنت۔