مزن وزیر ءِ صنعت ءُ پیداوار ءِ ھوالگ ءَ ھاسیں کمکار ھارون اختر خان ءَ گوں صوبائی وزیر سید عاشق حسین شاہ ءَ گند ءُ نند کت، برآمدات ءُ پالیسی ءِ ھمگرنچی ءِ ھوالگ ءَ گپ ءُ تران

اسلام آباد۔6اپریل  (اے پی پی): مزن وزیر ءِ صنعت ءُ پیداوار ءِ ھاسیں کمکار ہارون اختر خان ءَ پنجاب ءِ صوبائی زراعت ءُ لائیو سٹاک ءِ وزیر سید عاشق حسین شاہ ءَ گوں گند ءُ نند کت ایشی ءِ تہ ءَ زراعت ءُ لائیو سٹاک ءِ شوبگ آنی دیمروئی ءُ فیڈریشن ءِ نیام ءَ ہمگرنچی ءِ دیمروئی ءِ بابت ءَ گپ ءُ تران کت۔ گند ءُ نند ءَ وفاقی سیکرٹری صنعت ءُ پیداوار سیف انجم، پنجاب ءِ صوبائی سیکرٹری برائے کشت ءُ کشاری ءُ لائیو اسٹاک ءُ انجینئرنگ ڈویلپمنٹ بورڈ ءِ سی ای او ءَ شریک بوتگ۔ گند ءُ نند ءِ تہ ءَ پنجاب ءَ کشت ءُ کشار ءُ مالداری ءِ شوبگ ءَ جاری گامگیج ، ایشانی آسر ءُ معیشت ءِ اے ھاسیں شوبگ آناں گیش مھکم کنگ ءِ واستہ آیوکیں وھد ءِ حکمت عملی آنی سر ءَ سرجمیں گپ ءُ تران کنگ بوت۔ ہارون اختر خان ءَ گوشت کہ مزن وزیر شہباز شریف ءِ پنت ءُ شون ءِ رد ءَ حکومت کشت ءُ کشاری ءُ لائیو سٹاک ءِ شوبگ ءَ را بااختیار کنگ ءِ واستہ جزم انت تانکہ برآمدات ءَ را گیش کنگ ءُ اقتصادی دیمروئی ءَ را دیم ءَ برگ بہ بیت۔ آئی ءَ گوشت کہ گوشت ءِ یک سرجمیں پالیسی جوڑ کنگ بوتگ ایشی ءَ چہ گوشت ءِ برآمد ءِ تہ ءَ گیشی ءُ راجی معیشت ءَ را مھکم کنگ ءَ کمک رسیت۔ آئی ءَ گیش تران کت کہ وزارت صنعت ءُ پیداوار ءِ نیمگ ءَ چہ درستیں اسٹیک ہولڈر آنی شور ءُ سلاھ ءَ پد راجی ٹریکٹر پالیشی ءِ جار جنگ بیت ۔ اے پالیسی ءِ تہ ءَ زرعی میکانائزیشن، نوکیں کٹائی ءِ گیواری ءُ دمگی تک ءَ ٹریکٹر ءِ جوڑ کنگ ءِ دیمروئی ءِ سر ءَ دلگوشی دیگ بیت۔ آئی ءَ اے گپ ءِ سر ءَ زور پر دات کہ کشت ءُ کشاری ءِ تہ ءَ مشینری ءِ کارمردی ءَ را دیمروئی دیگ وھد ءِ ضلورت اِنت ءُ کٹائی ءِ لوکل مینوفیکچرنگ ءِ واستہ ھم جتاھیں پالیشی جوڑ کنگ بیت۔ ھاسیں کمکار ءَ سر وزیر پنجاب ءِ نیمگ ءَ کشت ءُ کشاری ءُ مالداری ءِ دیمروئی ءِ واستہ کتگیں گامگیج آناں ساڑات ءُ گوشت کہ ایشانی جوانیں آسر دیم ءَ آھگ ءَ انت۔ آئی ءَ یک رندے پدا گوشت کہ کشت ءُ کشاری ءُ لائیو سٹاک استیں حکومت ءِ اولی ترجی آنی تہ ءَ ھوار انت۔ صوبائی وزیر سید عاشق حسین شاہ ءَ گوشت کہ پنجاب ءَ برآمد ءِ واستہ 3 لکھ ءِ کساس ءَ مویشی دستیاب انت کہ آ ٹریس کنگ ءُ ویکسین کنگ بنت۔ آئی ءَ گیش کرتگ کہ صوبگ ءَ را پیسر ءَ چہ 30ہزار ٹریکٹر پجارینگ بوتگ وھدیکہ زوت دگہ 20ہزار ٹریکٹر پجارینگ بیت۔ ہارون اختر خان ءَ دل یکیمی دات کہ وفاقی حکومت گوشت ءِ برآمدات ءَ را دیمروئی دیگ ءُ جہانی مارکیٹ آنی گوما سیادی ءَ را مھکم کنگ ءِ واستہ صوبگ آناں سرجمیں کمک ءَ کنت۔ آئی ءَ اے ھم جار جت کہ برآمداتی آسراتی ءَ را گیش گہتر کنگ ءِ واستہ پنجاب حکومت ءِ کمک ءَ آیوکیں ھپتگ ءَ کمرشل اٹیچ ءُ سیادی داروکیں اسٹیک ہولڈر آنی دیوان برجم دارگ بیت۔ اسپیشل اسسٹنٹ ءَ اے گپ ءِ سر ءَ زور پر دات کہ فیڈریشن ءُ صوبہ آنی نیام ءَ جوانیں ھمگرنچی ءُ شور ءُ سلاھ کشت ءُ کشاری ءُ لائیو سٹاک ءِ شوبگ ءَ پالیسی آنی سوبمندیں نفاذ ءُ برجمیں دیمروئی ءِ تہنا ضمانت اِنت۔