مزن وزیر شہباز شریف ءَ ورنا پروگرام ءِ چیر دستی ءَ برجا بوھوکیں منصوبگ آنی رفتار ءَ را تیز کنگ ءِ پنت ءُ شون کتگ، ورنا آناں گیش ءَ چہ گیش موہ پجاری ءِ واستہ کوشست آناں گیش کنگ ءِ پنت ءُ شون

اسلام آباد۔7اپریل  (اے پی پی): مزن وزیر محمد شہباز شریف ءَ یوتھ پروگرام ءِ چیر دستی ءَ جاری منصوبگ آنی رفتار ءَ را ترند کنگ ءِ پنت ءُ شون کتگ ءُ ورنا آناں گیش ءَ چہ گیش موہ پجارینگ ءِ کوشست آناں گیش کنگ ءِ پنت ءُ شون کتگ ءُ گوشت کہ روزگار، وانگ ءُ زانگ، تکنیکی تربیت ءُ اے دگہ موہ آنی پجاری ورنا آنی تہ ءَ پاکستان ءِ اولی ترجی انت۔ آئی ءَ گوں چیئرمین مزن وزیر ورنا پروگرام رانا مشہود احمد خان ءَ گپ ءُ تران کنگ ءَ ات آئی ءَ سئے شمبے ءِ روچ ءَ ایوان ءِ گوما گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ چیئرمین یوتھ پروگرام ءَ مزن وزیر ءَ را یوتھ پروگرام ءِ چیر دستی ءَ جتاجتائیں منصوبگ آنی دیمروئی ءِ بابت ءَ سرپد کت۔ مزن وزیر ءَ ورنا پروگرام ءِ چیر دستی ءَ جاری منصوبگ آنی رفتار ءَ را تیز کنگ ءِ پنت ءُ شون کت ءُ ورنا آناں گیشاں چہ گیش موہ پجاری ءِ واستہ کوشست آناں گیش گیش کنگ ءِ پنت ءُ شون کت ءُ گوشت کہ ورنا مئے راج ءِ آیوکیں باندات اَنت۔ ایشاں روزگار، وانگ ءُ زانگ، ٹیکنیکل ٹریننگ ءُ اے دگہ موہ پجاری حکومت پاکستان ءِ اولی ترجی آنی تہ ءَ ھوار اِنت۔ ما جہد کنگ ءَ ایں کہ ورناہاں جھان ءِ بازار ءِ تہ ءَ شرتریں کار ءِ بستار ءَ پیش بہ داریں۔