حکومت انوگیں اقتصادی جاوراں مردمانی سرا گیشیں بار ایر کنگ ءَ چہ رکگ ءَ انت،  مزن وزیر شہباز شریف

اسلام آباد۔6اپریل  (اے پی پی): مزن وزیر محمد شہباز شریف ءَ گوشت کہ استیں معاشی جاور ھال آنی تہ ءَ حکومت مردمانی سر ءَ گیشیں بار ایر کنگ ءَ چہ رکگ ءَ انت، ریلوے ءِ نظام ءَ را گہتر کنان ءَ آمدنی ءَ را گیش کنگ بہ بیت۔ اے ھیالانی درشانی آئی ءَ ریلوے ءِ وفاقی وزیر حنیف عباسی ءَ گوں گپ ءُ تران کنان ءَ کت آئی ءَ دو شمبے ءِ روچ ءَ ایوان ءِ گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ دیوان ءَ پاکستان ریلوے ءِ سرجمیں کارکردگی، برجاھیں اصلاحات ءُ آیوکیں منصوبگ آنی سر ءَ سرجمی ءَ گپ ءُ تران کنگ بوت۔ پاکستان ریلوے ءِ آپریشنل امور آنی بابت ءَ مزن وزیر ءَ را بریفنگ کنان ءَ ریلوے ءِ وزیر ءَ گوشت کہ خلیج ءِ جاور ھال آنی تہ ءَ الس آنی سر ءَ گیشیں بوجگ ءِ سبب ءَ السی آسراتی ءَ را ھیال ءَ دارگ ءَ سرجمیں ملک ءَ بوھوکیں توامیں آپریشنل ٹرین آنی کرایہ آنی تہ ءَ ھچ وڑیں گیشی کنگ نہ بوھگ ءَ انت۔ مزن وزیر ءَ گوشت کہ استیں معاشی جاور ھال آنی تہ ءَ حکومت الس آنی سر ءَ گیشیں بار ایر کنگ ءَ چہ رکگ ءَ انت ءُ ریلوے ءِ نظام ءَ را گہتر کنان ءَ آمدنی ءِ تہ ءَ گیشی ءِ سر ءَ دلگوشی دیگی انت۔ مزن وزیر ئَ پاکستان ریلوے ئَ را یک نوکیں، ایمن ئُُ بھروسہ مندیں ٹریول سسٹم ئِ تہ ئَ بدل کنگ ئِ ھاتر ئَ اصلاحات ئِ گامگیج ئَ ترند کنگ ئِ پنت ءُ شون کت۔ آئی ءَ وتی جزم ءِ درشان کت کہ حکومت راجی گہبود ءِ ایجنڈا ءِ سر ءَ جزم اِنت ءُ توامیں ادارگ آنی کارکردگی ءَ را گہتر کنان ءَ ملک ءَ را دیمروئی ءِ کشک ءَ ایر کنگ بیت۔ مزن وزیر ءَ ریلوے ءِ وزیر ءَ را پنت ءُ شون کت کہ آ جاری ریلوے منصوبگ آنی وھد ءِ سر ءَ سرجمی ءَ دل یکیمی بہ کنت ءُ الس ءَ را گہتر، ایمن ءُ ارزانیں سفری آسراتی پجاری ءِ واستہ توامیں وسیلگ آناں کارمرد بہ کنت۔